故事大意來自尋晚南方衛視節目... ... (純屬講故, 某乜寓意; 講睇相佬金吊桶的故事)
講故版:
<金吊鐘變金吊桶>
金吊桶黃卓生廣東新會人, 相命, 早期佢自己號稱星相學家金吊鐘; 當時有笑睇相佬: 睇相睇相, 自彈自唱; 因他原地不能發跡. 離鄉到廣州繼續謀生, 當時廣州城隍?晚間好流行擺算命檔, 起初黃卓生仍不能發, 有高人指點改為金吊桶倒轉為才能裝水, '金吊桶'個名好似內藏玄機咁... ... 改稱號後十算九中, 越來越旺.
其實黃卓生主要靠在鄉下的習慣及觀察, 推斷預期結果. 例如有次有孕婦到找黃求生子, 黃叫婦人在放生屋內某板下的龍狀物, 以免被雞啄食, 若果都係生女就屬天意(因黃根據鄉間的經驗, 知道當時屋的結構遇到濕氣後易見蜈蚣, 預知有的龍狀物就係指蜈蚣)... ... 民間慣講'算命先生慣說空, 指南指北指西東'.
<陸榮廷睇相>
廣西陸榮廷, 都督級人馬, 與衛士長喬裝普通百姓慕名搵金吊桶黃卓生睇相. 黃觀察到陸骨格, 手掌及肌肉等, 估計佢係從事武職, 更估計佢有機會係陸都督, 但黃又唔想擦鞋, 話陸有血光之災, 陸回府後覺被整蠱, 怒叫衛士派人到城隍庙捉相士們; 到場已見各睇相佬走晒路, 有話係金吊桶黃卓生指示有不吉之兆, 提點城隍庙行家們齊齊走路. 後來陸榮廷真應金吊桶驗有血光之災, 真被孫中山逼出廣州(陸榮廷睇相, 唔衰攞嚟衰就此由來).
<十濁一清>
陸掃城隍府時, 金吊桶已走到廣西, 晚年才回廣州. 在廣州遇有富貴老闆包起佢做隨身相士, 黃卓生見佢點睇唔係咁係富貴格, 打算收夠籌就走. 點知有日, 佢見老闆背對住佢就可以180度回頭面向佢, 個頭仲可以轉足360度; 原來老闆龍回頭格(獅子回頭格), 十濁一清(都係富貴格), 金吊桶又散水... ... 走後有人通知那老闆黃卓生已逃離廣州, 老闆預測呢次由如果黃由水路走會遇險, 幾日後金吊桶黃卓生溺斃; 原來老闆亦係金吊桶行家, 慕名/好奇僱用金吊桶, 睇睇佢有幾多'功力'.
------
普通版:
另一講法, 黃卓生吊桶載客人時辰八字及利是(相金)予黃卓生睇, 吊桶用金造, 所以叫金吊桶.
[
本帖最後由 feideepking 於 2011-1-19 05:01 編輯 ]
