兒子學波一年, 我也學了10個月!

最近,他乒乓球‘考試’合格,

我唔駛考, 都知 ’肥佬’! 因為打波太差 la!!!

* 上一堂學波, 練側身, 側20幾下後,就腳軟,步法跟唔上, 動作散曬!

*  拉前衝弧圈, 不識發力又用大力, 扭親條腰 tim! 拉波時,用死力,身體硬, 拉完一球無放鬆又拉一球, 所以好快就冇氣!

*  而家重要教練成日提點: 要轉腰呀, 要收上臂呀, 打完要快d 還原呀等基本功動作

* 除了和兒子外, 一次也沒有和其他人打過分, 因為怕悶親人!

我知道自己成績差的原因, 就是缺少練習, 每星期打波兩小時, 就是學波那兩小時!

平日,我要跑下步, 又要陪太太一星期打兩次羽毛球, 真係冇乜時間剩!

真後悔, 讀書時, 沒有打乒乓球, 而家, 臨老至學!

不過, 我雖然打得差, 但我學波的目的巳達到:

1.學波後, 乒乓球技術的理論和乒乓球世界的事情, 我都知少少,所以我 與兒子有共同話題。

哈哈哈, 佢琴日叫我估,下次奧運男乒單打冠軍是誰,他估是王浩, 我話係馬龍,之後, 我就聽他講為什麼是王浩不是馬龍的’ 偉論’!

2. 我有了乒乓球知識後, 睇兒子練波或打分, 我就可看出一些缺點, 可有 point 地和兒子的教練討論下, 又可以在我學波時請教下我的教練,又可在 hkttf 發問題 post!

3. 每次兩小時的學波可以 kept fit, 出一身大汗, 教練當我是18,22的年青球手咁去操, 重辛苦過跑21公里的半馬拉松!

乒乓球‘考試’, 我都系 ’肥佬’ 架 la,

但我唔介意!