香港乒乓網 - Powered by Discuz! Board

標題: 一場都未打過你會否要牌? [打印本頁]

作者: chesss 時間: 2011-4-19 14:12 標題: 一場都未打過你會否要牌?

由頭到尾我囡囡都未打過一分
雖然學校獲得奬牌
作為家長的你, 你會否要那個奬牌呢?

作者: 太陽之子 時間: 2011-4-19 14:20

禮貌上都會收左佢
不過我會放埋一邊囉

作者: Terence 時間: 2011-4-19 14:26

始終作為校隊一份子，既然隊波有獎，領取獎牌是應該的。
如果因為某種原因，或從未出隊而放棄領取，可能會對小朋友造成負面影響，三思！

作者: ycfu 時間: 2011-4-19 14:34

世界盃都有3個守龍門啦!

作者: garfieldjam 時間: 2011-4-19 14:38

教育子女要正面，有實力總有出場的機會的！

作者: 乒乓在線 時間: 2011-4-19 14:42

PREPAID AWARD

作者: sam1996921 時間: 2011-4-19 14:51

我會唔要.
無付出過,囉左都唔光榮

作者: cgwc 時間: 2011-4-19 14:55

引用:

原帖由 ycfu 於 2011-4-19 14:34 發表
世界盃都有3個守龍門啦!

good!
順便攞埋張cert…將來有幫助！

作者: 天樂 時間: 2011-4-19 15:26

既然係隊制比賽,獎牌係代表全隊,獎牌當然係要接受,打不到正選唔緊要,依個獎牌都係比你個仔女有一種勉勵既作用,

作者: 小閒 時間: 2011-4-19 17:10

緊係要拎啦！

............吾當年小學去打九北賽......當時我太屎波只可以做後備.......不過最後他們竟然攞到亞軍.......雖然我無份出場我覺得好唔開心.....但老師對我說只要努力練習.......下一年就輪到你打正選(因為吾的隊友已六年級宜我就係四年級生

).......知後就唔講呀.......因為太長篇！

作者: poon 時間: 2011-4-19 17:42

首先..........問下自己個小朋友...
平時練習時有無盡力?...
打內部賽時有無盡力?....
當知道暫時不能打正選時有無放棄努力練習?
整個團體比賽時(雖然不能出賽)有無全程投入?
隊友出賽時有無全力支持(包括到場打氣)
如果上面各項小朋友都好肯定的話...這個獎牌他是應得的!!!!

因為...他已是這個傑出團隊的一分子...也為這場團體賽已付出了最大努力!

任何團隊比賽都有正選後備架喇......家長呀家長....你睇得勝負名利太重了...你應該引導小朋友點去睇團隊合作的精神....放鬆一點.....自己及小朋友的壓力也可減輕呢!!!也能好好享受快樂乒乓

不喜勿插!!

作者: 乒乓在線 時間: 2011-4-19 17:46

引用:

原帖由 poon 於 2011-4-19 17:42 發表
首先..........問下自己個小朋友...
平時練習時有無盡力?...
打內部賽時有無盡力?....
當知道暫時不能打正選時有無放棄努力練習?
整個團體比賽時(雖然不能出賽)有無全程投入?
隊友出賽時有無全力支持(包括到場打 ...

要有不喜勿插

的團隊合作精神

作者: 笨小霧 時間: 2011-4-19 17:47

禮貌上收左個獎牌當作係比小朋友既鼓勵
鼓勵佢以後打得好D 做埋正選
真真正正贏番塊屬於佢既牌番黎

而學校團體賽既牌，都係比學生既鼓勵
無需咁在意!

作者: 儍峰 時間: 2011-4-19 18:39

如果唔要個牌你會用咩方式先？
俾牌你果個又落唔到臺
對隊team嚟講你會令人覺得你唔合群對你印象唔好從而影響以後出場機會.....

作者: 快弧 時間: 2011-4-19 19:11

梗係要啦,團體賽係講團隊合作精神,
代表得學校就係校隊一份子
無得打,唔代表渣,都可以支持鼓勵隊友
有得打,又唔係贏梗既,輸左又點吖
學校獲得奬牌,但隊員唔要奬牌
即係唔支持校隊,對小朋友造成負面影響
如果比人話無禮貌,小家,對小朋友傷害更大
小心小心

作者: Baukaw 時間: 2011-4-22 11:42

If teacher issue the medal to your kid, just keep it. Although not participate in the match, as a member of the team , he/she still stay at the court side to encourage the team mate, so deserve it.

Remind your kid not to show it to other school mates, for this action may cause bad influence.

作者: 十萬轉vs零轉 時間: 2011-4-22 13:15

參與可以有好多方式, 練習, 打氣, 支持隊友, 既然係一隊, 呢份光榮係大家擁有既, 何必為左一個牌而梗梗於懷呢
恕小弟直言, 思想教育都係好重要既一環, 如果因為無出場就唔要, 即係話比女女聽以後有得出場就參加, 無就唔好去, 未免有點輸打嬴要了

歡迎光臨香港乒乓網 (http://hkttf.com./)