香港乒乓網 - Powered by Discuz! Board

標題: 香港乒乓球運動未來既挑戰 [打印本頁]

作者: lmichael 時間: 2013-6-29 23:56 標題: 香港乒乓球運動未來既挑戰

講O左歷史咁耐,其實點解講咁多? 因為我只係想話比大家聽,幸福唔係必然,香港乒乓球可以養咁多全職教練,唔係必然O架.只係十年,十年前乒乓球做全職教練真係數得出. 咁未來十年呢?其實未來香港乒乓球既挑戰更重要,無人保證乒乓球會長久興盛下去,過去十年,可以講係香港乒乓球歷來,最興旺既時期.

香港乒乓球,最大既挑戰,其實係其他運動既競爭. 其實香港出生既兒童,每年就係咁多,過去十年,可以十個玩運動既兒童,有3,4個可能去學乒乓球. 但近年,已經有下跌既趨勢. 現在越來越多去學羽毛球, 又有人走去踩單車, 其實有時運動好現實,就係邊樣運動成績好,就多人送仔女去學. 近年國際乒聯改例, 唔可以再有國援, 香港隊已經無以前咁易出成績,如此下去,會否比羽毛球同單車搶走學員?

香港乒乓球運動既發展策略,乒總真係要諗清楚.

作者: 金擇魚 時間: 2013-6-30 02:01

廣東幫已經日益壯大,以前就話有印尼幫阻住晒,而家人腳齊全,攪乜都得啦.

作者: Creamy 時間: 2013-6-30 10:43

其實香港隊平日認真d練波~~~
唔好成日覺得自己好勁就成日hea打
成績應該會好d ge

作者: Edward_Chan 時間: 2013-6-30 10:46

我反而覺得問題係好多小朋友寧願踢波，打藍球多過打乒乓球
始終近年英超, NBA商業化好成功，連街市阿叔阿婆都識少少球隊 + 球星名
報紙又一面倒大字標題佢地分析足/藍球比賽
乒乓球依方面真係爭好遠

作者: Creamy 時間: 2013-6-30 11:16

唉~~~ 乒乓波吖

作者: kelvinyaar 時間: 2013-6-30 12:07

而轉波又改例

作者: lmichael 時間: 2013-7-2 15:35

香港乒乓球青少年既成績,其實唔差得過單車同羽毛球. 如果唔科學,例如足球, 就應該由青少賽就應該無成績........

作者: lmichael 時間: 2013-7-2 15:36

引用:

原帖由 Edward_Chan 於 2013-6-30 10:46 發表
我反而覺得問題係好多小朋友寧願踢波，打藍球多過打乒乓球
始終近年英超, NBA商業化好成功，連街市阿叔阿婆都識少少球隊 + 球星名
報紙又一面倒大字標題佢地分析足/藍球比賽
乒乓球依方面真係爭好遠

但家長肯比錢去請教練, 我想乒乓球比足球,藍球多.

作者: 火鳥號 時間: 2013-7-2 17:11

乒乓球優勢仍有
1.足球及籃球是團體運動，就算自己得都要隊友得先有名譽，除非細路超喜歡及
或者超有天份，否則一般家長都唔會首推細路學呢d。
2.香港肥仔多，羽毛球要大量走動，又要有番咁上下身高，細路一般唔願學。
3乒乓球花費比其他運動少，我相信教練人工中，單人最平一定是乒乓球教練，這樣家長有$比細路學多1,2樣。

香港隊成績最大挑戰反而不是日韓台，因為呢d輪單打其實已明顯被比下去，香港優勢在於雙打及團體，日後禁左國援，國援出路只有去其他地方教波，相信過多幾年連星馬泰可以同香港爭一日長短。

作者: lmichael 時間: 2013-7-5 00:14

引用:

原帖由 willhunting000 於 2013-7-2 17:10 發表

作為一個足球教練，我仔細分析一下！第一，足球同乒乓球唔同，足球係高身體對抗性既活動而乒乓球不是！足球你要得到好成績，你必然要有一班好隊友！就算你個人能力好高而其他隊友水平低的話，一定唔會有好成績！第 ...

因為英超足球搵到錢,係香港運動根本搵唔到錢, 家長唔係以錢既回報去睇, 佢地首先係想攞威,其次係用入名校. 足球難過乒乓球呀......

歡迎光臨香港乒乓網 (http://hkttf.com./)