香港乒乓網 - Powered by Discuz! Board

標題: 平民快餐不一定價廉大家樂燒鵝飯貴過鏞記12蚊 [打印本頁]

作者: wilson2020 時間: 2012-4-19 11:01 標題: 平民快餐不一定價廉大家樂燒鵝飯貴過鏞記12蚊

http://hk.apple.nextmedia.com/te ... amp;art_id=16261797

頻頻加價的大家樂，最近燒鵝飯索價 50元。
連鎖快餐店大家樂的燒鵝飯貴過鏞記！頻頻加價的大家樂，最近燒鵝飯索價 50元，雖送飲品，但較燒鵝「名店」鏞記的 38元外賣燒鵝飯還要貴 30%。有食家和學者質疑大家樂食水深，「係咪啲鵝好味過鏞記先？」學者則認為，快餐店早年平價搶客，現市場佔有率已擴大，可隨便加價。
今年已兩次加價的大家樂，「一哥燒鵝飯」及「一哥燒鵝雙拼飯」最新標價 50元，送茶、咖啡或汽水，不可單點，堂食外賣同價，份量與一般燒臘店和茶餐廳無異。「天價」燒鵝飯惹網民極大迴響，紛紛將餐牌照上載多個討論區，有網民留言批大家樂為求賺錢「喪心病狂」，揚言「罷食」。

食家：係咪好味過鏞記先
本報月初曾調查大家樂食品價格，當時一碟燒鵝飯售 41元；若配茶、咖啡或汽水加 5元即 46元，即套餐價現足足貴了 10%。
此外，不是自助形式的太興燒味燒鵝飯售價更厲害，晚市每碟售 61元，配飲品加 3元。有網民昨日指，其下午茶售 52元，較一般茶餐廳的午餐貴，「呢啲係畀遊客去嘅食肆」。
相比之下，以燒鵝聞名的中環鏞記，外賣燒鵝飯每盒 38元，去年加價前賣 35元，每日吸引不少白領排隊購買，據稱與其他碟頭飯等每天可銷 600份。不過，若要堂食，每碗 43元，每碟 60元，另加一。
大家樂回覆表示，全港只有四家分店即機場、中環萬邦行、尖沙嘴海港城和星光行分店提供 50元燒鵝飯連飲品套餐，因有關地區分店的顧客有此需求，定價則因近期燒鵝來貨價升超過兩成。大家樂本月起已因食材貴而加價，加幅 0.5元至 1元不等，招牌菜焗豬扒飯加至 39元。
對於大家樂燒鵝飯的售價，經營食肆的食家劉健威認為「貴得離譜」，指按來貨價等計算，一碗燒鵝飯售 30多元尚算合理，「大家樂 50蚊？食水深啲喎，你係咪啲鵝好味過鏞記先？」
他自言鏞記和大家樂的燒鵝飯都吃過，鏞記的肉質或鵝汁勝大家樂。至於有指鏞記外賣鵝飯質素較堂食的差，他說外賣的或不太肥美，但味道一樣。名廚周中也指，一客燒鵝飯合理售價為 30多元，質疑大家樂賣 50元太貴。

瘋狂加租食店要加價幫補
經濟學者關焯照說，連鎖快餐店像超市般，早年以低價招徠，又豪擲千金租佔有利位置，當市民習慣光顧時，就可「有恃無恐」加價。
中文大學市場系教授冼日明分析，快餐店多位處人流集中的黃金地段，租金壓力較大，加上要爭取最大利潤向股東交代，因此食品價格近年已漸漸高過茶餐廳，「只係大家習慣咗快餐店一定平，所以接受唔到」。
餐飲聯業協會會長黃家和說，租金佔食肆成本比例最大，位處旺位的連鎖式快餐店因面對瘋狂加租紛紛加價幫補，但鏞記舖面為自置物業，又自設鵝場，較易控制成本，「佢哋堂食收得貴，都係拉返勻啫」。

部份食肆燒鵝飯價錢

太興： 61元
大家樂： 50元（送茶、咖啡或汽水）
鏞記： 38元（圖）
美心： 35元
一樂燒鵝： 35元（堂食 37元）
註：鏞記為外賣價、其他外賣堂食同價

作者: wilson2020 時間: 2012-4-19 11:01

位於士丹利街的一樂燒鵝，獲不少食家推薦。
本港一鵝難求，因來價日高，食肆以鴨來取代，其實除了鏞記飛天燒鵝馳名，不少中環人其實都另有心頭好，便是一街之隔的一樂燒鵝，獲許多食家列為「絕密飯堂」，至於另外聞名的燒鵝，則是深井陳記或裕記了。

燒鵝被讚有油香不肥膩
鏞記門面金碧輝煌，附近位於士丹利街的一樂燒鵝，格局便有點「麻甩」，但 2011年便曾以一味炭燒燒鵝，獲米芝蓮推薦。不只是中環白領的「樂土」，也是著名老饕的「 best kept secret」，「呢間燒鵝其實都好正，但唔敢推介得太多，怕太多遊客，哈哈」。食家劉健威說，該店以燒鵝瀨最馳名，鵝肉皮脆熱辣，香口肉嫩，湯底味濃。少年食神 Michael也曾大讚其燒鵝「皮脆，皮與肉之間的脂肪只是薄薄的一層，有油香已不覺肥膩」。
其實，一樂燒鵝一點也不「秘密」，因在 2011年已曾獲《米芝蓮》推介。老闆娘朱太說，鵝成本較鴨貴四、五倍，故越來越少食肆供應燒鵝，「我哋嘅鵝要醃 24小時，燒一小時再風乾，好入味又香口㗎」。她說顧客主要為白領及街坊「斬料」，每日若賣 70隻鵝。燒鵝飯堂食 37元，外賣只售 35元，她坦承鵝價日高，計劃加價，「但應該加兩蚊度，驚打工仔負擔唔到，大家樂點解可以賣咁貴㗎?」

[ 本帖最後由 wilson2020 於 2012-4-19 11:06 編輯 ]

作者: lkkrjkfj 時間: 2012-4-19 11:06

太興不嬲出左名貴

一個餐蛋面+杯野飲盛惠28元 p.s仲未計凍飲

我最少2星期先去一次

作者: feideepking 時間: 2012-4-19 11:12

有唔少人巧似睇TBB慣性, 無特別野諗就幫襯大+落; 另外, 大+落有個搵笨100級可能坤咗巧多人入會, 加銀行乜卡物卡申請時又一兩張大+落什麼什麼優惠券, 綁咗班人幫襯, 出咗優惠, 唯有加價抵返

作者: feideepking 時間: 2012-4-19 11:16

引用:

原帖由 lkkrjkfj 於 2012-4-19 07:36 發表
太興不嬲出左名貴
一個餐蛋面+杯野飲盛惠28元 p.s仲未計凍飲
我最少2星期先去一次

太興貴到傻, 曾幾何時有d服務員亦搏人麻木幫襯, 記得南區有間太興落單時聽到服務員回應(呻貴佢都亂答嗲)真係會把火

! 仲有, 間嘢有少少搏人唔留意, 有d套餐未必着數過散叫.

[ 本帖最後由 feideepking 於 2012-4-19 07:50 編輯 ]

作者: alanchan 時間: 2012-4-19 11:44

有時候真係好無奈, 最近公司, 最方便就腳的位置, D大財團包洒比D 太刻薄, Fuxkwood, 米縮.........搞到茶餐廳啊, 燒味鋪啊, 去到鬼敢遠.

如果我地呢d打工仔, 食飯有無限時間就話姐..........

就算如果依家佢地加到HKD$80一個午餐, 好多人都要頂落去..........

作者: lkkrjkfj 時間: 2012-4-19 12:07

現今社會通貨膨脹
都係果句: 乜都加人工唔加

作者: neku 時間: 2012-4-19 12:24

現在只有大集團/大地產商才會生存的社會, 期CY 會做d 野改變呢個風氣

歡迎光臨香港乒乓網 (http://hkttf.com./)