Board logo

標題: 大專體育聯會黑箱作業 選拔結果難以服眾 [打印本頁]
作者: nitori    時間: 2011-6-4 23:41     標題: 大專體育聯會黑箱作業 選拔結果難以服眾

本人是一名本地大專院校學生, 就剛剛由香港城市大學(城大)主辦的「世界大學生運動會(世大) 乒乓球項目 香港代表選拔賽」中, 覺得選拔結果有欠公允, 希望
貴報能就事件令香港大專體育聯會及香港城市大學能就如此不公不正的選拔結果向大眾作出合理解釋。

一. 主辦學校有特權 多一名學生参與選拔
選拔章程中, 指出每所大專院校只能派出兩名球員參與選拔, 但香港城市大學卻能在女子項目中派出三名球員參與選拔, 對其他院校不公平。章程中並未有指出有何種情況下院校能有同此「權利」爭加參與人數上限, 此舉實有主辦單位「攞著數」之嫌。

二. 結果計算草率
在首圈選拔後, 女子組有同分的情況出現, 需要進一步計算得失局之比分決定誰能晉身次圈選拔。官方公佈結果所用的計分表中卻出現填寫混亂, 「意外」令香港城市大學對賽成績較差的一位球員亦能成功晉身次圈。是次的錯誤在在其他大大小小的比賽中亦鮮有出現, 實在令人聯想起主辦單位是否有從中取利。

三. 遴選機制有欠透明度
在次圈選拔後, 已決出六名球員的對賽排名後, 大會在公怖獲選名單時, 才公開是次遴選會將首圈和次圈的選拔結果一同計算, 再決出排名, 決出獲選名單。
而城大一名次圈中表現差強人意, 排名較後的男球員亦能順利成為獲選名單中的一員。 在比賽中, 大會竟未有在球員参與競賽前詳細解釋計算比賽結果之方法, 更使用了一個有利城大球員的計算方法, 身為主辦院校, 不難令人有「操控賽果」之感。

四. 選拔賽果兒嬉 第六名竟能入選
獲選名單中的三男三女球員, 除了男子組以如此特別的方法而決出頭三名球員外, 女子組的結果令人更目瞪口呆：其中一名球員在兩次遴選中皆排名榜末的球員, 竟能成為是次世大代表之一。大會實有需要向各參賽球員解釋如此不公的賽果, 是以何種機制處理。

相信各個參與選拔的球員, 在賽前都有認真練習, 為自己曾取一個成為香港代表, 為香港爭光的機會。但, 如此不合理的賽制, 如此不公平、不公正的選拔結果, 令有能力的球員失去一個如此難得的機會, 亦枉費他們為選拔付出過的努力和汗水, 及令各球員失去以後各個大大小小選拔賽中拚勁的決心。如此不公不正的黑箱作業, 希望大專學界體育協會能為以上種種作出解釋, 挽回大眾對協會的信心, 漠遴為大專的污點。
作者: keng    時間: 2011-6-4 23:55

響咁講求民主既城市居然出現咁不公既情況

好過份!!
作者: lick王    時間: 2011-6-5 00:13

提示: 作者被禁止或刪除 內容自動屏蔽
作者: 葉師傅    時間: 2011-6-5 00:20

樓主可否講解清楚是此輪選方法、過程及章則嗎 ? 讓我們更多了解是此問題 ! 謝謝 !
作者: nitori    時間: 2011-6-5 00:40     標題: 回復 4# 的帖子

今次選拔賽 分左兩輪
第一輪: 每間大學派兩名球員 總共11名球員參加 打大循環 最後6名可入第二輪賽事
第二輪: 該6位球員打多次大循環
實不相瞞 此賽事賽前係冇任何章程及規則 只係知道打到愈好名次愈有利
最終決定權o係大專體育聯會度 佢一開始係冇話選幾多人 用咩準則去選
而城大身為今次選拔賽既主辦單位 佢地亦都冇將選拔賽成績既計算方法公開, 例如 為何要將兩次選拔賽既成績計番埋一齊, 而佢地又係點計番埋一齊計到個總成績出黎呢? 計完出黎 我只見到 城大既球員 可以擠身最後既頭3名....
作者: hkw2010    時間: 2011-6-5 00:40     標題: 新波友

新波友 should have used a more reliable user name ma... bashing is not a healthy thing in forum.
作者: youtube    時間: 2011-6-5 01:00


天下....一樣黑
作者: Manley    時間: 2011-6-5 01:29

呢D 賽事應該要公平公正公開~
如有呢D 事情發生~ 大會一定要比個交待比各球員同埋院校
作者: mattng215    時間: 2011-6-5 01:48

not fair...... 會有報應
作者: 天樂    時間: 2011-6-5 02:59

"最終決定權o係大專體育聯會"..如果事件屬實,睇落去應該唔關城大既事,城大只係負責提供場所同安排賽事,最終派咩人出賽,客觀D估計都係大專體育聯會既決定..

[ 本帖最後由 天樂 於 2011-6-5 03:03 編輯 ]
作者: mattng215    時間: 2011-6-5 03:06

引用:
原帖由 天樂 於 2011-6-5 02:59 發表
"最終決定權o係大專體育聯會"..如果事件屬實,睇落去應該唔關城大既事,城大只係負責提供場所同安排賽事,最終派咩人出賽,客觀D估計都係大專體育聯會既決定..
但系名單同賽果系教練呈上去的, 規則都系教練無預先同球員講明而定的, 教練其實都有d責任.
作者: ils1    時間: 2011-6-5 12:06

而家我認為要等大專體育聯會or城大交待件事的來龍去脈,始終好難只聽樓主一面之詞
況且其他版友都未清楚件事的真偽性,好難討論
作者: 青見人    時間: 2011-6-5 12:44

其實我也略知一二，樓主所述大致上是這樣！選拔際度確是不清晰！
不知名額有多少不特止！兩次輪選賽也沒說明計那次成績！第一次？第二次？還是兩次加上呢？賽前冇人知！選拔名額多年來也是兩名球員代表一院校！為何主辦單位可考慮三人！
以下是本人愚見！選拔際度很大可能是為了容易為自己學生爭取到代表的位置！而今次事件的主角即代表大會安排輪選賽的某教練！合巧就是早前在這裡討論得火熱的事件（學界打假球事件）的主角！
受到不公平事件的球員能往那裡表達不平事呢？一生人能有多少次機會代表香港打世界大學生比賽呢？請正視問題！
作者: 青見人    時間: 2011-6-5 12:56

我知道每院校學生也收到世大選拔賽的章程！請放上來讓論壇的各方波友看看你們在賽前對此賽知道多少吧！
作者: brian1115    時間: 2011-6-5 12:57

[以下評論並不代表論壇立場]
1.主辦單位有優惠並不罕見,如於澳門舉行的ittf 年終賽也有澳門球手參賽
2.希望是意外,如果唔係就令我太失望
3.嚴重不公
4.出賽而未能為港增光,有用乎?

最後,我希望樓主提供更多的資訊,以便作進一步探討
並希望各位理性討論
作者: nitori    時間: 2011-6-5 18:09

其實呢段文章已經send左比各大報章同城大校長 好希望佢地可秉公辦理
作者: 葉師傅    時間: 2011-6-5 21:29

引用:
原帖由 superhero1031 於 2011-6-5 00:40 發表
今次選拔賽 分左兩輪
第一輪: 每間大學派兩名球員 總共11名球員參加 打大循環 最後6名可入第二輪賽事
第二輪: 該6位球員打多次大循環
實不相瞞 此賽事賽前係冇任何章程及規則 只係知道打到愈好名次愈有利
最終決 ...
嘩 ! 咁樣選法,即係球員就算總成績係前三名,都不一定有份代表啦 ! 真係不問成績,只重過程 !

[ 本帖最後由 文仔 於 2011-6-5 21:30 編輯 ]
作者: 屎波怪    時間: 2011-6-5 21:34

support!
作者: jacky1021    時間: 2011-6-5 22:07

我都曾經試過, 第1輪選第4, 第2輪選第1都冇份打
作者: 野原新之助~    時間: 2011-6-6 00:51

多謝樓主申張正義.....
因為我就係入面其中一個受害者..
第一次選拔打第六,  Final打第二,,, 但最終俾佢內定既人選而令我去唔到世大...

以下係選拔賽既章程

The 26th Shenzhen Universiade 2011
Selection and Training of the Table Tennis Team

I.        Selection Criteria

1.        Player must be a HKSAR passport holder
2.        All players must be a full time university student
3.        Players must finish all the matches
4.        Result and performance in the tryout
5.        Hong Kong ranking
6.        Performance in the USFHK table tennis on semi-final and final competitions
7.        It is required by the UGC that students selected must attend at least 80 % of the training sessions in preparation for the Games.

II.        Selection Trial

Two selection trials would be held on 27 March & 3 April 2011 (preliminary rounds) and 24 April 2011 (final round), at the Hu Fa Kuang Sports Centre of City University of Hong Kong. Details of selection trials would be confirmed at the briefing session on 27 March 2011 from 1:30p.m. to 2:30p.m.

Round robin system in Singles game would be used for the selection format. Preliminary round would select the best 6 players out of 12 boys’ players and 13 girls’ players. The selected players should attend Macau friendly matches at Hong Kong to be held on 9 April. Final rounds would be held on 24 April 2011. The best 6 players will play against each other. A recommended list of the players would be prepared of UGC.

Selection Format (Round Robin System):
1.        Preliminary Round:
Boys - Select the best 6 players out of 12 players.
Girls - Select the best 6 players out of 13 players.
2.        Final Round:
Boys & Girls - The best 6 players from each category will play against each other.


Selected players would be invited by the University Games Committee, USFHK, to attend the subsequent training sessions from April to August 2011.
作者: ngaiyin    時間: 2011-6-6 01:11

充滿火藥味,
作者: 防守王    時間: 2011-6-6 01:23

如情況嚴重，或有某方收受利益，可否考慮報警 / 廉政公署呢？
作者: nitori    時間: 2011-6-6 01:32     標題: 回復 20# 的帖子

唔洗客氣 我只係想要一個公平既比賽 一個公平既審核 唔想將來有更多無辜既受害者
P.S. o岩o岩查過 大專體育協會 既執行委員會個主席(2010-2011) 亦都係        香港城市大學學生發展處體育部主管
咁樣唔知有冇關係呢
作者: 野原新之助~    時間: 2011-6-6 01:40

係呢度我要講一講有幾多唔公平...其實基本上樓主都講得7788, 但有d野我仲要補充

1. 係上面內容入面,完全無講過最終排名係用 " 第一次選拔 + 第二次選拔 除 2 "  = 最終排名
  以游水, 田徑 做例子,   呢2個項目 係 分10多個小組,  在10多個小組入面, 游出時間最快的, 就會進入決賽
  無論你係小組入面 打破多少個世界紀錄, 最後決賽 都係由零開始,  呢個全世界都知道事實,
  有可能  1個泳手係決賽游出第五, 但佢係小組就游第一 ,  然後再將2次積分計出黎, 先係最後結果嗎????
  
  今次選拔賽, 第一次循環既對賽, 係根據11個人既乒總排名而 編制對賽表, 例如排名最高,會先對排名最底的
  好la, 當你真係計第一次排名既分, 但點解打第2次 5人循環既時候,  對賽表唔係根據第1次循環既結果而編制, 而又
  去跟番乒總排名呢, 咁樣唔係自相矛盾?
   
2.  最令人氣憤既係... 教練係第一次選拔前既簡介會, 選拔章程, 完全無講過 今次選拔既 計分方法,
    而係最後打晒2次循環後 先至決定  "" 計分方法"""  


3 . 相信有好多人都會問, 點解知道個計分方法係由教練提出
      因為我間大專院校既教練,  帶左世大超過5次
      佢同我講,  教練既責任 係  自行決定計分方法, 然後計好分後, 將最終排名 俾 大專體育聯會參考
       而係呢份最終排名入面, 教練可以 為球員寫一些 讚美評語, 令到某球員更大機會入選
     
     好了, 最後選拔都選完了,  負責帶隊及選拔既教練, 只係sd左一份第二次選拔既 名單俾我地,
     咁最終教練要呈上去大專體育聯會  既最終 排名名單呢???? 我地從來都未見過........


有一位球友講咁好岩...一生人能有多少次機會代表香港打世界大學生比賽呢,  
大專生涯只有3-4年, 可以選拔 2年一次既世大, 好彩既係可以選2次,唔好彩的,最多選1次....


如果真係選拔賽入面輸左, 我心服口服, 但依家既問題好明顯....


很多人小時候都唔係好強,  所以根本無機會代表香港..
到依家機會來了.....卻受到極不公平既方法而落選.....


其實, 下一屆世界大學生運動會 ,  不如唔好選拔.....直接由教練選出來好過了.....



作者: 野原新之助~    時間: 2011-6-6 01:44

引用:
原帖由 (=^x^=) 於 2011-6-6 01:44 發表
連你都出聲, 咁看來真是有D問題.....我們論壇是比各界舒發己見,
希望有關部門會看到我們在討論. 如有任何受害者, 請叫埋佢地上來.
人多說才有代表性, 要團結才會有影響力
謝謝你

[ 本帖最後由 野原新之助~ 於 2011-6-6 01:46 編輯 ]
作者: 小米    時間: 2011-6-6 02:00

邊會有比賽打完之後先至話俾人知點樣計分架

打兩ROUND 打完之後計到自己學生有得去打世大  去到都唔光彩啦
好奸姐

我都見過佢地女仔FIRST ROUND 之後出左0個個SECOND ROUND名單
佢地填到個表好似須係城大0個個女仔出到線咁
我諗如果唔係有人出聲佢地真係諗住側側賻

咁奸 唔好選啦 佢地出哂自己D學生算啦
咁多年選拔其他學校都無事 到佢地就咁  過分
作者: 野原新之助~    時間: 2011-6-6 02:12

引用:
原帖由 小米 於 2011-6-6 02:00 發表
邊會有比賽打完之後先至話俾人知點樣計分架

打兩ROUND 打完之後計到自己學生有得去打世大  去到都唔光彩啦
好奸姐

我都見過佢地女仔FIRST ROUND 之後出左0個個SECOND ROUND名單
佢地填到個表好似須係城大0個 ...
你錯了...

教練完全無 係 打完之後話俾人知點樣計分.

而係俾我知道左, 選拔賽既 1,3,5名已經開始為世大 香港隊練緊波, 我再打過去問佢點解我第二既入唔到,佢地反而入到,
之後佢先同我講個計分方法

即係如果我唔打去問, 我諗到世大開始個陣, 我仲白白痂痂咁係度等結果!!!!!!
作者: 小米    時間: 2011-6-6 02:16     標題: 回復 30# 的帖子

咁即係話, 佢地本身真係完全無公開過入選名單?

如果係既, 佢地真係太過分喇  

做到咁唔公開, 咁就唔好選拔啦
作者: 野原新之助~    時間: 2011-6-6 02:20

引用:
原帖由 小米 於 2011-6-6 02:16 發表
咁即係話, 佢地本身真係完全無公開過入選名單?

如果係既, 佢地真係太過分喇  

做到咁唔公開, 咁就唔好選拔啦
對,完全無公開, 完全無send過e-mail俾我地

我心諗, 入唔入到都好, 你都要sd個e-mail俾我地最後既選拔者, 同我地講聲掛
作者: nitori    時間: 2011-6-6 12:18

o係男子選人方面都好有問題!
第一 大專體育聯會 成日都話d球員要咩成績要咩排名要係咩代表隊, etc. 但我好想知道 經過所謂既"計分方法" 計出黎排第三既城大選手劉xx 有咩資格?
第二 咁套用番選女子隊方面既方法, 大會揀左選拔賽第1名, 第2名同第6名既球員, 點解選第6名o個個 因為第6名o個位o係上年亞大乒乓球錦標賽拎到混雙季軍, 所以唔揀第3同第4名兩位球員, fine! 咁同一道理, 野原新子助o係上年既亞大乒乓球錦標賽男子團體都攞左季軍 點解佢冇份入選, 而係比城大既劉xx?
第三 野原新之助o係第2次選拔個名次係第2, 但因為個所謂"計分方法" 要計番第1次選拔個名次 最終名次係第5 !!! 我個人認為第一次同第二次選拔不應除2, 應有不同factor 去除 e.g. 0.7,0.3. 始終第二次選拔個重要性係大過第一次掛....
作者: 亞俊    時間: 2011-6-6 13:42

我認識一d 入選同落選的朋友.
聽完都好火, 因為原全亂咁來!
我曾聽說.....
一位教練說佢地的criteria (dictatorship!!!!)很著重有冇打過港青/港隊, 唔會理你打得有幾好的, 因為佢地怕出到去輸左冇面交唔到代.
上一屆有一個女仔選拔賽打第一都冇得去打!因為佢唔係港青!
我覺得選拔賽係做show.港青選到就, 港青選唔到就一個都唔派,

希望當局有過對球員有交代!!
作者: 亞俊    時間: 2011-6-6 13:50

男仔: 黃承chung, 李中him, 劉漢sum
女: 鍾善wing, 其他唔知
作者: 小米    時間: 2011-6-6 13:55     標題: 回復 37# 的帖子

女仔仲有潘CHONG 微, 駱HOI YAN
作者: 野原新之助~    時間: 2011-6-6 14:10

引用:
原帖由 亞俊 於 2011-6-6 13:42 發表
我認識一d 入選同落選的朋友.
聽完都好火, 因為原全亂咁來!
我曾聽說.....
一位教練說佢地的criteria (dictatorship!!!!)很著重有冇打過港青/港隊, 唔會理你打得有幾好的, 因為佢地怕出到去輸左冇面交唔到代.
上 ...
你講個次應該係再之前的世大..

我都聽到過, 佢地需要既係港青/港隊, 既然要港青/港隊, 點解一開始要搞選拔... 點解一開始唔係各大專院校"邀請" 港青/港隊 去打...
作者: 小米    時間: 2011-6-6 14:25

引用:
原帖由 亞俊 於 2011-6-6 13:42 發表
我認識一d 入選同落選的朋友.
聽完都好火, 因為原全亂咁來!
我曾聽說.....
一位教練說佢地的criteria (dictatorship!!!!)很著重有冇打過港青/港隊, 唔會理你打得有幾好的, 因為佢地怕出到去輸左冇面交唔到代.
上 ...
女仔前六陳X欣都係港青都無份  真係亂黎

如果真係要咁, 咁做咩要佢地打選拔姐 出黎自我介紹都得啦
作者: nitori    時間: 2011-6-6 14:38

引用:
原帖由 (=^x^=) 於 2011-6-6 14:16 發表
可以討論完send our link to apple daily
好 我會send比各大報章
作者: tomcat    時間: 2011-6-6 19:06

20幾年前就求求奇奇!!!
20幾年后就黑箱作業!!!
同香港政府一脈相乘!!!!!!!!!!!!
作者: skyer    時間: 2011-6-6 21:39

黑箱作業~~~~~~
不公平~~~~
一於推到見報~~~~~
推倒不公平的團體~!!!!!!
作者: keng    時間: 2011-6-7 00:11

支持推到見報!!

要為受到不公平對待既參賽者攞番個公道!!
作者: 青見人    時間: 2011-6-7 00:14

請問霍x霆仲有冇起議會做? 有既話不如交d資料比毓民等佢起議會問下霍爺呀!
其實我都同意張整件事情來龍去脈寫好再交到各大報社.. 取個公道.. 唔好漏左SCMP..

[ 本帖最後由 青見人 於 2011-6-7 00:17 編輯 ]
作者: kin223    時間: 2011-6-7 00:17

潮撐superhero兄~
作者: hkw2010    時間: 2011-6-7 00:30     標題: 支持

睇完個 post 之後

我個人覺得。  咁 trial 黎把屁咩。  waste d 有心打得好既同學。  
處理手法 very 唔合理。

叫條教練死出黎 explain 呀。。。。
作者: 小米    時間: 2011-6-7 00:54

香港大專體育協會於一九六一年成立。是中國体育協會暨奧林匹克委員會成員之一。

不如腥埋去中國体育協會暨奧林匹克委員會啦
電郵: [email protected]


支持推到佢地有回覆~!
撐爆superhero兄!!!!!
作者: 野原新之助~    時間: 2011-6-7 01:58

引用:
原帖由 hkw2010 於 2011-6-7 00:30 發表
睇完個 post 之後

我個人覺得。  咁 trial 黎把屁咩。  waste d 有心打得好既同學。  
處理手法 very 唔合理。

叫條教練死出黎 explain 呀。。。。
佢點會出黎解釋..

佢恨不得快D過左個世大....
作者: kin223    時間: 2011-6-7 09:49

呢個甘既選拔一直都唔清唔楚.....永遠都唔講選幾多個.....打第二可以去一個....打第一都可以一個都唔揀.....呢個係一直既文化.......事前都知既(甘唔代表係做得對!)..............~但今次用甘唔合理既計分法去排,同唔合理地揀人去.......大會好應該解釋下!!!
作者: ericl    時間: 2011-6-7 09:56     標題: 回復 42# 的帖子

One selction criterion is :
"4.    Result and performance in the tryout"
and it seems that the organiser wanta to make the slection based on "performance". The problem is here : performance is SUBJECTIVE !!   The coach may argue that the one who lose peformed BETTER then the one who win !! That's all subjective !!  So the one(s) who lose is selected.  Others no  say under this criterion.

So only objective selection criterion is acceptable. In one match, a knock out system is the best. In more then one matche (like here), an accumulated points system can be used ( how to get the points, may be weighted ,should be known to all beforehand)

Only that can have a fair result and be acceptable nowadays.  

HKTTA tends to improve now and HKSSF did good job in selection of table tennis representatives for HK.
作者: nitori    時間: 2011-6-7 11:56

請問邊位網友 有方法可聯絡到各大報章既體育版
我已經將篇文同hkttf 條link send 哂出去比各大報章 但仲未有回覆!
我唔想今次既事就咁"diu"淡!
唔可以再比同類事件再發生!!!!
作者: lick王    時間: 2011-6-7 12:07

提示: 作者被禁止或刪除 內容自動屏蔽
作者: 防守王    時間: 2011-6-7 13:55

比毓民? 呢單野有無機會增加政治本錢先? 有無高官要負責先?? 定係大會有無民x聯人可以比佢丙先??? 如果無, 佢都應該唔會理你.

等同send去比報紙, 佢地都會睇下有無新聞價值, 先至去考慮爆唔爆出黎. 如果要浪費人手而單新聞只影響一少撮人, 報章係唔會幫你爆.

其實所謂選拔, 多年來都已經不斷有爭拗啦. 肥豬肉眼前, 個個都想分啖食. 呢類自己話晒事既挑選, 根本拿個比賽來是找死. 本來就可以用以兩種方法處理:
一. 不打排名, 就叫入圍者互相切搓, 最後亦無需要理會誰贏誰, 所有入選者都由教練團選出來. 這一點就全權由教練負責, 無人可以爭拗. (這個亦是最多人不服的選法, 但有不少校隊, 社團等等都是用這方法, 甚至國內選拔都或許會用上)
二. 指定某個數量以比賽排名計算, 而最後預一兩個位置及教練團推薦. 這個又可以給人爭, 亦可留下生路比教練去自己選人. 講真, 有時教練心目中有不少好手, 但在選拔賽時又打得差了點, 他們當然不想就此撇除這好手入圍啦.

所謂公平, 或是以球隊最大的利設想下作選人, 難以平衡. 不過我個人堅持, 如無制度都算, 有的話, 無可能完成選拔才發放.

除非章程上(夠膽)寫上: 計分方法有待完成所有選拔賽事後才決定.

如果真的寫了, 主辦單位可以收工. 根本就是痴線的.

下午我會去找一位記者朋友問問, 這種情況報界會不會受理!!
(以上內容純屬虛構, 如有類同, 實屬巧合)

[ 本帖最後由 防守王 於 2011-6-7 13:56 編輯 ]
作者: 小米    時間: 2011-6-7 21:20

就算報紙唔報呢件事, 但起碼都俾打波既人知道有一間咁既學校同咁既教練做埋D野咁奸
作者: 葉師傅    時間: 2011-6-7 23:42

從這個案可見到,主辦團體認真專業 ! 可能面前的甄選賽只係參考,實際係要睇哂各甄選球員的出身、經驗、實戰及關係等各方面的表現,才選出獲選球員名單來 ! 果真黑暗得厲害 !  

[ 本帖最後由 文仔 於 2011-6-8 00:03 編輯 ]
作者: lick王    時間: 2011-6-8 08:51     標題: 回復 49# 的帖子

提示: 作者被禁止或刪除 內容自動屏蔽
作者: ericl    時間: 2011-6-8 11:45

Just realized that there are at least 3 victims in this thread (some on past years). The case is serious.
Totally support disclosing this matter to public media unless the authority can explain well.

* No one can challenge HKSSF bacause they have a simple knock out system for selection - a shortlist on the web; seperate into 2 groups; round robin matches within the 2 groups; the BEST 1 or 2 are selected depends on the quota.  HKSSF do not consider they are table tennis professional body (no concept of "performance") and devise such simple rules. This is convincing.

* While USFHK may consider they are table tennis professional body (or have the ability) so devise a complex, unclear, hidden, subjective rules for selection. The key thing is that they can make the decision based on performance (or in fact their other considerations). So they are legal NOT to select any player that may have better matches result but select any player that may have poorer result.
  But when one candidate having very poor matches result is selected, that is unconvining (as this thread's title). The autority may argue that his/her performance ( or past achievements) is really good but just unlucky or not in shape. They just want to close this case and do that again next year.

* So what we want to fight for are 1) USFHK to devise clear and objective selection rules. Cannot based on the "performance" as observed by the coaches just on the few hours of matches playing (unless there are 30-days training camp). 2) USFHK needs to let superhero (if have good matches result) know the reason why he is not being selected ( his right to know ).
作者: 野原新之助~    時間: 2011-6-9 01:53

我係e-mail叫左"陳" 教練 sd個計分方法同埋最終佢呈俾上面既排名俾我 , 咁作為有份參加選拔既球員,知道計分方法,根本就係好正常既事.
跟住佢sd 番個e-mail俾我 , 入面係無計分方法, 只係話 "有空請給我電話"

好 , 我就打俾佢  , 內容如下,



1. 我問,我想要個計分方法 , 佢就話, 我只可以講你知, 唔會sd俾你 !

2. 點解2次循環打比賽都第六既球員 , 點解可以入選?
   佢解釋 ,係因為 世大既賽制 同08年奧運一樣 ,單單雙單單 , 所以就要選擇 駱x恩, 因為佢全港雙打排名排第三.亞大混雙又拎第三
   我就話,, 全港雙打排名先推出第二年, 你就可以用呢個方法? 佢又答番我, 咁唔可以用一個比賽去衡量, 咁ok, 咁你世大選拔又用一個比賽去衡量???

3. 點解第二次排名排第五既劉xx 可以入選世大陣容?
   佢又解釋因為劉xx 係全國大學生雙打拎過第五, 而且用1+2/2 呢個計分方法,佢係第三
    ok, 我就講, 既然女仔你可以跳過第3,4,5名,選第六名入去, 點解唔可以選我呢?
   我唔係話我特別好,但我亞大打過雙打, 團體第三, 而且係用"香港代表隊"既名義去打, 唔通咁都比唔上 用"城大"既名義去打既全國大學生咩?
   
4. 最後我問佢, 點計會用呢個計分方法, 佢同我講, 話前一屆世大(2007年)都係咁用, 所以就用,
   我問佢,上一屆世大(2009年)同上一屆亞大(2008年)都唔係咁計, 佢就答我, 因為之前唔係我負責,我無留意wor.
   好, 陳教練你話前一屆(2007)就用呢個計分方法, 點解你會跳過上一屆世大(2009年)同上一屆亞大(2008年)既計分方法呢?  而去選擇再前一屆呢?
   上一屆世大同上一屆亞大既計分方法 都係選個陣已經 向所有選拔者係簡介會同埋章程上 清清楚楚講明, 選拔係會用第一次循環作為  選拔, 第二次先去計排名.
   
   好,陳教練你話用前一屆(2007年)既計分方法, 我就走左去問2007年世大選拔賽既參賽者,呢一屆的確係用 第一次排名 + 第二次排名再除2 呢個計分.
   但點解最後無人投訴呢??? 原來佢地同我講, 呢個方法係 選拔前,及選拔章程都已經同球員講明, 呢一次會用第一次循環作為  選拔, 第二次先去計排名.
   選完出黎最後結果,都係無人投訴, 既然你跟到咁足, 點解又唔事先講明會咁樣計分?
   
   當我問佢, 點解唔事先講明會用會用呢個計分方法 , 陳教練佢竟然 答我   " 點解你唔事先問左我先 "
如果一個人, 之前參加過2次選拔, 而個2次選拔都係用第一次循環作為  選拔, 第二次先去計排名. 當你選第3次既時候, 你會唔會走去問?
  而且作為負責選拔既教練, 你唔事先話我知,唔緊要,我當你唔記得, 但係你係章程都無交代過, 咁你可以點解釋??

最後, 我係電話入面, 強烈要求陳教練sd e-mail俾我,講解一次計分方法, 佢竟然答我  " 我無必要向你交代 "



我再要求佢多一次, 佢就唔理我, 直接講 ..."呀邊個邊個就第一次打第一, 第二次又打第一,所以除2就等於第一"
我呢個時候同佢講,我唔係要求你講我知, 我係要你sd e-mail俾我,講解一次計分方法, 跟住佢都係唔理我,照講一次.
我就話 : 得la得la, 唔洗講我知, 跟住佢就即刻 """cut左我線"""



我作為選拔既球員之一, 最後竟然唔可以知道 佢既計分方法及最後呈上去既排名,  咁我仲可以有咩權利???

請大家評理..
作者: 玫瑰木    時間: 2011-6-9 02:27

真係比佢吹脹左......教練吾係應該將計分方法通知所有球員架咩? 呢個教練D行為真係好有問題,之前已經教學生打假波,而家搞單咁架野出泥.....打去乒總投訴啦, 仲話三級教練, 佢吾應該有教練資格!!!!!

[ 本帖最後由 玫瑰木 於 2011-6-9 02:34 編輯 ]
作者: kazafchoi    時間: 2011-6-9 09:07

引用:
原帖由 野原新之助~ 於 2011-6-9 01:53 發表
我係e-mail叫左"陳" 教練 sd個計分方法同埋最終佢呈俾上面既排名俾我 , 咁作為有份參加選拔既球員,知道計分方法,根本就係好正常既事.
跟住佢sd 番個e-mail俾我 , 入面係無計分方法, 只係話 "有空請給我電話"

好  ...
support 特別係第3點
作者: lick王    時間: 2011-6-9 10:26     標題: 回復 58# 的帖子

提示: 作者被禁止或刪除 內容自動屏蔽
作者: 小米    時間: 2011-6-9 11:13

個教練真係好有問題, 佢咁答人野好明顯佢覺得自己無錯

如果唔需要向參賽者交代, 咁邊個先有資格知?
咩都唔洗交代, 原來連最後final result 都唔係官方公佈係要d人收風先知
死都死得不明不白

咁狗既話不如選拔日期時間都唔好向d參賽者交代, 你地乘大自己選哂佢算啦
作者: 玫瑰木    時間: 2011-6-9 11:45     標題: 回復 60# 的帖子

她就是中基打假波事件果位教練，詳情可以
睇番之前中基打假波果post~發生冇耐
作者: 玫瑰木    時間: 2011-6-9 11:50     標題: 回復 61# 的帖子

冇錯~正一冇品教練!!!
作者: 野原新之助~    時間: 2011-6-9 11:58

另外仲有一個重點

話說我係第二次選拔賽之後, 因為過左10日,遲遲都未知道結果, 所以就打俾"陳"教練, 問佢結果
因為係城大幾位學生中, 流傳出會以第一次循環+第二次循環排名 除 2 既說法

我打俾佢問, 問有最終結果未, 佢答我仲未有, 我問佢計分方法係點, 佢就話佢只係將第一,第二次循環既結果呈俾上面,唔係佢自己計分,
我再問佢, 係唔係用第一次循環+第二次循環排名 除 2 佢答我 "當然唔係咁計"

之前已經收收埋埋唔講 , 選之後又唔公開計分方法,如果唔係朋友個度得知道入選名單,我諗入選唔到既人, 仲係度一直等
, 唔通做教練既, 真係可以隻手遮天咩??
作者: 葉師傅    時間: 2011-6-9 12:16

我想知經過2輪循環戰後,係咪全部球員都可對均哂 ! 如果不是的,就肯定此甄選方法有問題 ! 而原來根本已預留咗攞雙打位比某些球員,那些球員根本不用出來選啦 ! 分明做場大龍鳳,比D唔識玩嘅人睇下姐 !

[ 本帖最後由 文仔 於 2011-6-9 12:24 編輯 ]
作者: 野原新之助~    時間: 2011-6-9 12:30

引用:
原帖由 文仔 於 2011-6-9 12:16 發表
我想知經過2輪循環戰後,係咪全部球員都可對均哂 ! 如果不是的,就肯定此甄選方法有問題 ! 而原來根本已預咗某些球員攞雙打位,那些球員根本不用出來選啦 ! 分明做場大龍鳳,比D唔識玩嘅人睇下姐 !
是所以球員都有對均哂,

但問題是, 第一次循環是 "11"個參賽者作賽, 而第二次循環 只有 "6"位參賽者作賽. 這兩次積分,竟然可以混合計算,這簡直是離譜
作者: 葉師傅    時間: 2011-6-9 12:37

啊 ! 請問第2次輪選係計第1次輪選嘅最好成績的6位出來再選嗎 ? 如是的,其實只需計第1次輪選成績,或第2次輪選成績,己很足夠 ! 要2次輪選成績加上除2的計分方法,分明有古惑 !

[ 本帖最後由 文仔 於 2011-6-9 12:38 編輯 ]
作者: 野原新之助~    時間: 2011-6-9 12:46

引用:
原帖由 文仔 於 2011-6-9 12:37 發表
啊 ! 請問第2次輪選係計第1次輪選嘅最好成績的6位出來再選嗎 ? 如是的,其實只需計第1次輪選成績,或第2次輪選成績,己很足夠 ! 要2次輪選成績加上除2的計分方法,分明有古惑 !
對的, 是計第一次成績選出來的, 計程已經說明, 會在11個球員中,選6個最好的.
作者: 葉師傅    時間: 2011-6-9 13:54

可見主辦單位唔關注,全權由代表負責 . 代表權力過大,大到可以權謀私 . 我雖然係局外人,都十分痛恨 ! 香港乒壇內點解會發生啲咁嘅事 ! ...  

[ 本帖最後由 文仔 於 2011-6-9 13:58 編輯 ]
作者: 青見人    時間: 2011-6-9 18:58

男子劉某第一次不是第二，第二次不是六嗎？最後得分都係三！野原係五+二，唔係2.5嗎？就算佢雙打有成績！佢今次會夾番上次partner嗎？
女子仲荒謬，鍾+潘恒生雙打冠軍實至名歸！駱又算甚麼呢？雖則鍾+駱也不錯，但到比賽時你會放棄鍾咁強嘅單打嗎？潘+駱行嗎？如你這樣夾，要駱嘅理由便沒有了！更本說不通！理由就看看駱嘅出生吧！
作者: 青見人    時間: 2011-6-9 19:09

我覺得要抗爭到底，不要放過哩啲以權謀私嘅人！
其實乒總有沒有停牌制度，若查出該教練品得行為有問題（當然係關乎教波上嘅嘢！）給予短期內停牌或降級等罰則呢？
先去信乒總吧！我深信總會有一定安排的！
作者: pingpongman    時間: 2011-6-9 20:52

提示: 作者被禁止或刪除 內容自動屏蔽
作者: 野原新之助~    時間: 2011-6-9 22:52

引用:
原帖由 青見人 於 2011-6-9 18:58 發表
男子劉某第一次不是第二，第二次不是六嗎？最後得分都係三！野原係五+二，唔係2.5嗎？就算佢雙打有成績！佢今次會夾番上次partner嗎？
女子仲荒謬，鍾+潘恒生雙打冠軍實至名歸！駱又算甚麼呢？雖則鍾+駱也不錯，但到 ...
陳教練 跟我說, 選擇駱x恩的原因,是因為世界大學生運動會的團體賽入面, 會跟奧運賽制, 即是單單雙單單, 因為鐘 + 駱是全港第三,所以選了駱

好的, 問題就出現了,  根據奧運賽制, 1名球員在團體賽內, 只可以打1場雙打及1場單打, 而沒有打雙打的球員, 就可以打2場單打

即是說,  1.鍾 2.潘  3, 鍾+駱  4,駱  5.潘

那不就是找 一個 香港 "乙"組的女子 出去代表香港 在世界團體賽入面打2場單打??????
這是什麼道理?

這次找駱的原因是因為想在團體賽內拿分, 但卻找一個香港乙組女仔去打2場單打,又想贏,但又要輸,  陳教練的想法, 大家能估到嗎!?????????????
作者: 小米    時間: 2011-6-9 23:11

引用:
原帖由 青見人 於 2011-6-9 18:58 發表
男子劉某第一次不是第二，第二次不是六嗎？最後得分都係三！野原係五+二，唔係2.5嗎？就算佢雙打有成績！佢今次會夾番上次partner嗎？
女子仲荒謬，鍾+潘恒生雙打冠軍實至名歸！駱又算甚麼呢？雖則鍾+駱也不錯，但到 ...
鍾+潘雙打係唔係今年既恆生雙打冠軍?
咁佢地要駱既原因係咩?  咁樣, 好似場場都要鍾打雙打, 但係明明佢係最勁, 應該打2場單打!

點解同一個比賽, 選男仔同女仔既準則可以咁唔同?咁樣公平咩？

[ 本帖最後由 小米 於 2011-6-9 23:39 編輯 ]
作者: I_am_the_Legend    時間: 2011-6-9 23:35     標題: 回復 73# 的帖子

3個都係甲組  潘升左冇幾耐
作者: 葉師傅    時間: 2011-6-9 23:55

講咗咁耐,已知道的係賽制是有問題,加上透明度嚴重不足,而負責教練又唔肯聽人意見,最後只有向主辦單位高層投訴 ! 如仍這樣,真係冇辦法 ! 事實係當權者話事 ?!

[ 本帖最後由 文仔 於 2011-6-10 00:06 編輯 ]
作者: lick王    時間: 2011-6-10 00:17

提示: 作者被禁止或刪除 內容自動屏蔽
作者: 防守王    時間: 2011-6-11 10:56

最後的答案, 會說成比賽只是給教練看看各球員在比賽的表現, 而非正式決定誰跟誰入圍. 所有入選隊員主要由教練直接揀選.....
作者: 葉師傅    時間: 2011-6-11 11:17

引用:
原帖由 防守王 於 2011-6-11 10:56 發表
最後的答案, 會說成比賽只是給教練看看各球員在比賽的表現, 而非正式決定誰跟誰入圍. 所有入選隊員主要由教練直接揀選.....
當成出嚟見工一樣,挑選受聘 ! 有冇黑幕,自己心照 !

[ 本帖最後由 文仔 於 2011-6-11 11:19 編輯 ]
作者: 防守王    時間: 2011-6-11 12:16

[quote]原帖由 文仔 於 2011-6-11 11:17 發表

當成出
作者: shumhongyue    時間: 2011-6-12 03:10

真係好好好唔公平,,,野原新之助..實撐你呀....
以後唔去佢間新X星買野...
作者: mandychan    時間: 2011-6-12 23:27

提示: 作者被禁止或刪除 內容自動屏蔽
作者: 野原新之助~    時間: 2011-6-13 01:17

引用:
原帖由 mandychan 於 2011-6-12 23:27 發表


各位朋友，有時間看一看今日恒生學界的賽果究竟陳教練是有眼光還是未卜先知

男子冠軍及女子亞季分別是樓主認為不能代表香港的人
這個是名單落實後的比賽, 如果你說陳教練是有眼光還是未卜先知

那不如用恆生學界杯當選拔, 那打選拔賽用來做什麼???


如果你可以這樣說, 那李忠x 8強便輸了, 有可能代表嗎?

請你認清楚時事情的先後次序
作者: dowhatiwant    時間: 2011-6-13 01:52

提示: 作者被禁止或刪除 內容自動屏蔽
作者: 野原新之助~    時間: 2011-6-13 02:25

引用:
原帖由 dowhatiwant 於 2011-6-13 01:52 發表
首先, 我覺得你地係針對人唔係針對事!
你地講選拔問題, 唔應該focus o係賽手度,
選拔o既方法, 係主辦o既問題, 你地不斷咁針對住某人o既方案,
令到我覺得你地唔係批評個方法, 同埋好唔尊重賽手
我又想問下你地 ...
點解年年唔同?
無錯, 年年都唔同,但選拔既方法都係一樣, 打2次循環, 第一次10幾個人打, 選5-6個人出黎再打第二次循環
你同我講, 5-6個人既循環, 有可能會同10幾個人既循環一齊計分咩???

但總括黎講, 每一年都會係比賽前同埋章程入面講, 依家好明顯係針對個陳姓教練完完全全無講過, 無係章程寫過

一個比賽定生死?

請問世大舉辦在咁多年, 有邊次選拔唔係一次定生死呢?
唔好話世大, 所以比賽選拔包括田徑,羽毛球,排球,就算去到國家隊選拔,都係一樣
打得選拔,就會預左
你無得話一次狀態唔好, 就打多一次,
唔通打個比賽,拎唔到冠軍, 又叫舉辦機構俾佢打多一次咩?

如果你話咁樣唔公平, 咁不如由大專聯會,請接搵前港青港隊打la, 選拔賽用黎做咩???

陳教練你唔洗搵咁多打手係到出post, 直接d, 開個會,當面對質囉, 你係岩既, 上面自然會承認


呢個post將會告一段落, 因為未來2星期內, 就會知道誰對誰錯

[ 本帖最後由 野原新之助~ 於 2011-6-13 02:31 編輯 ]
作者: 小米    時間: 2011-6-13 09:24

引用:
原帖由 mandychan 於 2011-6-12 23:27 發表


各位朋友，有時間看一看今日恒生學界的賽果究竟陳教練是有眼光還是未卜先知

男子冠軍及女子亞季分別是樓主認為不能代表香港的人
如果係真係咁眼光獨到, 你就唔會到今日先至可以回到呢個post 啦
選拔結果如果可以以未來既比賽名次黎決定, 咁佢唔係眼光獨到, 係未卜先知

大家針對緊既係選人方法混亂, 男女子方法唔同, 你唔好放錯重點
作者: 小米    時間: 2011-6-13 09:36

引用:
原帖由 dowhatiwant 於 2011-6-13 01:52 發表
首先, 我覺得你地係針對人唔係針對事!
你地講選拔問題, 唔應該focus o係賽手度,
選拔o既方法, 係主辦o既問題, 你地不斷咁針對住某人o既方案,
令到我覺得你地唔係批評個方法, 同埋好唔尊重賽手
我又想問下你地 ...
你用拉curve 呢個例子, 咁會唔會拉完curve 之後30分0個個A, 但係90分0個個F 啊?

如果你話因為唔知佢地既水平所以唔公開選拔準則, 說穿了咪即係大會都唔可以為呢個結果俾到一個合理既解釋囉
就係咁簡單
作者: lick王    時間: 2011-6-13 10:09     標題: 回復 85# 的帖子

提示: 作者被禁止或刪除 內容自動屏蔽
作者: 野原新之助~    時間: 2011-6-13 12:32

引用:
原帖由 小米 於 2011-6-13 09:36 發表


你用拉curve 呢個例子, 咁會唔會拉完curve 之後30分0個個A, 但係90分0個個F 啊?

如果你話因為唔知佢地既水平所以唔公開選拔準則, 說穿了咪即係大會都唔可以為呢個結果俾到一個合理既解釋囉
就係咁簡單
依家上面個打手, 就好明顯解釋唔到呢樣野囉...拉完curve 之後30分0個個A, 但係90分0個個F,

點解30分都拎到A呢??

因為佢30分果個 平時係學校 年年考第一,又係全港D什麼考試拎第三, 所以就計埋學校既結果比佢A囉
一次考試唔算GA, 要睇學校成績,

咁其實個考評官心入面已經想佢拎a, 但係唔參加高考,又唔可以俾佢拎wor, 所以就睇完考出黎既成績之後,再做決定囉

你用得高考呢個例子, 就好好講, 點解咁多人考完升唔到大學, 但係又無咩投訴呢? 因為個制度一開始已經講明晒,唔得就無得升

高考可以年年retake, 選拔可唔可以年年俾你選?? 一個人大專生涯得3,4年, 一次問題, 終生遺憾

[ 本帖最後由 野原新之助~ 於 2011-6-13 12:39 編輯 ]
作者: mandychan    時間: 2011-6-13 12:45

提示: 作者被禁止或刪除 內容自動屏蔽
作者: 野原新之助~    時間: 2011-6-13 13:01

引用:
原帖由 mandychan 於 2011-6-13 12:45 發表
我是中立的, 以前東亞兒童杯有打假波重選? 唔知你哋會不會重選呢?
不過恒生學界某君又真是拿了冠軍, 肯定有一定实力, 但某加又在四強 ko 了某君....
如果可以增加透明度, 這個遊戲可以會有趣一點

...
呵呵, 由打恆生杯個日開始,我已經知道會有人拎呢樣野黎睇,

如果某君輸了, 肯定沒有人會拿來說, 但某君贏了, 就會有人說,

這是名單確定後才打的比賽, 就算某君最後拎甲組冠軍, 最後又如何? 選拔賽輸了就是輸了
作者: 路人丙    時間: 2011-6-13 15:31

路過,想講一講

其實選拔結果只係參考之用
真正的選拔名單唔多唔少都要加埋教練的主觀因素
因此,計分名單係比唔到你的
話哂世大都係咁重要的比賽
唔可以因為單單一次兩次選拔賽已決定

因為許個呢個選拔賽嬴到
唔代表你出到去會嬴到
你嬴得多,只係代表你機會大d

再者,如果係咁
D人又會許度o曹,又會輸打嬴要
因為仲有過往對賽成績,都應該要考慮
所以,最後都靠教練的專業判斷去決定
我們只能相信教練的專業判斷

咁你會話既然教練決定
咁打選拔賽黎做咩?
選拔賽就係比個教練去觀察你的表現
所以選拔賽最後的成績不等於最後的名單

樓上提到的高考,大學入學試
其實無從比較
高考每年咁多人去考
因此只可以在比較客觀的方式去選人
已是次選拔賽只有十多人參加
教練可以從中看出邊一位才是有潛質的球員
決出最後的名單

總結而言,教練係玩哂的

所以依家唯一問題就係佢一開始講得唔清楚
作者: 防守王    時間: 2011-6-13 16:08

路人丙, 其實你已講中了重點, 以及今次討論的中心了. 那就是最尾的兩句:

總結而言,教練係玩哂的
所以依家唯一問題就係佢一開始講得唔清楚

大家的討論如果走到極端了就很危險吧!

有一點我想問問"之助" 或其他參與人士, 在章程上有否寫上以下類似字句:
"大會(或教練)可以在代表選拔中作出任何修改或最後決定權"
作者: 葉師傅    時間: 2011-6-13 16:19

唔好意思 ! 我只係個局外人 ! 我看如需了解整件事,都係需要陳教練自己出嚟講返,整個甄選計劃是否主辦單位全權授予他話事,或他只是奉命行事 . 如真係教練話哂事,而在此事先沒有向參選球員講明甄選程序及結果,都係由教練全權話事的話,而甄選賽只係參考,哪教練仍有殉私之嚴 ! 對事定對人,就要睇此事的真相了 ! 請主辦單位及教練,還球員一個公道 ! 說明真假 !
作者: 野原新之助~    時間: 2011-6-13 16:39

引用:
原帖由 防守王 於 2011-6-13 16:08 發表
路人丙, 其實你已講中了重點, 以及今次討論的中心了. 那就是最尾的兩句:

總結而言,教練係玩哂的
所以依家唯一問題就係佢一開始講得唔清楚

大家的討論如果走到極端了就很危險吧!

有一點我想問問"之助" 或 ...
完全沒有寫, 章程我已經貼在第一頁岩

不是教練"講得唔清楚", 而是教練從來沒有講.
作者: 野原新之助~    時間: 2011-6-13 16:44

引用:
原帖由 路人丙 於 2011-6-13 15:31 發表
路過,想講一講

其實選拔結果只係參考之用
真正的選拔名單唔多唔少都要加埋教練的主觀因素
因此,計分名單係比唔到你的
話哂世大都係咁重要的比賽
唔可以因為單單一次兩次選拔賽已決定

因為許個呢個選拔賽嬴 ...
我們已經是打了差不多10年的球員, 不是教練在青苗或者小學隊隊入面選材,

所以不可以用"潛質"來選拔人才, 這是一個打完就會散隊的比賽

我們是針對過往10多屆世大的選拔,從來沒有一屆是這樣不公平

之前10多屆,那一屆不是經過一次選拔來決定人選?????
作者: 青見人    時間: 2011-6-13 17:01

如一開始就說明選拔賽嘅規則，例如：選拔賽也只是作教練的參考等就沒問題了！現在的賽制明顯給教練操控！這是不對的！我相信在擔任選拔這職位時，有人已在章程上做嘢！使自己在選拔上有較大的調整空間！愛誰選誰！
切勿忘記，某人是有前科的！有人反問佢計得咁清楚又點會出事！這只可說明佢以為佢真係可以隻手遮天！智者千慮！必有一失！
作者: 小米    時間: 2011-6-13 17:18

由頭到尾大家討論都係對事 , 唔係對人
瓜田李下, 如果佢d球員真係咁勁, 身為乘大教練唔係應該做得好d,
一早列哂所有rules 出黎等以示公正咩?
咁樣大家都服啦

樓主已經講左, 由參加人數開始, 乘大已經益緊自己友
睇呢件事如果有人覺得係對人唔係對事, 係因為佢都覺得呢件事係有一個人搞出黎既
咁咪好似對緊人囉

ps 我都係中立路過的
作者: shumhongyue    時間: 2011-6-14 20:35

總之有人選拔打第二都無得打世大就一定係唔公平,,,
某教練講既野好明顯係極主觀...
請問佢憑咩用自己既主觀意見去決定世大名單呢?(相信有d波友都見識過佢係有線電視度講波,,,知道呢位教練有幾多斤丙)
而且佢個句" 我無必要向你交代 "真係好唔付責任....
作者: Timshek    時間: 2011-6-15 02:14

引用:
原帖由 mandychan 於 2011-6-12 23:27 發表


各位朋友，有時間看一看今日恒生學界的賽果究竟陳教練是有眼光還是未卜先知

男子冠軍及女子亞季分別是樓主認為不能代表香港的人
睇咗o甘耐,真係忍不住要出聲.
如果你聽o甘講, 教練o甘有眼光.一早就不應該攪什麼選拔賽.
既然攪得選拔賽,大家就要遵守遊戲規則.
如今文明現代既社會, o甘就退化了, 退步了.你欣賞這樣的社會嗎?
打個例子: 2011年1月簫穎霖贏左石頌謙取得乙組冠軍. 在之後2011年6月的一場區際初賽石頌謙贏左簫穎霖, 難道簫穎霖要將2011年的乙組冠軍給石頌謙嗎? 細心想想吧!
作者: pingpongman    時間: 2011-6-15 10:33

提示: 作者被禁止或刪除 內容自動屏蔽
作者: kwildsman2020    時間: 2011-6-16 11:16

睇咗咁耐我都忍唔住講番句。
話明係選拔賽,即係一賽定出線權啦,如果唔係就唔好叫選拔賽,到最後賽果並非他們所預期的時候,便用其它理由狡辯,難得嘅係啊陳教練咁都講得出口,利害!  
况且,睇落喱嗰陳教練嘅身份喺喱嗰選拔賽好有利益衝突,其實佢更加要公平啲做嘢啦。
作者: 葉師傅    時間: 2011-6-16 12:11

冇辦法 ! 讀得大專,個個都係成年人,有一定學識,唔係細路仔,唔係你話點就點,始終要對公眾有個合理的交代 !

[ 本帖最後由 文仔 於 2011-6-17 15:29 編輯 ]



歡迎光臨 香港乒乓網 (http://hkttf.com./) Powered by Discuz! 6.0.0