打雙打好虾人, 好多時都要走住打, 步法要求高, 唔似得單打咁好多人企定定都可以打死人。
開波通常要開短下旋防人一板快攻打番轉頭, 因為拍檔又要避你又要接急波難度好高。重要短而低防人搓個網前大斜角累死拍檔。
對打時如果遇著對手唔多走動就最好追人打, 即係邊個回個波番o黎就打番去邊個度, 雙打要一人打一板好易搞到人哋撞埋一舊。換轉對手經常大幅度走動的話就要睇位打, 如果見對方從左走緊向右就打佢左邊, 向左走就打右邊, 一般都好難走走下即時停低走番轉頭救波, 超級高手除外。
自己走位最好打完向後走, 走唔切就踎低, 咁就冇咁易阻住拍檔視線。
係諗到咁多, 我打波輸多贏少, 唔啱聽當我冇講過。
