引用:
原帖由 (=^x^=) 於 2015-4-2 00:54 發表 ![](https://hkttf.com/images/common/back.gif)
今日是一個好特別的日子,四月一日愚人節,這一日除了是張國榮的死忌外,也是我的一個特別日子。
很少在香港看電影的我今日走入電影院看了一套 "五個孩子的校長", 看完后我沒有哭,但有感動。
這套電影拍得很好,很 ...
其實有時......你會唔會想, 呢個網站可能唔係偶然, 睇住你大, 睇住你學......X
![](images/smilies/default/titter.gif)
, 反而我覺得好似好有計劃咁.
你想到的, 其實是你想到定係你上面既老板想到
![](images/smilies/default/lol.gif)
有一輯有線講小事大意義, 都有講有人免費教貧窮小朋友學音樂, 有時你真係唔知原來對佢地影響有幾大, 現在, 其實你地盆又有, 人又有, 如果有人要做呢樣野, 其實你可能真係最岩既人選.
其實你可能會想, 咁其實學波班細佬又有什麼益處呢?
講一個百份百真實故事, 因為主人翁就係我.
上個月, 我撞到....我恩師, 簡偉雄, 簡SIR, 我地細佬時期, 邊有現在咁富有, 我地公屋長大, 球場黑社會多過足球, 又無咁多福利,娛樂,體育館,打波都係打石檯仲要同人搓擡
![](images/smilies/default/cry.gif)
咁仲記得中一個年,有個學兄, 同我有點熟,我打極都唔夠佢打,佢問我係唔係想學波? 我緊係話想啦, 佢就呀左我去入......(唔係黑社會), 係去左牛頭角女青年會(原來女青係無女架....,呃人架
![](images/smilies/default/mad.gif)
), 當時,佢地有乒乓球班, 教練就係簡SIR,仲記得, 當時會費係二十元, 其實.....我地成日拖
![](images/smilies/default/lol.gif)
,唔應該講拖, 拖係會還, 我地係成日唔交會費
![](images/smilies/default/lol.gif)
咁個教練就係簡SIR, 佢係第一個, 我認識既正統乒乓球教練, 即係好似武夾小說, 你平時都係街邊二打六,打爛仔交, 最勁都係街口個賣武阿哥, 當時, 我就好似係見到.....全真七子丘處機一樣, 要你練既野,概念,目標都唔同, 如是者, 打左幾年,入左校隊, 打過比賽......
其實乒乓球技術既影響唔係最重要, 但對人生既影響就好大, 我仲記得佢有一年講, 話教埋呢年就唔教(其實後來我地就散班), 佢話其實打得幾好都無用, 都係做波牛, 佢走去讀返書, 當年佢仲好似只係小學畢業, 佢仲同我地班球員講, 你要考試就請假, 讀書緊要......, 三十幾年過去. 簡SIR讀埋大學, 攞埋HONOR DEGREE, 好似讀埋MASTER, 記住佢係由小學程度開始讀, 咁呢班學員點呢, 識我都知, 我有打大專賽, 但係當年....,記住係一九八X年, 呢班學員, 無出過張文, 李學榮或者香港前列球員, 但係佢裡面,七成都要讀到專上院校, 記住係上世紀八十年代, 其實三個仲要係讀.....HKU
![](images/smilies/default/41.gif)
我想補習班成績都無咁理想
如果無學波, 有時我都會想, 係球場長大同係社區中心做義工長大,分別會有幾大?
所以, 如果你有心搞, 你搵我幫手,我實幫.