香港乒乓網 - Powered by Discuz! Board

標題: [長膠] 2012長膠末日論 [打印本頁]

作者: Terence 時間: 2012-2-6 14:28 標題: 2012長膠末日論

今年首項賽事, 除下星期丙組戰線外, 大部份已於昨天完成初賽. 綜觀多日賽事, 長膠代表能晋級者寥寥可數

丁組64強中, 好似只有1-2位而已, 但前境黯淡, 似乎最大進展亦只是8強止步; 甲組代表只有長膠王子, 但首仗便被港青仁仔拉下馬來

乙組有多位參賽, 直板前甲組趙又係首仗被歡樂仔沖爆, 據其自我報導, 當日長膠失利, 全憑正手取分, 最後慘負deude出局

, wlwlwl力搏多回, 最終亦未能再進一級, 仲有來自屯門既肥仔聰, 首仗差點被阿三沖爆, 最后雖險勝, 但次回合即敗走歌街; myron更加唔使講, 第一場開始便一直被沖爆, 真係沖爆哂, 防無可防

, 雖然以正手挽回劣勢, 两場均以3:2險勝, 但打到身心透支, 精神上不斷抱怨塊死鬼長膠, 用黎閘又唔得, 削又唔得, 打打下同我講不如棄權唔打, 大有從此封板, 心灰意泠感覺, 正是"曾經滄海難為水, 除了長膠再造人", 咁比賽途中, 當然唔可以咁失態啦, 咪叫佢放棄長膠, 當單面直板咁打囉, 辛苦的捱埋佢, 時為第二仗與甲組趙之戰, 當時落後1:2, 背城借一下, 真係全枱正手反沖連下两城, 又以3:2險勝, 富其時, 興奮程度未過, 體力已冇左8899, 又叫下一回急召, 對手又係針對長膠黎打, 再一次身心受創, 在體力不支下, 第三局再用埋殘餘1122體力, 全枱正手, 由落後0:5, 5:10力追至9:10, 可惜最后一球真係力不從心, 正手拉左落網

宣佈收工.
今次之后, 看來係時候檢討一下, 在OX差不多被禁下, 打長膠仲有何出路呢?
歡迎各長膠高手共同研究, 再創出一條新天地, 更歡迎各派人仕(正膠, 生膠, 防弧, 反膠)參與討論..、謝謝
最後祝丙組代表貓壇主及邪王jack為長膠爭光, 加油

[ 本帖最後由 Terence 於 2012-2-6 14:29 編輯 ]

作者: wlwlwl 時間: 2012-2-6 14:48

其實長膠很難練, 一定要有好好既手感.
在甲,乙組更加難揾食.
如果想轉膠, 可以試下防弧.
邪界好在今年還有張文光在乙組入8強

防弧的防守力比長膠好如 YouTube 片中既高佬防得唔錯.
但如果可以學張文光用防弧來推/打/攻加減力就最好
[youtube]Gddm7-lB7n4&feature=related[/youtube]

作者: Terence 時間: 2012-2-6 14:55

張文光手防弧真係好難打, 尤其手雙面發球

我估防弧膠咁難打, 因為小人用, 所以尚未被人摸透, 如果好似長膠近年咁普及化, 相信亦好難揾食

(只是個人微見, 因上年myron同張文光打過, 所以有此心得...多多得罰),
其實咩膠都好, 有冇一種打法唔怕熟波架

作者: (=^x^=) 時間: 2012-2-6 14:56

我正為膠波煩腦, 我已連續兩星期拿球板去驗机, 驗了 5-6塊. 只有兩塊可以過机.
但果兩塊都唔習慣, 距離比賽只有一星期. 尋日同007打友誼波仲拉傷埋, 都未知打唔打到
其實打長膠我的看法是.....除非打削球如朱世赫或日本仔 "郁co" (國際青少年賽冠軍)
如果只是防守, 識打的人仕很容易可以 ko
打長膠好奇怪, 你唔識打真是打死你, 如果識打的, 真係無晒符
但隨住年齡上升, 打長膠會比打反膠優勝, 特別我 e d 不練波人仕
走來走去, 唔好話打三塲, 打一塲都死.
年輕人其實可以考慮轉生膠, 一樣可以防, 也可以攻, 但要接受一段時間會輸波.
反膠轉長膠容易, 但長膠轉反反膠, 真的要時間去適應
年輕人, 有時間有体力, 什麼都可以試下, 加上你有咁好的反手教練
唔學反手真的有點浪費

作者: Terence 時間: 2012-2-6 15:04

如果揾到打緊生膠又打得好既師傅, 好似港隊唐咁, 100% sure會轉打.
轉回反膠我步署左半年, 但好多野要一步步黎既, 其實佢手反手都唔錯勒, 只係比賽時少用.
But, 你講既野完全認同.
削球呢, 可遇不可求

作者: (=^x^=) 時間: 2012-2-6 15:20

男子打橫板長膠唯一的出路是削球, 閘波橫板一定不及直板靈活
你看齊宝華, 王秋伊都是直板倒板, 而橫板長膠打攻波好似不多, 只得一個鄧亞平 (755)

香港橫板打長膠, 有馬如龍, 后生d有朱掁宗, 但打到甲組你要頂得到謝嘉俊沖爆嗎 ?
其實可以繼續用長膠, 但要再打上去, 一定是打cut波 (是兩邊都要懂cut波)
但要考慮乒總會否有資源培養, 畢竟小朋友已近16歲, 要在 2-3年有成績談何容易
自己找教練, 有多少教練可以教你, 我算有教練教你, 咁邉個沖爆你cut 波先 ?
要兩小時不停沖你, 我唸無教練會咁沖

以目前 Myron 在乙組無問題, 上甲組都是遲早的事. 但要在甲組企穩, 便真係要唸唸
或者可以唸下加海棉, 然后用長膠沖爆, 彈爆....
但問題又返轉頭, 邊個教練可以幫你 ?

作者: 太陽之子 時間: 2012-2-6 16:06

引用:

原帖由 (=^x^=) 於 2012-2-6 15:20 發表
男子打橫板長膠唯一的出路是削球, 閘波橫板一定不及直板靈活
你看齊宝華, 王秋伊都是直板倒板, 而橫板長膠打攻波好似不多, 只得一個鄧亞平 (755)

香港橫板打長膠, 有馬如龍, 后生d有朱掁宗, 但打到甲組你要 ...

其實最理想，係一個教練+一個陪練
教練有的是經驗，但一般已經退下來一段時間，體能當然跟不上，但他懂得如何處理每個球，及安排訓練計劃
陪練一般比較當打，體能比較好，要他拉兩小時也無所謂
這樣練習，取兩者之好處，相信會練得更有效果

作者: (=^x^=) 時間: 2012-2-6 16:07

咁太陽你去申請做陪練

作者: kwokming78 時間: 2012-2-6 16:11

Terence講得好詳細，其實由06年話禁Bamboo後開始搵代替品至依家都未搵番一塊合心水既長膠！都真係想買塊防弧試下睇下咩感覺！

作者: carfielddog 時間: 2012-2-6 16:11

小弟不才，我個人覺得用橫板打長膠，真係要打削球，一定有意識退檯防守等機會反攻，今次myron係剛剛轉型，用多左削球，引至步法令佢今次力不從心，我相信你依家有位咁好削球師父幫緊myron，練多半年，習慣打法，就可以捲土從來，更上一層樓！所以千祈唔好洩氣呀，邪派唔可以無左myron架！

作者: wlwlwl 時間: 2012-2-6 16:19

引用:

原帖由 kwokming78 於 2012-2-6 16:11 發表
Terence講得好詳細，其實由06年話禁Bamboo後開始搵代替品至依家都未搵番一塊合心水既長膠！都真係想買塊防弧試下睇下咩感覺！

直板打法不宜用防弧

作者: dior 時間: 2012-2-6 16:22 標題: 回復 9# 的帖子

YAsaka防弧幾好用,我依家都用緊

作者: wlwlwl 時間: 2012-2-6 16:28

引用:

原帖由 dior 於 2012-2-6 16:22 發表
YAsaka防弧幾好用,我依家都用緊

你幾時開始用防弧?

上次見你都用緊反貼

作者: 鷹眼 時間: 2012-2-6 16:56

Butterlfy Super Anti 1.5 防弧幾好用,另一面配塊粒仔,我依家都用了one year,
(本人用中直)

作者: Terence 時間: 2012-2-6 17:28

引用:

原帖由 太陽之子 於 2012-2-6 16:06 發表

其實最理想，係一個教練+一個陪練
教練有的是經驗，但一般已經退下來一段時間，體能當然跟不上，但他懂得如何處理每個球，及安排訓練計劃
陪練一般比較當打，體能比較好，要他拉兩小時也無所謂
這樣練習，取兩者 ...

太陽呢個計劃好正

但家長負擔真係好重喎

話時話, 有冇咁抵得林既又拉得又識打長膠又沖得的陪練呢?

作者: dior 時間: 2012-2-6 17:29 標題: 回復 13# 的帖子

轉左幾日,試下用

作者: Terence 時間: 2012-2-6 17:29

引用:

原帖由 dior 於 2012-2-6 16:22 發表
YAsaka防弧幾好用,我依家都用緊

Dior都轉防弧

作者: Terence 時間: 2012-2-6 17:31

引用:

原帖由 carfielddog 於 2012-2-6 16:11 發表
小弟不才，我個人覺得用橫板打長膠，真係要打削球，一定有意識退檯防守等機會反攻，今次myron係剛剛轉型，用多左削球，引至步法令佢今次力不從心，我相信你依家有位咁好削球師父幫緊myron，練多半年，習慣打法，就可 ...

作者: abccw 時間: 2012-2-6 17:34

引用:

原帖由 (=^x^=) 於 2012-2-6 15:20 發表
男子打橫板長膠唯一的出路是削球, 閘波橫板一定不及直板靈活
你看齊宝華, 王秋伊都是直板倒板, 而橫板長膠打攻波好似不多, 只得一個鄧亞平 (755)

香港橫板打長膠, 有馬如龍, 后生d有朱掁宗, 但打到甲組你要 ...

要打好削球並不是一般的難哦 ~

作者: Terence 時間: 2012-2-6 17:39

引用:

原帖由 kwokming78 於 2012-2-6 16:11 發表
Terence講得好詳細，其實由06年話禁Bamboo後開始搵代替品至依家都未搵番一塊合心水既長膠！都真係想買塊防弧試下睇下咩感覺！

宜家冇得打OX都好大問題

, Bamboo時代既長膠好似倚天劍屠龍刀既神乒利器, 真係揾唔返. Tibhar D.Tec GRass暫時有一半效果, 但總係差的

今個星期開始試新野, 用OX, 長膠最后努力, 再唔得既, 真係要放棄

期待你轉用防弧后之打法. 有時間約myron打返場, 指教下個小朋友呢

作者: kwokming78 時間: 2012-2-6 17:58

Terence~無問題呀，指導Myron仔就真係吾敢呀，Myron仔既打法其實真係吾錯，佢既正手係呢兩年進步不小呀，有機會真係大家交流下！

作者: Terence 時間: 2012-2-6 18:07

引用:

原帖由 kwokming78 於 2012-2-6 17:58 發表
Terence~無問題呀，指導Myron仔就真係吾敢呀，Myron仔既打法其實真係吾錯，佢既正手係呢兩年進步不小呀，有機會真係大家交流下！

Kwokming, 真係要夾下時間啦

myron正手多得馮教練指導修正, 真係進步得好快; 加上佢熟識長膠, 生膠, 防弧打法, 揾佢做陪練一流. 但最慘佢自已做唔到自已陪練呢! 有機會要召集一眾邪派人士, 振興邪膠

作者: 太陽之子 時間: 2012-2-6 18:11

引用:

原帖由 Terence 於 2012-2-6 17:28 發表

太陽呢個計劃好正但家長負擔真係好重喎
話時話, 有冇咁抵得林既又拉得又識打長膠又沖得的陪練呢?

應該咁諗，陪練都有得著既
大家互相影響，一起成長嘛
陪練點都冇教練咁貴既，放心

作者: Terence 時間: 2012-2-6 18:16

教練費一半都死

作者: AlanT 時間: 2012-2-6 18:53

大多數使用長膠的波友只是側重在防守方面，若要提升長膠的威力，必須要在進攻方面下功夫！
＊有冇試過007的長膠橫打的殺傷力？

作者: Terence 時間: 2012-2-6 18:57

引用:

原帖由 AlanT 於 2012-2-6 18:53 發表
大多數使用長膠的波友只是側重在防守方面，若要提升長膠的威力，必須要在進攻方面下功夫！
＊有冇試過007的長膠橫打的殺傷力？

James手長洲橫打乒壇一絕

, 冇得學

作者: 凝聚 時間: 2012-2-6 19:27

在這此比賽中發覺用親一下長膠削就比人衝一下，基本上用親都輸，在甲乙組生存真的相當難，幸好我自己是直板可以換成反貼猜重下或短球，長此下去長膠真的要減亡，現在反貼的科技性能不斷增強，相反長膠卻因為它的強大而不斷禁止，在這不平行的程況下，用長膠變得越來越吃虧。我在昨天的比賽中眼見用長膠一眾朋友們比人大板大板咁拉真係睇到心都寒(之前youtube有個直板高手同趙sir果場波真的最為深刻)可知現在長膠生存是非常困難

作者: hungwahsun 時間: 2012-2-6 19:28 標題: 讲得好!

我们老人家反应慢,脚步不灵活,逼于无奈,只好用长胶.用长胶不是想赢球,只希望输少一点.年清人如果想能打到高一点的水平,还是不要用长胶.

[ 本帖最後由 hungwahsun 於 2012-2-6 21:09 編輯 ]

作者: 卓朗 時間: 2012-2-6 19:30

agree with terence

作者: schlager 時間: 2012-2-9 15:38

基本上用得怪膠吾好以為用怪膠打過去人地會吾識打，要當對方會攻你而吾系打失。
當你有準備接下一板先可以接得好，不論你系削定劏都要系甘。
小弟不才，玩左長膠日子吾長，以上有錯還請各位指點。

作者: (=^x^=) 時間: 2012-2-9 15:41

引用:

原帖由凝聚於 2012-2-6 19:27 發表
在這此比賽中發覺用親一下長膠削就比人衝一下，基本上用親都輸，在甲乙組生存真的相當難，幸好我自己是直板可以換成反貼猜重下或短球，長此下去長膠真的要減亡，現在反貼的科技性能不斷增強，相反長膠卻因為它的強大 ...

作者: gx7615 時間: 2012-10-30 23:48

小弟用T9直板都係靠正手塊08吊命
反手塊OX玩近枱又危危乎...

作者: monkey330 時間: 2012-10-31 10:27

我都覺得長膠好難打
人地D波一沖好難削

高旋轉都話好D

正手更加難以連續削球

作者: monkey330 時間: 2012-11-1 00:43

大家點睇
長膠好快末日?

作者: gx7615 時間: 2012-11-1 18:03

引用:

原帖由 monkey330 於 2012-10-31 10:27 發表
我都覺得長膠好難打
人地D波一沖好難削
高旋轉都話好D
正手更加難以連續削球

照你咁講應該只係控唔實個波姐..

作者: monkey330 時間: 2012-11-1 19:26

太快
對唔到點

作者: gx7615 時間: 2012-11-1 19:57

引用:

原帖由 monkey330 於 2012-11-1 19:26 發表
太快
對唔到點

咁你用反貼比人衝你反應唔切都係一樣道理
唔關你係唔係用長膠事

作者: antony 時間: 2015-7-19 14:35

thanks for sharing

作者: 省港騎乒 時間: 2015-10-16 17:20

引用:

原帖由 Terence 於 2012-2-6 18:07 發表

Kwokming, 真係要夾下時間啦
myron正手多得馮教練指導修正, 真係進步得好快; 加上佢熟識長膠, 生膠, 防弧打法, 揾佢做陪練一流. 但最慘佢自已做唔到自已陪練呢! 有機會要召集一眾邪派人士, 振興邪膠 ...

Terence 兄如此有理想，「振興邪膠」？為何？全部清一色反膠太悶？想乒壇多點特色還是？

歡迎光臨香港乒乓網 (http://hkttf.com./)