香港乒乓網 - Powered by Discuz! Board

標題: [是非] 黑暗時代--迷失的十年. [打印本頁]

作者: lmichael 時間: 2013-6-29 00:50 標題: 黑暗時代--迷失的十年.

再講多次,幸福唔係必然.

發生了六君子事件之後,香港乒乓球真係跌到一潭死水,由八十年代中後期,到九十年代中後期,可以講係香港乒乓球既黑暗時代,唔好講話青少年選手陪訓,就算成年球員,國援都唔係成日返來打大賽,有幾次,居然要出返廖福民,馬龍生.....

本土賽事更加出好多笑話.

笑話1.
有次全港公開賽,咁所有球員到齊,當準備開賽時,發現.........居然無BOOK場.

於是大家唯有返屋企,乒總話再通知.另外一次,應該是分齡賽,又係到齊人後,發覺,原來......只BOOK了兩張檯.

講出來,可能無人信.有無人經歷過?
笑話2
199X年,應該是93,94年吧,知不是全港公開賽,女子單打組別,有幾多人參加? 係......54個, 仲要其中有十個左右,係旅居香港既日本人,係香港公開賽.......

笑話3
分齡賽第三名,如果有個女仔同你講,佢係分齡賽第三名,你會點諗,應該不錯吧,但當年,其實分齡賽第三,可能唔多識打波,因為女子組,好多組別,可能得幾個人打,贏一場,對個唔多識打,就入四強,最後攞第三.當時大專賽,好幾間院校,真係因為唔夠女隊員,派唔到隊.

笑話4
香港公開賽鬥輸,當時打得好一些既,有時會入到O的大行做,例如中電,地鐵,恆生之類, 因為代表打行際,但係入O左香港公開賽前四,係不能打行際,所以該類選手,打到八強都會輸了,例如.....阿燈. 有次睇八強,佢對左手祖,睇住佢生死局,18:20,咁阿燈發個球過去,我估佢會等人接發後,就拉失,輸埋那一分,點知阿祖食O左,最後一球,阿燈就直接發失算了.當年既香港公開賽,好多勁人都唔打,所以唔係好有代表性

當時香港乒乓球壇真係差到無朋友,可以講係乒乓球既黑暗時代,當時康體局總裁叫葉希活,佢之前都係打乒乓球,佢真係好有心,佢聯絡O左一班熱心既乒乓球人,
大家想辦法,BRAINSTORMING下點樣救乒乓球市,仲請O左我地食O左餐飯,後來就搞O左好幾個地區乒乓球會出來,我都係當時呢段時間......識阿貓叔.

當時大家係度吹水,講邊個總會搞得好? 可以學習下,你地估O下係邊個? 就係.......壁球. 但係現在,乒乓球既全職教練,一定比壁球多. 講多個笑話,當年教練班,係無試板的,我讀
初班既時候,有1/5居然係唔識打乒乓球!!!佢地係體育教師.佢地來學就差唔多,點讀教練班?

咁乒乓球幾時中興呢? 真係你點搞,都唔夠第一代女乒乓球孖寶,陳丹雷同齊寶華攞到成績重要,就因為佢地成績好,恆生就支助乒總,由新一代開始,青苗,精英隊, 乒乓球又慢慢熱起來.所以我
一路都反對O的人話,國援打擊本土選手,因為其實如果無國援,根本就無呢個青少年陪訓既資源,根本就無本土優秀既本土選手出現.都係那一句,幸福唔係必然既.

作者: (=^x^=) 時間: 2013-6-29 01:55

我比人擺左上枱
不過回想起上來真的有接近 20年前
果個球會好似叫觀塘乒乓球會，不過在將軍澳翠林打，后來搬了去彩虹道
后來我要讀書便退出無攪了，而我亦在這時無聲無息的退出了香港乒乓球圈

作者: (=^x^=) 時間: 2013-6-29 01:57

係當時是葉希活，多得雅健黃SIR比机會，是一個難得的經驗
你唔講我都唔記得我攪過球會

作者: lmichael 時間: 2013-6-29 03:02

轉下眼就二十年了.

作者: (=^x^=) 時間: 2013-6-29 05:27

當年我5碎，事隔廿年，而家我25碎

作者: 金擇魚 時間: 2013-6-29 05:47

你講既冇BOOK埸,應該未試過係公開賽發生,區賽既分齡賽就試過,爭冠軍個埸冇預算超時,所以冇埸,攪到要抽冠,亞軍.

作者: lmichael 時間: 2013-6-29 09:38

雖然好難令人致信,但我肯定係乒總比賽,應該有人記得.搞錯了, 只BOOK兩張檯既,係乒總搞既分齡賽.無BOOK檯既,應該係香港公開賽,但我唔記得係單打定團體, 而且係完完全全無BOOK場,地點係歌街,時間應該係95年前,呢幾年之一.我問過搞手,佢話唔關佢地事,係場館佢地搞錯了. 六十後球手,應該會有印像

[ 本帖最後由 lmichael 於 2013-6-29 09:42 編輯 ]

作者: 金擇魚 時間: 2013-6-29 23:36

引用:

原帖由 lmichael 於 2013-6-29 09:38 發表
雖然好難令人致信,但我肯定係乒總比賽,應該有人記得.搞錯了, 只BOOK兩張檯既,係乒總搞既分齡賽.無BOOK檯既,應該係香港公開賽,但我唔記得係單打定團體, 而且係完完全全無BOOK場,地點係歌街,時間應該係95年前,呢幾年之 ...

95年前哥街都未起好,冇記錯既話,係95年取消左初,中, 高,團體賽,95年開始係哥街打,好似由九十幾,定唔記幾多十隊,打剩頭12隊為甲組,13至24為乙組,96年開始分甲,乙組,都未有丙組.

[ 本帖最後由金擇魚於 2013-6-29 23:44 編輯 ]

作者: bond 時間: 2013-6-30 00:08

Thanks for sharing, 我對於一些歷史性質的資料感興趣

作者: lmichael 時間: 2013-6-30 00:14

引用:

原帖由 金擇魚 於 2013-6-29 23:36 發表

95年前哥街都未起好,冇記錯既話,係95年取消左初,中, 高,團體賽,95年開始係哥街打,好似由九十幾,定唔記幾多十隊,打剩頭12隊為甲組,13至24為乙組,96年開始分甲,乙組,都未有丙組.

團體一向有分高,中,初團體賽,現在叫甲,乙,丙,其實分別唔大, 單打分別就大,以前係無分組別, 係單淘汰,一個大組打, 上界前16就係種子,唔駛打初賽.

無BOOK場事件,係發生係歌街好早期,應該係頭一,兩年發生,因為之前,即在其他體育館打.

作者: 金擇魚 時間: 2013-6-30 00:37

引用:

原帖由 lmichael 於 2013-6-30 00:14 發表

團體一向有分高,中,初團體賽,現在叫甲,乙,丙,其實分別唔大, 單打分別就大,以前係無分組別, 係單淘汰,一個大組打, 上界前16就係種子,唔駛打初賽.

無BOOK場事件,係發生係歌街好早期,應該係頭一,兩年發生,因為之 ...

分別在升降制度,所以第一年只決出12隊,係預留比乙組升上黎,96年開始打晒所有名次,以前高,中,初團體賽係可以向上打,即任何人都可以打高團,(所以果時高團出現好多強弱懸殊既比賽),但高團四強唔可以打中,初團體賽.果時未有電腦積分,而係粗略咁計,高團第一有六分,第二有五分,第三有四分,就算未出過埸,有名就有分.

[ 本帖最後由金擇魚於 2013-6-30 00:49 編輯 ]

作者: 金擇魚 時間: 2013-6-30 00:45

咁有冇人知港隊第一次省港澳比賽輸比澳門係幾時?點解輸?點解無啦啦多左排名賽?

作者: lmichael 時間: 2013-6-30 00:58

引用:

原帖由 金擇魚 於 2013-6-30 00:45 發表
咁有冇人知港隊第一次省港澳比賽輸比澳門係幾時?點解輸?點解無啦啦多左排名賽?

我記得省港澳好似分青年組同成人組,係唔係? 不如你講下啦.

作者: lmichael 時間: 2013-6-30 01:03

引用:

原帖由 金擇魚 於 2013-6-30 00:37 發表

分別在升降制度,所以第一年只決出12隊,係預留比乙組升上黎,96年開始打晒所有名次,以前高,中,初團體賽係可以向上打,即任何人都可以打高團,(所以果時高團出現好多強弱懸殊既比賽),但高團四強唔可以打中,初團體賽.果時 ...

現在唔得咩?要甲組球員先至可以打甲團咩?我記得初,中,高團,當年係以有分球員計,初團好似唔可以有分,中團可以有X分, 而高團就無限際. 其實現在點分, 我反而唔清楚. 因為無留意了,我見好多乙組球員都打丙組團體.

作者: charmway 時間: 2013-7-4 10:48

陳丹雷好似是香港人
在黑暗時代都打得出頭, 唔明

作者: kitkit003 時間: 2013-7-4 10:56

引用:

原帖由 金擇魚 於 2013-6-29 23:36 發表

95年前哥街都未起好,冇記錯既話,係95年取消左初,中, 高,團體賽,95年開始係哥街打,好似由九十幾,定唔記幾多十隊,打剩頭12隊為甲組,13至24為乙組,96年開始分甲,乙組,都未有丙組.

fish....1998當年我地甲團我地入八強...對林X痕...陳X明..X滿

作者: lmichael 時間: 2013-7-5 00:11

引用:

原帖由 charmway 於 2013-7-4 10:48 發表
陳丹雷好似是香港人
在黑暗時代都打得出頭, 唔明

陳丹蕾緊係不是啦,佢好似係原北京隊.只係佢講廣東話幾好,後來係上市公司主席啦.

作者: 金擇魚 時間: 2013-7-5 02:00

陳丹蕾91年世乒賽女單第三,93年孖寶陳丹蕾同齊寶華世乒賽女雙第三,佢地既成績,只係加強左乒總引入更多國援既決心,乒乓球中興唔係靠佢地,果時男隊青黃不接,王耀榮又未退得晒,盧傳松,陳光華長期係外地打俱樂部,班港青又羽翼未長,(肥仔,阿基,阿林果D)95年開始引入梁柱恩,容度朗,之後張鈺,林挺,跟住李靜,高禮澤,唐鵬,江天一,女隊係陳丹蕾同齊寶華,之後就柳絮飛,桑亞嬋,王晶,跟住帖阿娜,林菱,張瑞,姜華珺,乒總向來分得好清楚,國援係要黎打國際大賽既,閞頭都有留番個(買水位OR MOVIE 位)比本土球員,(係D初賽或次一級既比賽),後來就要攞成績,就只出國援.而家本土球員有得打國際賽,真係要多謝南韓.

作者: samson2012717 時間: 2013-7-5 14:48

引用:

原帖由 金擇魚 於 2013-7-5 02:00 發表
陳丹蕾91年世乒賽女單第三,93年孖寶陳丹蕾同齊寶華世乒賽女雙第三,佢地既成績,只係加強左乒總引入更多國援既決心,乒乓球中興唔係靠佢地,果時男隊青黃不接,王耀榮又未退得晒,盧傳松,陳光華長期係外地打俱樂部,班港青又 ...

關南韓乜事

作者: lmichael 時間: 2013-7-5 21:40

引用:

原帖由 金擇魚 於 2013-7-5 02:00 發表
陳丹蕾91年世乒賽女單第三,93年孖寶陳丹蕾同齊寶華世乒賽女雙第三,佢地既成績,只係加強左乒總引入更多國援既決心,乒乓球中興唔係靠佢地,果時男隊青黃不接,王耀榮又未退得晒,盧傳松,陳光華長期係外地打俱樂部,班港青又 ...

咁恆生幾時開始贊助乒總?

點解突然贊助乒乓球? 呢個真係分水嶺. 另外你可能唔知,陳丹蕾同財經界關係,係出奇地好.肥仔,基仔O個段時間,簡直係乒乓球既黑暗時代......,肥仔攞過全港冠軍.....(我無眨意),但係現在排到去邊?

作者: (=^x^=) 時間: 2013-7-9 15:31

邊個是肥仔？？

作者: TWKJOE 時間: 2013-7-9 16:15

想當年，想當然。往事不堪回首。
向前看，朝理想，達致成功目標。

作者: 金擇魚 時間: 2013-7-13 22:41

引用:

原帖由 Uncle Mao 於 2013-7-9 15:31 發表
邊個是肥仔？？

又問邊個?係肥沃潮,98年佢攞第二,佢決賽對肥叔叔個仔,(家駿),肥仔打到抽筋都冇放棄.肥仔最勁果次係省港澳(青少年)WIN阿柱.

作者: gattfry 時間: 2013-7-13 23:28

當年另外有第個肥仔都好勁

作者: (=^x^=) 時間: 2014-7-24 07:27

作者: cheungwahlee 時間: 2014-7-24 10:10

作者: gattfry 時間: 2014-7-24 10:54

當年另外有第個肥仔, 好高大好肥, 當年係好細個十鯪歲, 同齊寶華一樣打倒板, 嬴左好多人, 大家記唔記得係邊個?

歡迎光臨香港乒乓網 (http://hkttf.com./)