香港乒乓網 - Powered by Discuz! Board

標題: [膠皮討論] 套膠厚度一問 [打印本頁]

作者: KSNG 時間: 2015-11-4 18:31 標題: 套膠厚度一問

小弟新手一名，
見到市面上好多膠都分厚度，
好想了解唔同厚度，
有無套膠達人可以討論下

作者: alanchan 時間: 2015-11-4 20:59

其實一快膠呢, 分開面膠同海綿, 而方間寫的Max, 2.1, 2.0, 1.8, 1.5,0.5等等都係指海綿的厚度(單位為mm).
當然根據乒聯的rules, 面膠加海綿的厚度不超過4mm 就可以.

講番海綿:
海綿其實係用來儲能量的, 換言之越厚, 個乒乓球撞入去快海綿有越多的空間, 之後彈出來也越強烈.
其實可以想像為厚海綿係一支長彈弓, 薄海綿係一支短彈弓.

當然有辣有唔辣, 一支長彈弓, 你是否可以一下就壓到底呢? 如果壓不到底會有什麼事情發生呢?
其實在乒乓球打入快膠, 壓縮海綿, 如果到不了底時(撞不到快木), 能量到達不到木板所以也傳送不到去手柄上, 對於球手會覺得沒有手感, 不知道這球是否會中, 覺得手感很悶. (當然不是絕對絕對丁點手感都無, 只係相對上差左姐, 不要斟酌細意)

而一支短彈弓(薄海綿), 一下就壓到底又發生乜野事呢?
在乒乓球打入快膠一下就壓縮海綿的底部撞到快木, 你未反應得切, 動作都未做足, 個乒乓球就彈番出去, 就像你沒有膠在木板上直接打的樣子(打白板), 你想削個下旋, 拉個上旋, 也不能呢. (當然不是絕對絕對丁點旋轉都無, 只係相對上差左姐, 不要斟酌細意)

所以, 厚海綿通常比發力足夠的人或手去用的, 而薄海綿通常比發力相對差一點的人或手去用的. 如一般人會選擇正手厚海綿反手薄海綿, 因為正手發力空間足夠而反手發力空間相對細.

以上都係小弟呢D無球技無知識業餘新手中的底手亂吹, 請不要信!!!

作者: BaaBaaChris 時間: 2015-11-4 21:14

海綿厚d出波support大d,不過發力要好先打得透
所以初學技術(如直拍橫橫打)或自身發力唔好，通常用薄少少海綿如2.0/2.1
不過每個人要求同手感都唔同一樣，有人打慣某牌子某種厚度，亦有人想成塊拍輕d，1.x都有人用

作者: BaaBaaChris 時間: 2015-11-4 21:19

引用:

原帖由 alanchan 於 2015-11-4 20:59 發表
其實一快膠呢, 分開面膠同海綿, 而方間寫的Max, 2.1, 2.0, 1.8, 1.5,0.5等等都係指海綿的厚度(單位為mm).
當然根據乒聯的rules, 面膠加海綿的厚度不超過4mm 就可以.

講番海綿:
海綿其實係用來儲能量的, 換 ...

出完先見到師兄個reply，失敬失敬

作者: 奀仔豪 時間: 2015-11-5 01:59

多謝兩位師兄既回覆，小弟又上多左一課

作者: KSNG 時間: 2015-11-5 02:06

回2樓，解釋得好詳盡，多謝師兄賜教

作者: KSNG 時間: 2015-11-5 02:07

回3樓，師兄你解決埋我另一個問題，唔該哂

作者: 雲霧 時間: 2015-11-13 23:37

不灌膠的話，我一定揀MAX，MAX不是難打透。

作者: simon1388 時間: 2015-11-17 10:56

終於明白多一點海棉厚薄對出波力量及技術的影響, 多謝2,3樓師兄!!!!!

歡迎光臨香港乒乓網 (http://hkttf.com./)