香港乒乓網 - Powered by Discuz! Board

標題: [生膠] 生膠轉正膠既淺薄經驗 [打印本頁]

作者: 阿舜 時間: 2010-7-3 15:46 標題: 生膠轉正膠既淺薄經驗

經過八年冇波練既外國生活, 現在返港重新練波已經超過3個半月, 由生膠轉正膠亦已經超過1個半月, 終於開始有番少少手感, 嬴波既機會終於超過一半. 我有一點由生膠轉正膠既淺薄經驗想分享一下, 希望可以拋磚引玉, 等一些真正既粒仔高手亦分享一下用生膠或正膠既寶貴經驗, 讓大家學習學習.

由生膠轉正膠既原因(元凶?

)係無機膠水... 以前我用既係032球拍配spectrol既生膠, 頭個幾月都係用有機膠水. 不過當我終於開始轉用無機膠水時, 發覺不但速度完全無晒, 而且近台挑撥亦變得無從發力. 我當時好心急, 一時間失去信心, 便開始試用PALIO 8601球拍配Nittaku moristoSp既正膠,

新板俾我既第一個感覺係力度可以輕易傳到球中, 近台挑撥好舒服, 正手攻球亦有番速度. 不過由於實在太彈, 新板重量亦太過輕, 比舊板差唔多輕左一陪, 正手攻球同推擋都很容易出界, 未敢發盡力打, 我諗我還需要多一段時間才可以完全適應, 發揮新板既真正攻擊能力. 另外亦多謝有波友建議我在背面加一塊膠(我現在只用單面膠), 以加強重量同穩定性. 我諗如果我過多半年到一年後仍然未能完全適應, 便會加一塊膠以加強穩定.

另外, 新板既旋轉不錯, 拉波雖然比不上反貼, 但仍然可以拉出旋轉, 發球亦可以速度旋轉並兼.

當然, 正膠既自然下旋無生膠咁強, 是其美中不足之處. 不過技術好一點的仍然可以主動推下旋.

總括來講, 我個人覺得生膠比較容易借力打位, 攻守皆宜, 打出來既自然下旋如果可以配合間中既上旋便可以成為一個良好戰術. 至於正膠我覺得比較需要自己主動發力, 以發球配合第三板立即搶攻, 接發球亦最好以發力為主. 總而言之就是攻, 雖然我自己還有排都未做得到

希望各位粒仔高手可以提供一點寶貴意見, 尤其是戰術方面

[ 本帖最後由阿舜於 2010-7-3 22:40 編輯 ]

作者: 閃人 時間: 2010-7-3 16:46

我反膠轉生膠,頭一個月輸波輸到想掉膠
現在掌握生膠性能,加上高人指點正手
又換了Clipper Wood,打出來比舊板隱定
發力彈擊,和自己主動發力,要有深厚基本功
所以經常練習,您和我都是打近台
前三板一定要主動,上升期是我們進攻好機會
錯過了只有捱打,這點是最難掌握
這是個人意見.

作者: cctvb 時間: 2010-7-3 19:26

我覺得外國製的正貼都係偏向生膠多一些。

作者: sam1996921 時間: 2010-7-3 22:34

支持下你

作者: hydekong 時間: 2010-7-7 00:01

try shamada from butterfly, that get along very nicely with pimples-out.

作者: HK-KC 時間: 2010-7-24 02:56

引用:

原帖由阿舜於 2010-7-3 15:46 發表
經過八年冇波練既外國生活, 現在返港重新練波已經超過3個半月, 由生膠轉正膠亦已經超過1個半月, 終於開始有番少少手感, 嬴波既機會終於超過一半. 我有一點由生膠轉正膠既淺薄經驗想分享一下, 希望可以拋磚引玉, 等一 ...

support,舜兄

歡迎光臨香港乒乓網 (http://hkttf.com./)