香港乒乓網 - Powered by Discuz! Board

標題: 兒童+青少年比賽賽后吹水 [打印本頁]

作者: (=^x^=) 時間: 2011-4-5 22:33 標題: 兒童+青少年比賽賽后吹水

首先多謝咁多位參加兒童節讓分賽的小朋友, 今日來的小朋友好多
最細有 4 歲, 最大有 16 歲
在此我要特別多謝亞揚及chan hang to, 因為無論你是 4 歲或16歲都要有無比勇氣才可以參加這次比賽
雖然比賽讓分是有上限, 不過上限是 10分, 話雖如此, 但今日最高讓分也只是讓九分.
另外要多謝精英隊 "軒軒" 客串做嘉賓, 令整個比賽生色不小

除此之外要多謝希望館今日借出場地供比賽之用, 其实今日用場很緊張, 左面有專才在教波, 右面有甲組教練
今日有四位小朋友特別為了這個比賽要在賽前加牢操練, 雖然我們不是什麼大比賽, 但看出小朋友很重視.

順帶一提, 曾教練的水平真的比很多教練高.
假日都是教練的黃金教波机會, 但他放棄教波, 專程帶三個小朋友來打比賽, 其中一個更是由早跟到晚
熱身, 指導, 心理輔導.......雖然曾教練不是港青, 也不是甲組. 但他有的 "愛心", "耐性" 是很多教練身上找不到的.
當然從 Baldwin 身上看到曾教練教學水平, 六歲小朋友打入9歲青少年八強不是偶然.

我相信亦好肯定 Baldwin 仔一定在未來七歲組取得冠軍 (聽說他今年及明年都打七歲組)

抱歉今日有很多做得不好的地方, 期望各位多多包含, 若有什麼意見, 也歡迎提出分享, 以致將來可以做得更好.

作者: borkee 時間: 2011-4-5 22:53

曾教練的愛心唔單止給他的學生，就連佢身邊嘅人都感受到，佢對朋友都好有愛心！

作者: (=^x^=) 時間: 2011-4-5 22:59

所以乒匯咁多靚女打波.....人好無藥醫 !!

作者: (=^x^=) 時間: 2011-4-5 23:05

某人d攝影技術...

作者: terrysham1112 時間: 2011-4-5 23:24

作者: jcclee 時間: 2011-4-5 23:24

恭喜一眾得獎的小朋友 ! Well Done !

(題外話) 穿著紫色長褲嗰位小妹妹...應該係好適合打乒乓球呢類運動,
因為佢手的長度比一般人更有優勢

作者: terrysham1112 時間: 2011-4-5 23:25

貓兄安排得好好~~~

作者: yoman 時間: 2011-4-5 23:55

曾教練比許多甲組教練教得好
單憑愛心及耐性已經無人能及

尤其是教小朋友特別出色^^

作者: Bluemoon 時間: 2011-4-5 23:57

貓哥,
多謝哂你今日的安排, 小朋友打得興奮, 我地睇得開心!!

作者: c17105 時間: 2011-4-6 00:35

貓兄,多謝哂你悉心安排, 所有家長都好 Nice. 小兒打得好開心. 隨咗輸波嗰刻. 希望佢遲D學懂接受比賽輸波的心態.

作者: (=^x^=) 時間: 2011-4-6 00:43

今日貓仔都輸波, 我地都好開心佢輸比年紀比自己小的小朋友. 當時暫停時我唸, 是否應該幫佢, 提下佢應該點打, 最后我無咁做, 其中有兩個原因, 今日我的身份是主持, 主持要中立, 不能幫任何人, 2 是因為我想給他學習如何面對, 因為比賽只有一次暫停, 很多時球員要自己面對整場比賽, 后面只有支持者的掌聲及對手的掌聲, 如果學乒乓球只學技術, 不學習面對壓力, 我想小朋友永遠長不大, 所以其实小朋友在乎輸是一件好事, 輸不緊要, 一方面知道天外有天, 人外有人, 要WIN便要努力, 世界上沒有天才, 沒有努力訓練誰也不懂打波, 另外也學習面對失敗, 這些比賽仔目的只是透過比賽讓小朋友有更多的比賽經驗. 最后多謝你們參與, 期望下次也見到你們, 也見到每一個小朋友在進步 BTW 我地論壇好多人都好NICE GA, 唔NICE果D早已BAN晒IP

作者: 太陽之子 時間: 2011-4-6 01:44

多謝MAO GOR 百忙中組織了一個咁有意義的比賽，讓小朋友能一展身手，互相交流

小朋友在比賽中勝負事小，最重要是能盡力爭取最好的成績，控制自己的情緒，及從失敗中吸取經驗

今日大家都玩得十分開心呢

Baldwin仔還有很多缺點及不足，其他小朋友也正在努力練習，希望佢勝不驕敗不餒，在日後的比賽中能發揮自己的最佳水平

作者: 太陽之子 時間: 2011-4-6 03:08

一左一右既兩位小朋友好得意呢

左邊個小男孩我知叫咩名，咁右邊果個呢?

今日同佢地既對答，好得意呢，哄得我好鬼開心

小男孩好得意，一黎到就捉住我同佢計分，掹住我唔放
我問佢：你知唔知我叫咩名呢?
佢話：唔知....同我計分啦

等左幾SET，終於有得打，埋枱個陣我問佢：
你讓我幾多分呢?
佢話：唔讓

我問佢：咁0比0開始打?
佢話：係!

打完一SET，同佢握手，小女孩又“照辦煮碗”，捉住我打
我同佢講，不如妳同小男孩打啦，佢話：唔得，我要同你打...

埋枱個陣我都係問：
你讓我幾多分呢?
佢話：唔讓

我問佢：咁0比0開始打?
佢都係話：係!

----------------------------
下午我又見到小男孩
佢一黎就舉起塊波板同我講，幫我拎住呀!
我問佢，你都唔知我係邊個，你就叫我拎住，你唔驚我偷走佢咩?

佢冇理我就走左去TOILET

過左一分鐘佢出返來，同我講，俾番塊板我呀.....
我問佢，洗左手未架? 佢話：洗左啦
咁你抺乾未架? 佢話：俾我呀

作者: 太陽之子 時間: 2011-4-6 11:56

引用:

原帖由 氣寒西北 於 2011-4-6 11:43 發表
又輸波

小氣寒打得幾好啦

作者: 太陽之子 時間: 2011-4-6 12:04

引用:

原帖由 氣寒西北 於 2011-4-6 12:02 發表

要你多多幫忙先得了

點幫?

作者: 卓朗 時間: 2011-4-6 12:07

congrad everyone

作者: 太陽之子 時間: 2011-4-6 12:14

引用:

原帖由 氣寒西北 於 2011-4-6 12:10 發表

幫忙帶多個去比賽
我就去玩

咁都得

作者: dkpkf003 時間: 2011-4-6 12:58

琴日d小朋友打得好好

我地大人都睇得好開心

...多謝貓哥 ^^
哈哈..貓仔做費達拿客席教練時好專業,教佢要冷靜,但面對強勁嘅小baldwin追番一局,費達拿就完全控制唔到情緒

唉~~心理質素咁差....真係要好好磨練先得

作者: 太陽之子 時間: 2011-4-6 13:03

費達拿好聰明呢

接側旋球時比其他小朋友乖巧，中枱相持也很出色，泥地王名不虛傳

作者: dkpkf003 時間: 2011-4-6 13:40

如果佢嘅心理質素可以好似小baldwin同貓仔咁就好啦....

唔知要等到幾時

作者: esubido 時間: 2011-4-6 23:13 標題: 回復 13# 的帖子

兩位小朋友係長洲乒乓球會的會員，兩個都好乖好得意，是兩姊弟。

作者: 太陽之子 時間: 2011-4-6 23:15

引用:

原帖由 esubido 於 2011-4-6 23:13 發表
兩位小朋友係長洲乒乓球會的會員，兩個都好乖好得意，是兩姊弟。

呀.係喎,我見到佢地都係著球會衫

希望下次見到佢地，已經進步神速

作者: Godwin 時間: 2011-4-7 00:03

謝謝貓哥哥安排這天的比賽, Baldwin玩得很開心.

我相信他除了在比賽中學了新的球技外, 如貓仔哥哥的七旋斬發球, 他更享受和不少舊朋友重聚, 如費達拿, 小王子, 小氣寒等等, 和新認識的朋友仔 (我發覺在比賽中有很多"美少女戰士", 相信將來她們在選美中會拿到不少獎項. Baldwin好似拿了幾個電話號碼......)

更多謝曾教練在百忙中陪了Baldwin 全日. 他有唔錯的表現全賴有你的指導和支持.

作者: KKFan 時間: 2011-4-7 00:07 標題: 回復 13# 的帖子

多謝你和我兩個小朋友玩,右面個叫[詠詩].元旦杯時我都有同你打過波,都好好玩, 我都接近二十五年無打波...因去年七月她們開始喜歡打波,從那時起每天都打[除非無場或功課忙]

希望有機會再見
KKFan

作者: 太陽之子 時間: 2011-4-7 00:07

引用:

原帖由 Godwin 於 2011-4-7 00:03 發表
謝謝貓哥哥安排這天的比賽, Baldwin玩得很開心.

我相信他除了在比賽中學了新的球技外, 如貓仔哥哥的七旋斬發球, 他更享受和不少舊朋友重聚, 如費達拿, 小王子, 小氣寒等等, 和新認識的朋友仔 (我發覺在比賽中有很 ...

原來Baldwin仔靜靜雞問左咁多人攞左電話

作者: 太陽之子 時間: 2011-4-7 00:10

引用:

原帖由 KKFan 於 2011-4-7 00:07 發表
多謝你和我兩個小朋友玩,右面個叫[詠詩].元旦杯時我都有同你打過波,都好好玩, 我都接近二十五年無打波...因去年七月她們開始喜歡打波,從那時起每天都打[除非無場或功課忙]

希望有機會再見
KKFan

我記起了，只不過我辨別容貌比較水皮一點，不要見怪呢

他們和您一樣，也十分享受乒乓球運動呢

作者: jcclee 時間: 2011-4-8 10:45

今天的小朋友就是未來香港的希望 !
祝佢地可以快樂地健康成長 !

發覺鍾意打乒乓球的小朋友通常都幾乖,
運動總比打機好, 能夠平衡身心, 過程當中更可以學習做人.

支持乒乓球論壇及有關的活動 !

作者: hytam 時間: 2011-4-8 13:57

[quote]原帖由 jcclee 於 2011-4-8 10:45 發表

發覺鍾意打乒乓球的小朋友通常都幾乖,
運動總比打機好, 能夠平衡身心, 過程當中更可以學習做人.

支持乒乓球論壇及有關的活動 !

[/quote

Totally agree

作者: friendlywa 時間: 2011-4-9 15:18

good

作者: 青見人 時間: 2011-4-9 16:38

引用:

原帖由 jcclee 於 2011-4-5 23:24 發表
恭喜一眾得獎的小朋友 ! Well Done !

(題外話) 穿著紫色長褲嗰位小妹妹...應該係好適合打乒乓球呢類運動,
因為佢手的長度比一般人更有優勢

關事嗎？

作者: 王子 時間: 2011-4-12 22:36

多謝貓哥給
小王子的賽後的提點,
小王子玩得好開心,
Baldwin, 費達拿,小氣寒這些舊朋友的再聚,真的很難得
2010年11月20日比賽至今,各人第一次再聚比賽,
各小朋友均有大躍進,
暫以baldwin進境最大,小氣寒第二,費達拿第三,
小王子最差
最後希望小王子可將打波的志向放在學業進發,考獲全班十名內,還我一點心願

作者: 太陽之子 時間: 2011-4-12 22:41

引用:

原帖由王子於 2011-4-12 22:36 發表
多謝貓哥給
小王子的賽後的提點,
小王子玩得好開心,
Baldwin, 費達拿,小氣寒這些舊朋友的再聚,真的很難得
2010年11月20日比賽至今,各人第一次再聚比賽,
各小朋友均有大躍進,
暫以baldwin進境最大,小氣寒第二,費 ...

名次係其次，最重要係佢盡力做好每一件事
對自己有一個交代

作者: 王子 時間: 2011-4-12 22:48

太陽之子:

允心多謝你的提點

作者: 太陽之子 時間: 2011-4-12 22:53

引用:

原帖由王子於 2011-4-12 22:48 發表
太陽之子:

允心多謝你的提點

小弟不敢

不過壓力越大，表現亦可能會有影響
小朋友生活最緊要開心嘛

作者: dkpkf003 時間: 2011-4-13 10:35

我覺得小王子進步左好多

尤其是對BALDWIN爭冠軍嗰塲,一d都冇氣餒..一分一分咁追..

唉~~~費達拿就打唔到逆境波,成日輸比自己嘅脾氣

作者: jcclee 時間: 2011-4-13 10:44

引用:

原帖由 青見人 於 2011-4-9 16:38 發表

關事嗎？

手長當然是會有d優勢啦, tick 近網波都易d啦

(eg.好似打藍球咁, 高d都會著數d啦)

作者: 太陽之子 時間: 2011-4-13 11:19

引用:

原帖由 dkpkf003 於 2011-4-13 10:35 發表
我覺得小王子進步左好多尤其是對BALDWIN爭冠軍嗰塲,一d都冇氣餒..一分一分咁追.. 唉~~~費達拿就打唔到逆境波,成日輸比自己嘅脾氣

我都覺得佢打逆境波唔太好
而且佢容易心散泥

作者: 王子 時間: 2011-4-13 11:37

多謝費達拿媽媽讚賞
費達拿發球是四子中最好的,
我給進境第三是因為小氣寒之前連發球都發出界,故進展是大有進步的
BALDWIN是四子中技術水平較高的,心理質素亦是最好的
但各小朋友仍細,將來進境只有將來才知,但願友誼長存

作者: Godwin 時間: 2011-4-13 12:24

非常讚承: "友誼長存"!

如果小朋友們能從小就可以keep住他友們的友誼到長大出來做工作, 我深信這份"禮物"比任何獎項或其他事情更珍貴!

作者: 太陽之子 時間: 2011-4-13 12:31

引用:

原帖由 Godwin 於 2011-4-13 12:24 發表
非常讚承: "友誼長存"!

如果小朋友們能從小就可以keep住他友們的友誼到長大出來做工作, 我深信這份"禮物"比任何獎項或其他事情更珍貴!

I like your 頭像

作者: dkpkf003 時間: 2011-4-13 16:13

引用:

原帖由 太陽之子 於 2011-4-13 11:19 發表

我都覺得佢打逆境波唔太好
而且佢容易心散泥

係呀...請問太陽教練有乜解救方法

作者: 太陽之子 時間: 2011-4-13 16:51

引用:

原帖由 dkpkf003 於 2011-4-13 16:13 發表

係呀...請問太陽教練有乜解救方法

不敢不敢

試下多練習盯球，或練習時不達標，做得不好便不准休息。
或者會有幫助

學海無崖，大家多多交流

歡迎光臨香港乒乓網 (http://hkttf.com./)