標題: 練波多是否等如好？ [打印本頁]

---

作者: (=^x^=)    時間: 2015-11-3 16:44     標題: 練波多是否等如好？

1) 練波多是否等如好？

2) 私鐘好 定團隊訓練好？

3) 少精�港青�青苗�精英.....有否價值？



無答案，只供交流討論

---

作者: brian1115    時間: 2015-11-3 17:11

我自己練完波有時仲差左，手感模糊左

---

作者: hoiwong9    時間: 2015-11-3 17:31

練得多未必好，都要睇下個教練有無心教同埋學生上堂時有無認真學。

除非上到高水平，如果唔係高水平私鐘會好d

都有一定存在價值

---

作者: hungwahsun    時間: 2015-11-3 20:18

1.每個人体力,對乒乓球熱愛程度都不同,點先係多很難衡量.如果多到超出身体負荷受傷,或心理上出現负面情緒就不好了,"過尤不及".
2.一個有料,有責任的教練,可依學生的客觀條件因材施教,應該會比團隊訓練优胜.
3.私人教練不是每個學生可承擔得起,多D渠道給有興趣的學生選擇,對乒乓球運動的發展肯定有好處,絕對有价值.

---

作者: Alpha    時間: 2015-11-3 20:53

---

作者: 金擇魚    時間: 2015-11-3 23:35

我覺得唔練對我唔好.

---

作者: friendlybrother    時間: 2015-11-3 23:47     標題: 回復 1# 的帖子

練波和進食的道理一樣，都是求適中，而不是越多越好，吃得太多，壞肚皮，練波過多，傷患過多。

進食求營養均衡，才能有好的身體，練波也是求均衡，一位優秀的教練，應該指導球員有均衡的長遠技術發展，配合球員的需要。

---

作者: 速鳥    時間: 2015-11-4 09:52

引用:

原帖由 (=^x^=) 於 2015-11-3 16:44 發表
1) 練波多是否等如好？2) 私鐘好 定團隊訓練好？3) 少精�港青�青苗�精英.....有否價值？

『贏』的代價就是輸，輸得起表示掌握到贏的方法，可以是教練改進打法，可以是球員技術成長；但要穩贏，就要加上『持之以恆』。
少精�港青�青苗�精英，當然有價值，球員技術成長的其中一個指標；私鐘好，定團隊訓練好，兩樣都雖要；多練球就最重要 ，因為『持之以恆』，愚公移山，大路就在前。

---

作者: egghead1969    時間: 2015-11-4 11:13

一) 練得其法先有用同進步；亂咁來練，只會越練，越差。
二)咪玩呀，同一樣野私鐘同團隊教既野都唔同；你有心學，就一定係私鐘加團隊咁上，用團隊訓練來練習嘛，私鐘咁貴
三)有好過冇，起碼可多同高手打下波

---

作者: 乒乓在線    時間: 2015-11-4 11:50

覺得有練有個慣性好, 但練太多對其他事情不好

---

作者: joshualee    時間: 2015-11-4 11:53

引用:

原帖由 (=^x^=) 於 2015-11-3 16:44 發表
1) 練波多是否等如好？

要先定義幾多時間為算多，有些人覺得10小時/星期叫做多，有些人就覺得20小時/星期叫做多，好難講．

另外，有ｄ情況練多ｄ可能會好ｄ，譬如練4小時/星期好過2小時/星期.
但練24小時/星期就未必好過22小時/星期.

---

作者: lmichael    時間: 2015-11-4 12:18

其實練波, 緊係練得多好啦, 但問題係, 練波既質量係好重要, 咩要質量? 其實....首一個字質. 好多人搵教練, 都係得一個字......量, 大家都只係講一個星期幾多個鐘, 幾多小時. 你練100個鐘既推, 佢練150個鐘....., 其實呢個對比賽既用處, 真係唔一定大, 所以好多人都迷網左.

咩叫做質? 質.....係同教練好有關係, 好既教練, 一路跟到隊員大, 教練會針對隊員既重點去練, 簡單地講, 取分手段, 再加強訓練, 弱點地方, 加強改善, 如果係針對呢兩點, 練得多, 係一定有用. 但問題係, 如果個教練無心, 又或者成日換教練, 佢都唔知你弱點係邊, 特別係只打私鐘, 都唔知你弱點同得分手段, 我見好多, 練來練去都係正手攻球, 反手, 再練步, 其實已經練到好熟, 但係有D弱點波, 好多時反而無練到. 好簡單, 有幾多人, 真係會比1,2個鐘齋練發球, 又花一兩個鐘練不同的接發球?

練波既質......係放先個量架......

---

作者: joshualee    時間: 2015-11-4 13:04

引用:

原帖由 lmichael 於 2015-11-4 12:18 發表
其實練波, 緊係練得多好啦, 但問題係, 練波既質量係好重要, 咩要質量? 其實....首一個字質. 好多人搵教練, 都係得一個字......量, 大家都只係講一個星期幾多個鐘, 幾多小時. 你練100個鐘既推, 佢練150個鐘....., 其實 ...

明白,練波的質量真係好重要,但好多人都未必請得起私人教練,如果冇私人教練的話,有冇辦法加強練波的質量?

---

作者: KKFan    時間: 2015-11-4 13:17

我覺得應該各C各法,打到好成績就是好方法,只要大家認為自己方法正確,那怕失敗......去吧,這才是精彩嘅人生

[ 本帖最後由 KKFan 於 2015-11-4 13:19 編輯 ]

---

作者: lmichael    時間: 2015-11-4 14:51

引用:

原帖由 joshualee 於 2015-11-4 13:04 發表


明白,練波的質量真係好重要,但好多人都未必請得起私人教練,如果冇私人教練的話,有冇辦法加強練波的質量?

其實隊友都好重要,無錢請教練,隊友可以互練,其實係學界,好多時一間中學,係同一段時間係湧現多過出色球手,例如, 當年慈幼,張X傑那幾年有七子, 英華當年又係一出有幾個, 其實大家除左做隊友,都一樣可以互相做教練, 各人既弱點同殺著, 其實一齊出去既隊友好多時係最清楚.

有質量既練習, 即係不是機械既練習, 而係針對性既練習, 針對性呢樣野, 其實隊友係比到很好既意見.

---

作者: egghead1969    時間: 2015-11-5 00:47

引用:

原帖由 lmichael 於 2015-11-4 14:51 發表


其實隊友都好重要,無錢請教練,隊友可以互練,其實係學界,好多時一間中學,係同一段時間係湧現多過出色球手,例如, 當年慈幼,張X傑那幾年有七子, 英華當年又係一出有幾個, 其實大家除左做隊友,都一樣可以互相做教練, ...

但要識練先得，大家怕比對方睇通路，練條鐵

---

作者: lmichael    時間: 2015-11-5 13:18

引用:

原帖由 egghead1969 於 2015-11-5 00:47 發表


但要識練先得，大家怕比對方睇通路，練條鐵

怕對方睇通路,咁既隊友...... 要搭飛機......

---

作者: 速鳥    時間: 2015-11-5 13:42

隊友睇通左，原本二板就可以贏，要加進練習到打三板，再睇通就加到四板、五板、六板…試想想，得益係邊個！

---

作者: 青見人    時間: 2015-11-5 17:00

引用:

原帖由 lmichael 於 2015-11-5 13:18 發表


怕對方睇通路,咁既隊友...... 要搭飛機......

這個問題時有發生，不能避免，亦要正視！
就正如水谷跟松平在隊內練習賽，多發下遵式發球，在外公開賽，松平多發側身正手嘅發球！
不過我諗松平做法只是留兩手，不是不盡力打！
好多同學仔誤解了就不認真隨意打，影響了應有的進步！
曾見有些教練在小組班教時，看到A贏B時，教練會教B如何破解，
當B主導球賽時，如A沒法諗到好點子去反勝時，教練就提A如何去
處理，在這過程裡得益是誰呢？

---

作者: lmichael    時間: 2015-11-5 21:07

嘩,我係唔係老,所以唔明現在d人點想？我以為講笑,怕輸唔盡力打， 或者留一手， 這些叫。。。。自私。 隊友呀，咩叫隊？

---

作者: 青見人    時間: 2015-11-5 21:37

引用:

原帖由 (=^x^=) 於 2015-11-3 16:44 發表
1) 練波多是否等如好？

2) 私鐘好 定團隊訓練好？

3) 少精�港青�青苗�精英.....有否價值？

無答案，只供交流討論

練波多是否等如好？

1) 練波多是否等如好？
多練必定好過少練的，但是必須注意練習嘅質量，有冇重點去訓練。

2) 私鐘好 定團隊訓練好？
現今練球必須三缐發展，私鐘丶團隊及比賽。
私人教練：教你技術，戰術運用，實戰技巧。
團隊訓練：多重性嘅對抗訓練，一個訓練計劃
，於不同球員對練是有不同效果，擧個簡單例
子：如考青苗正手攻球1分鐘對攻，與教練打可
能1分鐘有60，但學員間對練可能得50，直接啲
講係調節丶力量及落點控制問題！再好的教練也
未必能模仿多種不同嘅手法丶節奏及質量去跟學
員訓練！而計分亦是！
所以兩者沒有那樣好一些！因為係必要的！

3) 少精�港青�青苗�精英.....有否價值？
見人見智！

---

作者: Richard888    時間: 2015-11-5 22:47

教練教你破解好? 定係你自已悟出來破解好? 其實道理似讀書,私人教練教完你,WIN完就走人, 一陣就吾會記得, 自已悟出來的, 明白嗰原理, 幾時都識用. 呢D就係短視WIN同長線WIN嗰分別. 俾錢的細細嗰有波WIN. 自已模索出來的, WIN在後面. 所以黃鎮廷輸在起跑線, WIN在後面. 如果吾係香港有資源, 有教練, 黃肯努力, 都吾會有黃鎮廷及杜凱琹,李皓晴啦, 缺一不可呀.

---

作者: 金擇魚    時間: 2015-11-5 23:20

飯唔食冇人知
波唔練對手知

---

作者: 速鳥    時間: 2015-11-5 23:20

引用:

原帖由 Richard888 於 2015-11-5 22:47 發表
教練教你破解好? 定係你自已悟出來破解好? 其實道理似讀書,私人教練教完你,WIN完就走人, 一陣就吾會記得, 自已悟出來的, 明白嗰原理, 幾時都識用. 呢D就係短視WIN同長線WIN嗰分別. 俾錢的細細嗰有 ...

我啱啱就係咁樣同呀女講，我話妳，最多記到聽日，如果妳自己唸，唔明再問，可以記一世。

---

作者: egghead1969    時間: 2015-11-6 00:26

引用:

原帖由 lmichael 於 2015-11-5 13:18 發表
怕對方睇通路,咁既隊友...... 要搭飛機......

我都係睇其他貼先知原來有隊友係咁

引用:

原帖由 速鳥 於 2015-11-5 13:42 發表
隊友睇通左，原本二板就可以贏，要加進練習到打三板，再睇通就加到四板、五板、六板…試想想，得益係邊個！

當然係自已，老實講，你打到上去，高手都會即場睇通你，爭持板數會係咁加上去，你練習越多越好；但細路唔係咁諗，板數加上去，有機自已打失，贏一分變輸一分。

引用:

原帖由 青見人 於 2015-11-5 17:00 發表
這個問題時有發生，不能避免，亦要正視！
就正如水谷跟松平在隊內練習賽，多發下遵式發球，在外公開賽，松平多發側身正手...

其實練習時盡力打同直頭睇通強弱都冇問題，就用返日本隊為例；個個都係隊內一切練習，對外一切比賽，係包雙、單打。雙打個時你唔通重留兩手 ；代表日本打大賽個選手權係要對打比賽拿，咁個個重唔留幾手

講一個自家經驗 ，個時我有一板波，要苦練幾個月，咁教練叫我搵某個同學同我練；咁隔左一排，教練重提，見我左右而言他，佢估到，因個同學打聯賽係唔同隊；佢就話:「你怕乜比人睇通，你練個時，練好二、三個落點，對賽個時，你打邊點佢點知，何況你重有其他路數 」

[ 本帖最後由 egghead1969 於 2015-11-6 00:36 編輯 ]

---

作者: st24515574    時間: 2015-11-6 03:16

訓練既份量我覺得係因人而異
岩自己就好

---

作者: lmichael    時間: 2015-11-13 10:47

其實講到比賽同練波, 我非常建議, 大家, 特別係青少年, 買定本薄做LOG BOOK, 打完, 自己做檢討, 自己DROP NOTES. 好多用,

本LOG BOOK, 其實寫咩都得, 每次打完, 特別係比賽, 贏輸都一定有D心得, 下次訓練要重點練咩野, 除非真係小學生, 如果係中學或以上, 寫LOG BOOK係一個好有幫助的習慣. 內容例如....
1. 接發球要先看旋轉, 再看落點.
2. 每一球都要預對手能追到同發力.....

得閑睇返, 真係會有幫助.......

---

作者: SSPSK    時間: 2018-3-27 14:27     標題: 回復 4# 的帖子

試過打一星期打6日波，結果⋯⋯⋯亞女掉拍唔打！ (被逼?)
試過半年冇打，結果⋯⋯⋯⋯身痕話要打，先打返一星期一日、進度不理想，水平被人拋開，亞女又唔甘心，話要打多D！ (自願)

想當然...; 自己chur自己就可以, 被人chur就有反效果。
同理老細只可以chur弱勢員工, 叻員工只能鼓勵, 一chur就劈砲....

[ 本帖最後由 SSPSK 於 2018-3-27 14:30 編輯 ]

---

歡迎光臨 香港乒乓網 (http://hkttf.com./)

Powered by Discuz! 6.0.0