今日岩岩收到呢個電話, 佢話佢係無線收費電視台既, 而家同NOW合作, 知道我有部NOW機, 想找我做宣傳大使, 重話"免費"送幾十台高清俾我睇,唔駛俾機費同上台費, 講到好似好底咁...
唔知講講下, 佢用好快既速度講左句"只係象徵性每日收$3俾傳送費"....嘩, 乜唔係免費既咩? 竟然要每月收差唔多$100?!?!咁未重貴過我簽約加高清台? 擺明係坤人錢啦..
咁我就開始同佢玩下啦....
我:"我唔睇高清電視, 只係睇無線架wo, 咁我做左宣傳大使未好唔抵?"
點知佢話:"唔睇唔緊要, 我地有送好多coupon架, 你出去食野有75折架"
哈...人地話唔睇都重想坤人申請高清台? 好, 繼續玩
我:"我地唔出去出去食野, 只係買餸煮飯食咋wo"
佢話:"咁我D超級市場coupon就好有用啦"
我:"超級市場咁貴, 我地只係係街市買餸架咋, 你可唔可以俾D我指定既街市coupon我啊?"
佢终於諗唔到野講, 講左幾句客氣說話就收左線...
唉, 收得咁快, 我重有幾句想同佢講架:”搵我做宣傳大使,咁即係請我啦. 我最多抵Ｄ諗,政府話最底工資$20一個鐘, 咁我就只係收$20一日, 咁一個月只係俾我人工$600, 我又唔會睇你D高清台, 重幫你節省個$3日既數據傳訊費用. 咁抵既宣傳大使去邊度搵?"
