香港乒乓網 - Powered by Discuz! Board

標題: [其它討論] 怎樣撕去水溶性膠水黏貼的套膠才能不傷板身? [打印本頁]

作者: 小B頭 時間: 2011-12-28 13:32 標題: 怎樣撕去水溶性膠水黏貼的套膠才能不傷板身?

上次一念之差, 買膠時用了水溶性膠水黐板, 殊不知店方馬虎交貨, 部分黐到"谷"起了, 現在想從新黐過,但又怕撕起時會扯爛套膠, 兼撕起底板的木絲, 請問有沒有方法可以溶走水溶性膠水, 令我可以完整地撕起套膠又不傷板身.

作者: jcclee 時間: 2011-12-30 08:45

引用:

原帖由 小B頭 於 2011-12-28 13:32 發表
上次一念之差, 買膠時用了水溶性膠水黐板, 殊不知店方馬虎交貨, 部分黐到"谷"起了, 現在想從新黐過,但又怕撕起時會扯爛套膠, 兼撕起底板的木絲, 請問有沒有方法可以溶走水溶性膠水, 令我可以完整地撕起套膠又不傷板身 ...

強烈建議你花少少時間拿回去幫你貼膠的店舖,
他們有責任幫你清理和重貼.

如果自己動手, 有甚麼損壞....後果唯有自負.

作者: 小B頭 時間: 2012-1-2 17:33 標題: 回復 2# 的帖子

那間店出名服務態度惡劣(萬x), 換膠的時候店員堅持要我自己撕走舊膠, 說不會負責任何損傷. 現在的膠雖然是店方黐的, 但已隔了一段日子, 對方更不會"執手尾". 坦白, 經此一役, 我發誓這一世都不會再光顧萬X, 店方那種愛理不理的態度和傲慢無禮的說話, 實在令我覺得貼錢買難受. 那次要不是順路貪方便, 我絕不會多花十多元光顧這店, 它賣的膠永遠比別家貴, 去賣是笨蛋!

作者: jcclee 時間: 2012-1-2 17:43

引用:

原帖由 小B頭 於 2012-1-2 17:33 發表
那間店出名服務態度惡劣(萬x), 換膠的時候店員堅持要我自己撕走舊膠, 說不會負責任何損傷. 現在的膠雖然是店方黐的, 但已隔了一段日子, 對方更不會"執手尾". 坦白, 經此一役, 我發誓這一世都不會再光顧萬X, 店方那 ...

你講的是"萬達" ? 請問是幾耐之前貼的呢 ?

會否是誤會一場 ? 今時今日, 間間店舖的服務都不應會太差吧 ?

或者請問那一區的店舖對你會比較方便一些 ? (我試試幫你找人安排重新處理...)

作者: newmancheung 時間: 2012-1-3 13:36

請問你是否在2個月內在這店內買的，如果是的話，請確認上板的水溶膠水是該店自家製的，該膠水屬無咁傷板，我2個月前在該店用其自家製水溶膠水切板，底板是YEO,C返膠出來很容易，當然最好小心的C,底板無起絲及海綿除膠水漬無傷海綿及超容易!

註：以上只分享本人經驗，不保證你塊板無事，至於該店員工態度,幸好購買了多次暫未遇過你的情況

[ 本帖最後由 newmancheung 於 2012-1-3 18:48 編輯 ]

作者: 小B頭 時間: 2012-1-12 01:05

呢個世界冇咁多誤會. 我唔係第一次幫襯萬x(你哋估中係你哋叻, 我冇開過佢名), 佢哋一向都係咁上下惡劣, 嗰個阿姨句句倔過鎚仔, 冇半點笑容, 我本來真係諗住轉身就走, 衰在嗰次趕住換膠打比賽, 所以忍佢. 我幫襯過兩三間其他乒乓球店, 間間都好nice, 只有呢間係我發誓永不再幫襯.

我唔知樓上兩位同佢哋有乜關係, 或者你同佢哋好friend. 我塊膠黐咗超過半年, 其實打咗兩次已經起泡, 因為之後我太忙冇打波, 所以一直冇再理佢. 最近攞番塊拍出嚟, 睇見眼冤, 新簇簇一塊膠, 撕佢又驚爛, 唔撕又唔妥, 萬一撕爛, 兩舊幾水即時報銷, 而我, 打咗唔夠十次!

佢哋連我幫襯緊嗰一刻都撻黑塊面, 冷言冷語, 隔半年叫佢執手尾, 佢唔噴到我一面屁就奇!

作者: jcclee 時間: 2012-1-12 01:52

引用:

原帖由 小B頭 於 2012-1-12 01:05 發表
呢個世界冇咁多誤會. 我唔係第一次幫襯萬x(你哋估中係你哋叻, 我冇開過佢名), 佢哋一向都係咁上下惡劣, 嗰個阿姨句句倔過鎚仔, 冇半點笑容, 我本來真係諗住轉身就走, 衰在嗰次趕住換膠 ...

首先, 對你過往的不快事件表示抱歉 !
我和萬達的良好關係, 都是因為經過了時間和服務態度而建立出來, 之前, 我們也不是熟悉的.
而你口中所講的那位呀姨, 都已經退休了好一般日子, 你也沒有必要再為此而氣結了.

至於你的一塊只打了幾次的套膠, 我也有信心可以幫到你"起死回生",
如果方便的話, 可以拿出來給我看看嗎 ?
(交收地點和時間可以互相就一吓)

詳情可以 PM 聯絡 !

作者: 快弧 時間: 2012-1-12 02:00

尼間野，我唔多上去買野，但我都都領教過

上個月，我朋友話ｘ達有套運動衫幾靚．
咁我上去睇吓，惗注買啦，比錢果時問一句
"如果ｄ拉鍊或者ｄ字有問題可唔可以換番"
即刻比個阿姨串一句
"你買野有睇加嗎,出左門口,係你既問題,我地唔負責換架,
你自己睇淸楚啦" 我當時O晒嘴.
心惗,全套運動衫有7條拉鍊,十幾個字咪有排check
咪就咁比錢扐衫走人
點知返屋企睇番d字真係有問題同污漕左,我都無攞番去換

作者: jcclee 時間: 2012-1-12 02:08 標題: 回復 8# 的帖子

咁你件衫開左未 ?

既然原來大家對該店都有d 意見,
我想我可以代表向有關人士作出反映.

作者: 鍾少 時間: 2012-1-12 09:42

引用:

原帖由 小B頭 於 2012-1-2 05:33 PM 發表
那間店出名服務態度惡劣(萬x), 換膠的時候店員堅持要我自己撕走舊膠, 說不會負責任何損傷. 現在的膠雖然是店方黐的, 但已隔了一段日子, 對方更不會"執手尾". 坦白, 經此一役, 我發誓這一世都不會再光顧萬X, 店方那 ...

我上次去粘快長膠,,等佐九個字,仲要系d膠水乾佐都冇人理...

作者: 反膠王子 時間: 2012-1-12 10:37

提示: 作者被禁止或刪除內容自動屏蔽

作者: 快弧 時間: 2012-1-12 10:52

尼間野,賣野真係貴人好多
我套衫，果個阿姨話$720
如果買多條短褲就8折$576
我堅持講價同淨係單買套衫,先$576賣比我

之後我見x星有得賣,咁我問吓價錢啦
佢話$500,

足足平左$76,可以買多塊cj8000啦

老細仲好好service咁問我乜野碼,幫我訂

在x達買野,要受氣,買次貨,仲要比人搵笨添

總之尼間野無必要我都唔會再上去

[ 本帖最後由快弧於 2012-1-12 11:24 編輯 ]

作者: jcclee 時間: 2012-1-12 11:07

你們的意見, 我會代為轉達.

作者: 快弧 時間: 2012-1-12 11:21

引用:

原帖由 jcclee 於 2012-1-12 11:07 發表
你們的意見, 我會代為轉達.

jcclee兄,
謝謝你,唔該哂

如果x達好似你咁老實好人就好啦

不過我對x達真係無乜好感

作者: borkee 時間: 2012-1-12 17:45

多謝Jason兄先，我已經打咗電話比Eric，等他了解一下後，便會向大家交待，但以我所知，萬達一向不幫顧客撕膠的，另外，如快弧兄的個案，萬達會同你更換貨品的，至於態度問題，我就冇遇過你地的經歷，這方面我就不與置評喇！請大家耐心等候。

作者: borkee 時間: 2012-1-12 17:52

引用:

原帖由鍾少於 2012-1-12 09:42 發表我上次去粘快長膠,,等佐九個字,仲要系d膠水乾佐都冇人理...

你過嚟我同你貼吖嗎？

作者: 萬達 時間: 2012-1-12 18:04 標題: 回應投訴

我是萬達負責人ERIC, 首先對有抱怨及投訴的客人說聲對不起, 先員工的服務態度使客戶有不愉快的回應, 這是不能容忍的, 再次對不起各位,...
而以前的阿姨己於1-1-2011離職, 而在同年7月~8月其他的女銷售員亦已離職, 我們希望使客人得到好的服務, 將心比己, 我去購物亦想有好的服務, 價格貴少少亦可以接受, 我們亦在請人, 希望可以一改以往客戶對我們的壞印象, 所以不好服務的員工不會再出現...請見諒,
在價格方面, 因地區不同, 店舖的成本亦不同, 所以在不同成本的情況下, 價格一定有關, 所以在銅鑼灣的價格是比其他區貴一點, 請各位體諒, 但貨一定是真貨, 這是保證.
如果膠皮起泡有很多原因, 如果是套膠的話,可能是斷粒, 因以前有比客陰過, 賠償了bty taksim, 及其仔stiga 板, 所以老板落order不準幫客撕板
但伙計一定要照老板的order做, 如果唔係要自己賠, 有時我會幫d客撕板, 但不會幫起膠水積, 因需要時間太久, 起碼1~2小時, 我本身都有工作, 而且個客用什麼膠水或2,3種膠水混合, 無法撕, 這一點是我們幫不了的, 當然一間打開門口做生意的店要有固定成本及沅流動成本, 人手多地方大, 成本一定高, 再加最低工資, 很抱歉為這事做各位不滿......

作者: chwill 時間: 2012-1-12 18:12

引用:

原帖由 小B頭 於 2011-12-28 13:32 發表
上次一念之差, 買膠時用了水溶性膠水黐板, 殊不知店方馬虎交貨, 部分黐到"谷"起了, 現在想從新黐過,但又怕撕起時會扯爛套膠, 兼撕起底板的木絲, 請問有沒有方法可以溶走水溶性膠水, 令我可以完整地撕起套膠又不傷板身 ...

對於第二代如何守業定係趕客，不予置評! anyway, 自己架生都係自己郁手保養有 feel 好多!!

撕膠時應該由有牌子嗰個角位開始，由左至右方 (即垂直於板柄方向) 續 DD 慢慢撕咁就冇咁易扯起木絲。

板底膠水跡，先用風筒稍微吹熱表面，然後搵一塊唔用嘅膠皮捽甩佢。至於海綿上面嗰啲，至今仍未諗到點搞...

各位有乜高見?

[ 本帖最後由 chwill 於 2012-1-12 18:17 編輯 ]

作者: borkee 時間: 2012-1-12 18:47

引用:

原帖由 小B頭 於 2012-1-12 01:05 發表呢個世界冇咁多誤會. 我唔係第一次幫襯萬x(你哋估中係你哋叻, 我冇開過佢名), 佢哋一向都係咁上下惡劣, 嗰個阿姨句句倔過鎚仔, 冇半點笑容, 我本來真係諗住轉身就走, 衰在嗰次趕住換膠 ...

師兄，六合彩都有人中喇！勞氣只會傷身，保重呀！
至於你提及嗰位呀姨，應該係離職咗一年嗰位，忍咗一年你先爆，你D忍功真係利害喇！

作者: borkee 時間: 2012-1-12 19:08

至於膠皮起泡，就要睇下膠皮是舊定新，底板是否平，膠水漬是否完全清除等，如即時發現應立刻通知店舖，我諗他們一定幫你攪好！
如果撕膠的話，店舖幫客撕會有一定嘅風險，有時有心人裝冇心人，例如本身塊板爛咗，拿去店舖叫人撕膠，跟住屈人撕爛咗都得，直頭係口同鼻拗呀，認真審死官！亦不排除有呢種人吖！
可能你們會覺得我偏幫某一方面，但我亦係講出事實，你們可以試下倒轉角式想一想，就算這件事發生於其他店舖，我都係說同一番話。

作者: 蔡頭 時間: 2012-1-12 19:38

我自己都經常會去萬達買膠,但就未遇過樓主既問題。其實該店緊持要自己撕塊膠落黎都有一定既理由,我地自己撕落黎都會驚撕爛/起木絲,又何況係一個同你唔相識既店員呢?
另外,萬達隻水溶膠水起膠算方便,小心點撕落黎應該不會有問題

作者: jcclee 時間: 2012-1-13 00:16

先多謝各有關單位人士的迅速回應 !

希望日後大家都會互相體諒, 可以和平及愉快地解決問題.

========================================

至於樓主膠皮有氣泡(和清除膠水)的問題, 本人仍然是歡迎你來找我幫手的 !

(雖然我未必肯定可以100%救返你塊膠, 亦不敢以"專家"自居, 但一試無妨, 是嗎 ?)

作者: 快弧 時間: 2012-1-13 10:47

引用:

原帖由 borkee 於 2012-1-12 17:45 發表
多謝Jason兄先，我已經打咗電話比Eric，等他了解一下後，便會向大家交待，但以我所知，萬達一向不幫顧客撕膠的，另外，如快弧兄的個案，萬達會同你更換貨品的，至於態度問題，我就冇遇過你地的經歷，這方面我就 ...

波記兄,多謝你的開解
件衫我己開了及剪了牌仔,不想令x達難做及再受氣,不換啦
我講件事出黎都係想x達知道d客人有幾難受同氣憤
希望x達可以改進吓d service 唔好再趕客

作者: jcclee 時間: 2012-1-13 16:21

相信萬達已經聽到了論壇的聲音,

平心而論, 他們已經比以前積極了不少, 更加有了很大的進步,

希望日後可以見到更多讚的 posts !

作者: (=^x^=) 時間: 2012-1-13 16:50

我去間間乒乓球店服務都一流

作者: jcclee 時間: 2012-1-13 17:15

引用:

原帖由 (=^x^=) 於 2012-1-13 16:50 發表
我去間間乒乓球店服務都一流

我都係....
(唔係因為我或者猫是大戶/或大客仔)

我只相信好多時都是相對的 !

(俗語有話 : 一句"唔該"使死人)

其實無論是店舖或者客人, 都可以嘗試"以禮為先", 買賣都開心 - 雙贏局面

作者: (=^x^=) 時間: 2012-1-13 17:17

我快板是二手, 膠是 borkee 提供.....我去只是幫襯買本乒乓世界, 何來大戶

作者: (=^x^=) 時間: 2012-1-13 17:18

有一句我好認同的, 在相熟的店舖買東西比較可靠
在網上購物好似平一點點, 但風險也多一點

作者: jcclee 時間: 2012-1-13 17:20

引用:

原帖由 (=^x^=) 於 2012-1-13 17:17 發表
我快板是二手, 膠是 borkee 提供.....我去只是幫襯買本乒乓世界, 何來大戶

我咪已經講到明 - 我地唔係大戶囉

我都只係成日上去俾佢地賺我 $5 - 磨膠邊

作者: 萬達 時間: 2012-1-14 11:47

我是ERIC, 有關您們的意見我都很明白, 我亦希望在這一個投訴中說明我們的原則, 價格貴是沒有辦法, 客人不會站在我們的立場去想的, 客人永遠只會想到自己可以買到平貨, 這是對的, 反轉角色, 在銅鑼灣地區店舖的租金會平嗎, 就算店是自己的更要供款給銀行,這都是成本, 知道我的人都知道我性格是很直接的, 可以做到的我都會幫, 我能力以外的我會直接拒絕, 不存希望, 平到的我會到, 我們公司大部份貨是來自代理, 代理有利潤, 到我公司可以平到多少? 有些膠皮ITTF改制不能打, 代理不能退, 有誰可憐我們, 我們貨倉壓了600萬以上港幣的死貨, 有誰知道我們慘, 在銷售放面, 我們每月都有做特價, 代理不會給我們幫助, 是我們自己用成本價賣出, 您們買到平貨時有沒有想到我公司是沒利潤, 算了, 這都是我們公司問題, 但希望各位是對我們員工不滿, 可以提出, 不要對我公司有所意見
另外.有幾回要我解釋給投訴的客戶了解
買衣服的客戶 : 當買服裝時, 試身後, 買的產品客戶自己應該有責任去驗查清楚, 買回去真有問題我們亦會更換, 但您都要行多一次啦, 何不在未發生事情前去做好D 番單是浪費時間.
換膠客戶 : 因我們比D衰的客人陰過, 重報警上我公司, 亦賠了外次, 如果您是我您如何處理?? 現在那阿姨已離職, 現在上來可不會口黑面黑, 如果有您可以找我投訴, 81028816 (ERIC), 我通常水膠水貼膠會有很輕微的膠水痕, 這一點要留意, 起泡在我公司是不容許的手工, 但客人亦要預先清好拍面, 如果有舊膠水積, 可能會貼不實起泡, 或會貼得太實撕不下來, 但客戶到頭來都會說: ""是您哋幫我貼的"", 有時很慘被屈.,唔幫個客撕膠, 又在網上投訴, 點做好呀??

所以請自行清潔拍面很是最好的, 大家好.
貼長膠客人: 長膠塗完膠水後要等完全乾及完全平,再要塗第2次, 亦要等完全乾及完全平, 才可以貼上板, 起碼要1小時, 快的都要45分鐘, 請了解, 如果心急, 貼壞了, 您收貨嗎? 請不收貨, 又是我公司損失, 是嗎?
重有要大家波友了解, 德國膠及一些內能膠不論用什麼膠水都會縮水,平時是四方型您們不感覺, 貼落板後立即覺的, 所以最好是塗膠水後等一晚, 再貼上板, 再壓一晚後才剪成形, 有些客話趕時間快D快D, 幫佢貼完, 幾日後來大閙, 說我們幫佢貼到縮水,要免費更換, 您話點做好, 前2日先發生的事, ,講D個案您知: 有一次個客來買板及膠, 要可以嬴人的板, 我們無法介紹, 他就自己選, 第2天回來講晒粗口鬧說我們介紹的板不彈, 輸了他一萬銀, 要我們賠, 又有一次個客買TIBHAR D TEC, 這些膠是不能塗快膠水的, 他灌膠, 結果中間裂, 拿回來換, 我說不能灌膠, 他死口說沒有膠快速膠水, 大佬呀, 佢當我無打過波咩, 好了換給他, 過2日又來換, 說TIBHAR 膠易裂, 要換STIGA, 不換給他閙比到個個客睇住, 唉~~~~, 重有一次我不在公司, 有個客張NITTAKU 3 STAR 波, 打開十幾筒, 選3粒, 您話是否離譜, 有D客買完D 板打貼完膠打完第2日來換, 因熟客我們沒布查, 幾次都系咁, 結果有其他客買板, 才發現為什麼板有膠水積, 您話算唔算比人陰. 用過的板點賣呀. 當然有時人多時段, 可能會領到客人感到被冷落, 或貼膠時間太耐, 在這裹說聲對不起, 現時人手不足, 正在請人, 請各位體諒

作者: Simon-Lee 時間: 2012-1-14 12:13

我只是一局外人
看見萬達的詳細解釋及內心分享
感覺到真心回應大家

作者: 萬達 時間: 2012-1-14 17:16

很多謝體諒我的苦衷

作者: kangaroo626 時間: 2012-1-14 17:59

大家互相容忍下~世界會更美好

作者: newmancheung 時間: 2012-1-14 18:43

其實同一件貨品或同一種服務，都吾會滿足到所有人，有些人認為已經好滿意，亦會有些人覺得不足，所以多些互相包容，一團和氣過新年^V^

作者: borkee 時間: 2012-1-14 19:50

如果可以用錢買一塊必贏的球拍，我諗我第一個買呀！

歡迎光臨香港乒乓網 (http://hkttf.com./)