香港乒乓網 - Powered by Discuz! Board

標題: 我想十年內都唔會有國家, 乒乓球超越中國. [打印本頁]

作者: lmichael 時間: 2014-1-24 10:51 標題: 我想十年內都唔會有國家, 乒乓球超越中國.

之前見到有文章講, 中國乒乓球稱霸世界既原因. 其實原因在於年青人材既選拔,我想大家仲記得自己讀中,小學時, 一般運動出色既同學, 都係幾樣運動都出色, 即係通常足球係佢, 藍球又係佢, 乒乓球都係佢, 陸運會都玩埋. 運動天份係天生, 而通常係同反應,身體協調,動筋靈活有關, 而有這些特點既, 幾乎大部份運動都有出色表現.

在巴西,英國,德國,如果你兒子表現出在運動上有天份, 打乒乓球同足球,你會點選? 咁緊係踢足球啦.
在美國, 如果係兒子,藍球,乒乓球都表現出天份, 咁又點, 緊係打籃球啦!!
在日本, 如果係棒球同乒乓球都表現出天份, 咁.....呢個有機會選乒乓球(因為福原愛賺到錢)

其實全世界, 幾乎得中國係把最有天份既運動少年, 放入乒乓球系統, 張繼科就係本來可以選踢足球, 但最後選乒乓球,我想如果係歐洲或南美, 一定比人話傻既, 但係中國, 就變得好合理. 仲加埋國家性既技術研究, 我想十年內都唔會第二個國家贏到中國.

作者: rxzzzvga 時間: 2014-1-24 11:24

唔太同意係叻就樣樣都勁

作者: 乒乓在線 時間: 2014-1-24 11:39

雀得要實務點, 天份是用來氹細路有心機些練習的....... 明星主要後天, 人為, 加點命運安排, 加點勞碌和'符碌'而成.

作者: Baukaw 時間: 2014-1-24 13:47

國人多，全民皆乒，故成绩亦佳。
ittf咁鐘意改例。十年，乒壇有幾個十年。

作者: 速鳥 時間: 2014-1-24 14:39

香港就可以超越中國！

作者: nwa10 時間: 2014-1-24 15:02

多點競爭好,成日都是中國贏晒,唔好睇

但想歐洲出個直拍橫打球員睇下

作者: 葉師傅 時間: 2014-1-24 16:06

講到天份,我曾睇過頭文字第4部內東堂會社長講過「所謂駕駛天份只係有用少d時間就可以做到高超技術既人,而唔洗點樣努力就可以做到既就一個都冇 . 」唔知乒乓球球運動,又係唔係咁呢 ?!

[ 本帖最後由葉師傅於 2014-1-24 17:39 編輯 ]

作者: kennethkam 時間: 2014-1-24 17:25 標題: 回復 2# 的帖子

話說洛賓除左踢波，短跑、跳高、網球都曾經可以選擇入荷蘭既代表隊

作者: (=^x^=) 時間: 2014-1-24 17:59

我同意
我有朋友在中學大學都是游水打波長跑及足球校隊
以前有一個新一代亞軍好有天份，結果入了足球港青
另一小朋友本來是武術港青，相信不久將來必入乒乓港青，实力可能是2000年三甲內，甚至可與張彥陶爭一日的長短，只是起步遲，不過今年在丙組一定大放光彩，一鳴驚人，若連心理質素都過關，超越黃振庭也指日可待，這便是天份

相反有些小朋友日練夜練若無天份要滴水穿石真是要等十年八載

另一港產女天才是xxx 聰心 EQ 高練不多但水平在同年及大三年內也難有對手，很可能成為香港福源愛人靚波勁！

香港不欠有天份小朋友
也不欠出色教練
錢更不愁
唯一欠缺是當你技越高想找對手越難
畢竟香港小朋友不是全職
到你15歲才能全職對手已成為樊掁東

所以12歲以下小朋友香港並不差（以真实年齡計）
不過一過12香港很多小朋友放棄打波，以致對手少了
暫時唯一解決可能是多找兼職陪練及對外交流

作者: ivan2028 時間: 2014-1-24 18:29

運動真係要講天份，後天補助當然可以到達一定水平，反應及手腳協調真係無得講，你眼唔夠快手就唔到，好似味覺一樣，食唔出那味道就係食唔出。

作者: cgwc 時間: 2014-1-24 23:05

同意樓主1所講的經濟學上的comparative advantage. 不明可問經濟學老師或上網查閱。至於貓哥所講的部分同意及部分不同意, 我以為好多時香港的小朋友去到頂峰時缺乏練習對手及支援, 好多時都要週遊列國練習及打比賽, 部分過了十二歲唔打的原因可能覺得悶或如果要再進一步的時候要花更多時間練習及比賽, 有幾多個家長或學生願意做??? 而最重要的係我們的教練團缺乏獨立性及創意性, 你們可以看中國, 德國, 日本, 韓國等都有佢地獨特性的打法及研法。

作者: lmichael 時間: 2014-1-27 17:30

引用:

原帖由 (=^x^=) 於 2014-1-24 17:59 發表
我同意
我有朋友在中學大學都是游水打波長跑及足球校隊
以前有一個新一代亞軍好有天份，結果入了足球港青
另一小朋友本來是武術港青，相信不久將來必入乒乓港青，实力可能是2000年三甲內，甚至可與張彥陶爭 ...

香港少年選手, 我都講, 唔係無錢, 而係太有錢

老實講, 例如閣下, 如果你個仔, 過多五年, 開始攞唔到冠軍, 進步又唔係太大, 你會點? 都係比心機讀書啦.或者盡力打啦,遲o的唔打, 送你去外國讀書.

係大陸, 根本就只有一個答案, 如何可以成為冠軍. 有首歌,叫鳥人, 唱盡呢個心態, 只有飛,或者跌死. 這就是法則.

http://www.youtube.com/watch?v=-Z8mwQ1yE8k

要打出頭, 就要有呢個心態.

歡迎光臨香港乒乓網 (http://hkttf.com./)