其實依個問題我都係近黎先認真唸, 特別係學完禪修既新體會
其實我打左都好多年波下, 以前都叫正規操過 不過以前好ENJOY球來球往,靠REFLEX ACTION打波,覺得好爽
亦會經常輸俾D無厘頭既對手
其實學波一般教練都會教一D正規既戰術,不過一般教一兩套,不過其餘都少講
所謂學院派: 開下旋, 人地會削,你拉,佢推擋,你攻 ; 你開不轉,你起手攻.
不過你睇世界賽 點解要暫停,點解要開波唸咁耐,就可見高手對決,內心思考既複習性
佢地每次開波都唸好三四板波,所謂前三板,前四板
打雙打點解要知隊友開乜波一樣,因為比如我咁,無夾過個隊友,我開波,對手食高幾次,我隊友呆左:) 唔識拍死對面
譬如你開波咁計,就算啱開始打波既人都有幾隻開波,不過好少會唸對手接成點樣.
首先我近來會留意 我自己每隻開波有冇留意對手接番黎會係點樣?
其實好似捉象棋咁, 要有戰略 :-
比如你開幾個下旋,為乜先?初初就係睇下對手乜料,唔俾佢起板,睇下佢點打先,有乜叻,有乜唔叻
之後就送個無西/上旋俾佢,依個時侯要準備好拍佢啦,因為PLAN定左,唔係開左波先算啦咁
開局頭幾個波: 開個左,開個右,開個近,開個遠,睇下佢俾番D乜你<- 重點! 俾D觀察力!
因為可以好唔同,比如街坊波好多人都開反手,跟住好多街坊反手好叻,你開個靚少少既正手,佢地會呆左
又比如你開逆旋,一般水平都唔差太遠既話,佢都係接番黎你正手位啦,所以正手要READY拉/抽...咁又係一套攻擊手段
當然你對手係左手,就另一種打法啦,我試過基本將D野反轉就好
仲有調左打右,調右打左,都係PLAN好,放個直線波,打另一面,
放個小三角,打個長既(打直板尤其好
);
放個唔知左唔右,中間, 再打左右大角(打橫板尤其好,橫拍中間難搞
)
所以如果你打開一隻拍,你可以借另一種拍打一排,同埋怪膠都打下, 你就FEEL到優劣點,同對手既感受<- MAIN POINT! 知己知彼!
有比如我以前怕粒粒,長膠,因為我死開轉波,自己受,依家就係咁送無西波,番黎乜都無,平拍收工 <- 當然水平相約啦
仲毒既,對一D好鐘意正手加力攻人既對手(我唸我見既,有7成人起碼,見正手高高地既波就會好HIGH) ,我依排主動放人正手, 有時旋/有時唔旋,佢搞唔好會拉落網,/拉飛街, 就俾佢拉,但係要準備主動反彈,
你唸下佢拉三球先算, 佢有球俾你呃飛街,有球拉中好有型
<-比D掌聲佢 ,有球俾你彈死.
2比1, 你係咪WIN佢一倍先,打多兩板,佢一係唔敢起手,你再慢慢食佢啦; 佢一係一尾死拍,咁咪 2:1 啫係11比5/6囉.
打場波你會知道對手乜性格嫁啦,
又比如我有個波友好叻吊人空位,我會扮有空位俾佢吊,你都知結果啦
個心有準備,真係唔同,唔會手忙腳亂
每打一分波,都回憶下,唸下個MECHANISM係乜
仲有 比如你有手怪開波/怪戰術,唔好鐘意就開下, 好似美國留番D抗生素咁,打到9:9, 10:8 先拎黎用, 一舉食糊.
每分都有戰術, 每局都有總體戰術!
總之多D唸, 多D睇波(公共圖書館有電子書),仲有書睇,專講戰術同心理,你去YOUTUBE搵有D訪問教練, 賽後, <- 果D真係學到好多野. 去多D唔同既波局,睇唔同人,唔同打法.慢慢, 自己叻既野就會放大,自己唔叻就會改善.改碼都知先啦.
仲有D
有個說法: 算 猜 騙 等
算:啫係開波唸好啦,跟住局勢大概會點啦
猜:人地開乜波都可以估啦,或人地點接波都可以啦(比如佢想側身拉,你開直線,搞掂,你係專業賽都成日見)
騙: 開唔轉啦,好似我講果個比正手呃人啦,都然作為中國人,你可能仲精過我啦
我試過同幾個鬼佬打,佢地真係好天真嫁:),
等: 安排好喇, 機會到來, 全力攻擊.機會未到,咪過住波先囉. 就算所謂打削波, 八九成都要殺最後果拍啦
我依排唸完好多波後, 有好多新睇法.而且以前五五波依家都WIN好多:) 同埋更識揀拍用,配自己既打法
希望依位師兄進步神速, 打波MINDFUL! 不過我都係起步階段,最難係一面打,一面唸,好攰,真係好攰.
不過有好多人無乜比賽心,打波係ENJOY 下個運動,打下波,中遠枱抽下抽下, 睇自己啦!
又比如,你同女朋友打波,你放高波啦,開心下啫,駛乜偷呃拐騙
