香港乒乓網 - Powered by Discuz! Board

標題: 買樓前必要做的事 [打印本頁]

作者: stephen1019 時間: 2012-5-23 00:26 標題: 買樓前必要做的事

身邊越來越多朋友結婚，亦越來越多人置業，相信這就是所謂的「市場需求」，同時間，亦收到的求救亦越來越多。當然有些問題，同業主傾下會搞得掂。

不過有個必死的問題，就係簽咗「臨約」先知唔夠錢，跟住屋企人又冇咁多借出嚟，依一下撲水只可以用三個字形容，「領晒野」。

買樓同買菜係兩件事！

好多人以為買樓，同買菜一樣咁簡單，只不過係銀碼大幾十萬倍咁多，只要好似平時落街買菜咁講下價，就會買到荀野，甚至高價入咗間公屋都唔知道。

首先就係要認清楚角色，你會日日去街市阿嬸到買菜，所以阿嬸就算「呃秤」，都唔會太盡，因為佢需要你下一次返去幫襯佢。不過業主或者經紀就唔同啦！假如佢地認定你為用家，即係做一次之後，過幾年都再開唔到單嘅客，佢地當然一次過賺盡你啦！

識玩嘅業主就會獅子開大口咁叫價，而經紀為咗促成交易，係乜都講得出的。

第一次睇樓要小心

試過有兩位朋友Winnie同Ben計劃結婚，第一次去睇樓就出事。經紀慣常咁帶咗佢睇三個盤。一個低層單位叫價290萬、一個中層開揚景叫295萬，另一個高層樓景叫298萬，三個都係約600呎。

睇完低層高層單位後，兩位認為都麻麻，途中經紀大哥當然係到不斷落藥，製造今日唔買樓，聽日就買唔返嘅氣氛。升市時，最常用嘅一招，問你幾多錢人工，你當然會亂咁答佢，加埋3萬到啦！佢就會同你講，咁當你地每個月搵5萬銀，下年加人工10%好唔好，即係一年搵多6萬。再叫你估下樓價上個月到宜家升咗幾多？一間差成20萬呀！

兩位準新人即時緊張到爆。去到最後一個單位嘅時候，準新娘Winnie好驚買唔到樓結婚，而準新郎Ben又冇乜意見，最後佢地就叫個經紀同業主講，可唔可以平5萬，290萬就買啦！依個時候，經紀當然會扮晒野，同佢地話好啦！同時間，另一位經紀就會出現，叫佢地落少少訂，比啲誠意個業主先會受，就算冇支票係身，都冇所謂，去ATM提款先都得。

就係咁兩位就比人夾咗去，拎一萬銀出嚟，然後被洗腦之下，簽咗「臨約」。當晚半夜收到經紀大哥電話，恭喜晒兩位終於成為業主！

買樓錢從何來？

可能因為我地個社會一直強調，年青人儲唔到首期，所以買唔到樓，所以造成咗一個錯覺，就係儲到一成首期，就可以買樓。

請留意！係一成首期，另外九成係銀行借出來的。

原來佢地同經紀一路傾價嘅時候，竟然冇去銀行估過價，更正確啲咁講，佢地竟然唔知要估價。第二日去間大銀行到先知，估價得260萬，同成交價290萬差一截，最後去咗另外幾間銀行到死估爛估都係得275萬。

條數是咁的，275萬借9成，即係銀行最多出247.5萬。

樓價: 290萬

銀行借出: 247.5萬

佢地要比嘅錢: 290萬 - 247.5萬 = 42.5萬(比預期29萬，多13.5萬)

正所謂「禍不單行」，釐印費、佣金、律師費，多謝又多左10萬，又係冇諗過。正係聽過經紀講，做按揭有1%回贈，絕對夠比佣金的。

好彩嘅係，兩位80後有結婚計劃，仲有一啲積蓄，但就係因為依件事，兩位就不斷為婚期鬧教，何苦呢？

買樓前必要做嘅係，唔該請記住打去銀行估價！

撰文：天藍
商業電台 – 2012年5月17日星期四下午6:40
PS: 借九成上會要買按揭保險...同埋印花稅要樓價二百萬以下先係一百蚊....剩係依兩野都已經可以要你十幾二十萬..

[ 本帖最後由 stephen1019 於 2012-7-25 16:19 編輯 ]

作者: pearpang 時間: 2012-5-23 00:59

雖然仲細，但係聽完都小心提防

作者: Manley 時間: 2012-5-23 01:20

不得不讚好留底~!!

作者: stephen1019 時間: 2012-5-23 01:40

我第一層樓就爭小小系甘, 見佢寫得甘到POINT, 所以抄出泥警世一下.

查實人前半生有好多野要試, 如因供樓失預算, 冇餘錢甚至月光族, 半生甚麼都沒有做過, 那麼人生就十分可惜了.

[ 本帖最後由 stephen1019 於 2012-5-23 01:43 編輯 ]

作者: unclejapan 時間: 2012-5-23 01:54

我會幫客人計算使費,仲幫客人做埋估價,有時仲會估凸價,最重要係賣買雙方要公平ma,我最近仲勸業主唔好咁心雄,減d價啦

作者: stephen1019 時間: 2012-5-23 02:30

(unclejapan - 日本叔叔) 是可靠既良心地產從業員,我識左佢十幾年.

[ 本帖最後由 stephen1019 於 2012-7-25 16:21 編輯 ]

作者: 9722 時間: 2012-5-23 06:19

吾該晒

作者: 黑暗武士 時間: 2012-5-23 07:31

計完以上嘅數，恭喜買到樓，跟住仲有燈油火爉，管理費，差餉地租，如果係好舊嘅樓仲要夾錢比維修費用，萬一有咗BB，條數仲襟計，請工人，奶粉、尿片、玩具，萬一BB生病，醫療費用，大小小又話上play group,交稅、交通費、食、上網費........等，這些都是必要支出,所以置業前真係要諗清楚呀!

作者: kei 時間: 2012-5-23 08:47

引用:

原帖由 stephen1019 於 2012-5-23 01:40 發表
我第一層樓就爭小小系甘, 見佢寫得甘到POINT, 所以抄出泥警世一下.

查實人前半生有好多野要試, 如因供樓失預算, 冇餘錢甚至月光族, 半生甚麼都沒有做過, 那麼人生就十分可惜了.

為衣食住行好多野要做,
而令到好多想做既野無得做

又或者, 更甚
為衣食住行好多野要做,
但忙到有咩野想做都唔知
好似行屍走肉

stephen, 對, 是可惜, 是無奈,
但可能這正是這個世代的人生

作者: stephen1019 時間: 2012-5-23 09:40

其實吾識吾糸藉口,為何可惜, 點解無奈. 依家資訊發達,睇完以上文章都去重複悲劇的話.就冇說話好講.其實重大決定前,多D同人溝通,取捨,再決定就DUCK.

人生其實可以完全不一樣,不要過著沒有明天的日子。

[ 本帖最後由 stephen1019 於 2012-7-25 16:22 編輯 ]

作者: laukwok 時間: 2012-5-23 10:09

好料

!!!

作者: alanchan 時間: 2012-5-23 10:31

引用:

原帖由 stephen1019 於 2012-5-23 00:26 發表
身邊越來越多朋友結婚，亦越來越多人置業，相信這就是所謂的「市場需求」，同時間，亦收到的求救亦越來越多。當然有些問題，同業主傾下會搞得掂。

不過有個必死的問題，就係簽咗「臨約」先知唔夠錢，跟住屋 ...

呢個緊係la, 唔去銀行估價的話, 接左炒家的貨, 貴左好多都唔知~~~~

作者: 乒乓在線 時間: 2012-5-23 10:36

大件事必要顧慮多多, 免得要啃上代或問財務借<如無上代靠的>

作者: 反膠王子 時間: 2012-5-23 12:02 標題: 有買貴無買錯

提示: 作者被禁止或刪除內容自動屏蔽

作者: stephen1019 時間: 2012-5-24 11:33

借九成上會要買按揭保險...同埋印花稅要樓價二百萬以下先係一百蚊....剩係依兩野都已經可以要你十幾二十萬...

作者: stephen1019 時間: 2012-5-31 15:14

push.

作者: tommy1111 時間: 2012-6-5 15:40

首次置業, 買居屋比較簡單啲.

作者: waltergor 時間: 2012-6-18 18:34

買樓前有好多嘢要預備架
又要搵按揭仲要估價，一簽臨約就有數要俾，中途行開都要賠償。
建議想買樓的要睇多啲資料，有中肯資料的網站就好D

作者: stephen1019 時間: 2012-7-25 16:14

push

歡迎光臨香港乒乓網 (http://hkttf.com./)