都話過做親種子通常第一場就比人爆gala！起碼對手比你打多場，尤以我哋打長膠的，唔熱身跟本好難打，唔係揾嘢賴，上星期我才放了四天病假，隻脚痛到落床都落唔到，呢幾日仲衰，全家中哂招，老婆、呀仔同我，食藥食到温温燉燉，個個咳到嘔，呀仔剛剛嘔完，又要做一輪事後功夫，加上要搬屋，呢個月只係打咗兩次波，一次係今日嘅比賽。
其實今日嘅正手打出超水準，奈何反手長膠有點控制不住，應該頂到嘅又頂唔到！有機會又把握唔到，第五局我係領先 10:8 的，點不知小朋友心理質素好好，連取四分贏咗！呢位小朋友都係一個好好的對手！
等我搬完屋，就會回復番每星期至少打番一日波，唔會好似而家一個月都打唔到一場波，希望可以改善到我水準不穩定的情况喇！
其實聽日屋苑有個比賽，上年我不失一局，希望今年都係喇！跟住8月7日新屋的屋苑都有比賽，接着8月尾遮仔會都有比賽，所以都好忙吓！
