香港乒乓網 - Powered by Discuz! Board

標題: 怎樣推動香港運動員打削球？ [打印本頁]

作者: (=^x^=) 時間: 2014-1-6 12:37 標題: 怎樣推動香港運動員打削球？

最近青苗選拔削球球員，聽聞很難選材
的而且確香港实在缺少削球運動員及直板球員，以致在對外比賽有時會吃虧，因為平時根本無机會練。
過去兩年我們到國內向陽杯比賽，團体中必須一名直板球員，有時可笑是其实他們可能不懂打直板，但為滿足比賽要求，橫板當直板，但事实上男子團体中國一直都是一直兩橫的組合居多，不會清一色是直，也不會清一色是橫。

究竟怎樣才可以推動削球在香港乒壇的發展，各位有什麼良策？

作者: KKFan 時間: 2014-1-6 13:32

1.論譠開一些削球對拉球球局
2·乒總辦多些削球的表演及推擴活動,增加市民的認識及興趣

作者: ivan2028 時間: 2014-1-6 13:49

我打直板，兒子剛學打波我當然買直板同他玩，但當他出去學打波時，教練認為橫板比直板好所以我個仔咪學橫板，講到這裡，大家都應該知重點了

是教練，很多小朋友及父母在最初接觸乒乓球時，打咩都無所謂，教練教咩學咩。

作者: 野原新之助~ 時間: 2014-1-6 14:15

係香港發展削球比較難..
第一方面係選材, 其本上打削球要求身體比較高既小朋友,因為有利於大範圍走動. 職業球員可望望朱世赫,侯英超,劉燚.當然,身子不高, 都可以打,但相對辛苦. 我發覺近5年,香港小朋友一直都唔係太高,所以身高選材方面已出問題.

第二方面係要夠刻苦, 因為我都曾經練過削球幾個月,聽大陸某教練講及網上搵過資料. 練削球本身就要練兩個人既技術.首先要練好正手反手反膠基本功,拉波之後, 再開始練削球. 係現金社會,個個教家都急於出成績既前提下,已經有好多人放棄. 再加上要練好兩個人既技術,唔係一個星期練二,三日就可以. 練得多,金錢用得多, 練得少,就無效果.另外現金香港既青少年,大多都比較懶,削球要求全方位走動,自然體能要求比反膠更要強, 但有幾多個小朋友會自動自覺去跑步,會自己做下體能呢?

第三方面,打削球要有靈氣, 削球本身係一個多變既打法, 係中國,教練會去到小學選材, 而香港呢? 根本唔會有呢個可能.
打削球本身,唔係要削到個波有幾轉,而係可以控制到削有轉,無轉,而先係成功. 本人曾經係全國大學生賽對過兩個省隊削球手.俾既感覺就係,你唔攻既時候,佢可以攻死你,你攻既時候,佢可以削死你. 基本功之扎實,可想而知.

另外, 削球打得好,基本上係香港立足問題不大,但如果要為左更快上港青而打削球既..我覺得呢個概念要改改...
最重要一點,係打削球需要好多比賽,因為要去感受唔同人既節奏同速度,但如果真係選上港青,係入面同隊友打熟了,選拔既時候無晒優勢,咁如何可以出去打更多比賽?

以上是本人觀點, 不喜勿噴, 本人亦有訓練削球手. 希望大家多作交流.

作者: 野原新之助~ 時間: 2014-1-6 14:33

其實現階段,我反而覺得直板同削球都應該陪養多一點.

作者: tomcat 時間: 2014-1-6 17:34

簡單啦....

打削球的名校優先取錄....

呢個係最有效的推動力

[ 本帖最後由 tomcat 於 2014-1-6 17:38 編輯 ]

作者: tomcat 時間: 2014-1-6 17:41

引用:

原帖由 野原新之助~ 於 2014-1-6 14:15 發表
係香港發展削球比較難..
第一方面係選材, 其本上打削球要求身體比較高既小朋友,因為有利於大範圍走動. 職業球員可望望朱世赫,侯英超,劉燚.當然,身子不高, 都可以打,但相對辛苦. 我發覺近5年,香港小朋友一直都唔係太 ...

同意!

投入大,成才難.
大陸都做唔到.

作者: cgwc 時間: 2014-1-6 18:41

引用:

原帖由 (=^x^=) 於 2014-1-6 12:37 發表
最近青苗選拔削球球員，聽聞很難選材
的而且確香港实在缺少削球運動員及直板球員，以致在對外比賽有時會吃虧，因為平時根本無机會練。
過去兩年我們到國內向陽杯比賽，團体中必須一名直板球員，有時可笑是其 ...

其實呢方面唔一定由小學生開始的，可由中學生或大學生開始先都得，他們身材較好及完善，據我所知，日本的削球手都係半職業，自己由公司內部賽打起…佢而家都係廿八歲…

作者: (=^x^=) 時間: 2014-1-6 19:17

妙想天開的唸
如果乒總的青少年團體賽強制三個人之中有一個直板或長膠或削球，咁行唔行得通呢？

作者: KKFan 時間: 2014-1-6 19:23 標題: 回復 9# 的帖子

好建議，乒總話事，家長又會想多-條路，如果乒總唔咁做，家長就唔會做

作者: 葉師傅 時間: 2014-1-6 20:59

首先要要從球員出路及球隊訓練架構著手 . 建議乒總: 首先搞多d削球訓練班做推廣 . 跟住從青苗、精英隊以致港青訓練,特別留些位給判球手從特別途徑加入 . 咁就會吸引多些適合削球的球員去訓練削球技術,而隊內的訓練亦會更加全面,而成績亦會大大改善 . 這都係參考我國的訓練體制所得的有效建議 .

[ 本帖最後由葉師傅於 2014-1-6 21:02 編輯 ]

作者: (=^x^=) 時間: 2014-1-6 21:27

如果有多點削球訓練班
我想總會有出路
削球的確動作好優美

作者: mun1 時間: 2014-1-6 22:02

扯開少少話題講,直板又真係少佐好多人打
最起碼我收塊直板都要等幾個月先.....
而且買板個陣好多都冇直板,人都灰埋
而且直板比橫板貴幾百蚊......

作者: friendlybrother 時間: 2014-1-24 01:02 標題: 回復 1# 的帖子

現代乒乓球趨勢，就算是削球打法，也必須要有良好的突擊進攻技術，是攻守兼備，而不是像從前傳統的齋削球防守。因此，削球打法應該正名為攻守兼備打法，而不是防守型打法。

要陪養一位成功的上述打法球員，最困難之處並不是學習削球的技術，而是要兼備的技術比較進攻打法更多。除了練削球，還要練反攻的弧圈球及扣殺。每天只有24小時可用，當你要比別人多練一項削球技術，你練習每項技術的時間分配就會比較低，就不及別人練得那樣精。

傳統的削球防守打法，通常都是反手配長膠，正手配反膠，反手只能運用長膠，近台拱球，遠台削球，正手反膠能削能拉。但是，若果你一成不變，高水平的對手很快便會適應這個單調組合的變化，你就打不出成績來。若果想變化多一點，反手要懂快速倒板，不單止能用長膠削，也能轉用反膠拉反手弧圈球及彈擊，台內球甚至可以用反膠擰拉及挑打，這樣就能變化多端了，對手就極難適應。

可是，要練到周身刀，恐怕並不容易練得好，隨時會無張利！你話啦，要練咁多技術，是否難為香港的小孩子呢？唔使溫書呀？因此，要陪養一位削球攻守兼備打法的球員，難度要比較陪養一位全進攻打法的球員。

香港是一個著重成本效益的地方，假設大家都投放相同的時間去訓練球員，由於削球攻守兼備打法需要較多時間去練習多些技術，包括：削、拱、倒板。成材時間比較長，正所謂大器晚成，在青少年時期，往往技術還未練到爐火純清階段，比賽中未能反映訓練成果，無良好比賽成績，根本無專業球隊肯收留你或政府資助你這位無成績的球員。

就算有球隊肯收留你，這類打法的球員往往淪為進攻型打法球員的陪練或打表演賽的次要角色，你會咁心嗎？

再加上乒乓球例朝令夕改，隨時會把辛苦的訓練成果化為烏有，你願意冒這個險，鼓勵小孩練這個打法嗎？

若果大家打乒乓球的目標純粹是業餘自娛性質，你想練甚麼類型打法都可以。

作者: 逍遙子 時間: 2016-12-15 15:24

引用:

原帖由 野原新之助~ 於 2014-1-6 14:15 發表
係香港發展削球比較難..
第一方面係選材, 其本上打削球要求身體比較高既小朋友,因為有利於大範圍走動. 職業球員可望望朱世赫,侯英超,劉燚.當然,身子不高, 都可以打,但相對辛苦. 我發覺近5年,香港小朋友一直都唔係太 ...

仲有，香港太少專門教削球，尤是是打削球出身的教練，所以削球在香港太少了

作者: friendlybrother 時間: 2016-12-15 23:00

引用:

原帖由 逍遙子 於 2016-12-15 03:24 PM 發表

仲有，香港太少專門教削球，尤是是打削球出身的教練，所以削球在香港太少了

唔只香港，在大陸都係遇到相同問題，你上深圳找教練，最多選擇係橫拍反膠兩面弧圈打法，想找削球真係難。

作者: egghead1969 時間: 2016-12-15 23:30

引用:

原帖由 逍遙子 於 2016-12-15 15:24 發表

仲有，香港太少專門教削球，尤是是打削球出身的教練，所以削球在香港太少了

咁得意，我咁少轉教練，都撞到兩位香港來既主打削球出身的教練

作者: Georgett 時間: 2016-12-15 23:39 標題: 回復 18# 的帖子

你撞岩啫

作者: 直直地 時間: 2016-12-16 08:21

不如論壇搞的削球訓練班啦。
我lum 好多人會報名。

其實論壇gum多資源，可以搞好多活動。
行下山，食下飯，party。。。
應該好多人會參加。

好多退休高手，現役球員，都可以出黎做分享。
因為好多新手都唔捨得比幾百蚊個鐘搵專業教練去學打波。

搞下交流會，高手們 share 下技術，器材，或點樣會打好d，有波打，有野學。。。直板橫版粒仔削球，大把野可以玩。。。

無數量，根本談不上質量。
現在不是在於如何提高削球直板質量的時候。
現在是要增加直板削球的數量，有了數量，先有資格講，質量。

[ 本帖最後由直直地於 2016-12-16 10:08 編輯 ]

作者: 逍遙子 時間: 2016-12-16 12:46

引用:

原帖由 egghead1969 於 2016-12-15 23:30 發表

咁得意，我咁少轉教練，都撞到兩位香港來既主打削球出身的教練

事關真正會教削球的教練只有10個以下

作者: ruud 時間: 2016-12-16 13:17

提示: 作者被禁止或刪除內容自動屏蔽

作者: egghead1969 時間: 2016-12-17 05:29

引用:

原帖由 逍遙子 於 2016-12-15 15:24 發表

仲有，香港太少專門教削球，尤是是打削球出身的教練，所以削球在香港太少了

我位教練講過，你打一個波咁練削球，係練唔出好野，咁用多球練削球套路係好傷教練 (可能唔想用發球機

)，咁練幾次，個學生見輸多贏少，就唔打削球，浪費教練心機，教練見得多，當然唔教

作者: 逍遙子 時間: 2016-12-20 18:42

引用:

原帖由 egghead1969 於 2016-12-17 05:29 發表

我位教練講過，你打一個波咁練削球，係練唔出好野，咁用多球練削球套路係好傷教練 (可能唔想用發球機 )，咁練幾次，個學生見輸多贏少，就唔打削球，浪費教練心機，教練見得多，當然唔教

唔係唔教，應該話唔識教，係香港裡大部分的教練以為看過幾次朱世赫和武揚，就以為自己會教，所以現在有一些練削球的小孩打球節奏和發力全錯，所以在香港青少年優秀的削球太少了

作者: 逍遙子 時間: 2016-12-20 23:26

引用:

原帖由 (=^x^=) 於 2014-1-6 12:37 發表
最近青苗選拔削球球員，聽聞很難選材
的而且確香港实在缺少削球運動員及直板球員，以致在對外比賽有時會吃虧，因為平時根本無机會練。
過去兩年我們到國內向陽杯比賽，團体中必須一名直板球員，有時可笑是其 ...

唔係和，最近聽聞順利邨既青苗出左很多削球學生，仲有2個好似學界攞左獎，仲要係個女教練帶出來既，聽講嗰個女教練係專業隊出身，所以，如果香港多幾個好似順利邨嗰個女教練，已經可以推動削波啦

作者: 逍遙子 時間: 2016-12-20 23:44

引用:

原帖由 夜魔俠 於 2016-12-20 23:33 發表

係唔係劉海麗

係咩？我唔知啊。我聽點fd講嗰個女教練係咪外省嚟咖？

作者: 逍遙子 時間: 2016-12-20 23:54

引用:

原帖由 夜魔俠 於 2016-12-20 23:47 發表
劉海麗前廣西省隊成員，曾獲全國青少年比賽女子單打亞軍

哦！原本係咁！失敬失敬！有機會找她學下嘢先

歡迎光臨香港乒乓網 (http://hkttf.com./)