香港乒乓網 - Powered by Discuz! Board

標題: 球員棄權打唔到, 但球隊不用棄權? [打印本頁]

作者: 阿舜 時間: 2015-11-23 05:09 標題: 球員棄權打唔到, 但球隊不用棄權?

岩岩訓醒訓唔返, 諗住上下網, 就突然有人向我show左個賽事結果, 問我一條難題. 我無做裁判, 又唔係乒總職員, 只係望過下團體賽既章程, 真係唔識答.

但我覺得知道答案後可能會有參考價值, 打團體時可以避免整隊棄權, 所以想係度問一下

尋日乒總團體決賽日, 我屎波入唔到

, 又無去到參觀, 只可以睇下貓哥拍既精彩片段過下引, 但原來發生左d有趣事.

女乙團有一隊球隊, 尋日連續2場賽事, 都係第3分有同一個人棄權, 但其他幾分就照打照錄入賽果

我記得今屆男甲初賽, 有人比賽途中因傷打唔到比賽, 但都打左幾分之後先棄權, 雖然自己成績上變左輸 0:11, 但為左隊友頂硬上, 唔駛成隊棄權無得出線, 算係好隊友

尋日既情況好似幾唔同下, 直接寫果個球員棄權, 咁其實有無人知係乜事?

我望左團體賽章程既賽規第5項幾眼, 如果我無理解錯, 應該有3個情況會判成隊波直接棄權: (1)出場紙無填足五場賽事既所有球員, (2)無按照賽制依次序派員出場, (3)每場比賽開始時, 出賽既任何球員無法到場向執法裁判員報到或出示附有相片之身份證明文件

咁我就諗, 2場比賽結果都有齊晒對賽球員既名, 咁即係無違反到賽規(1)及(2), 咁既話, 有無違反到賽規(3)呢?

我幫果位球員諗左幾個情況: (一)由頭到尾都無到過場但填左佢出賽, (二)一開始有來報到, 但之後走左去無返來, (三)由頭到尾都有係度, 但(三A) 傷左打唔到波, 但又無好似男甲果位好隊友咁負傷打幾分先棄權, (三B) 佢連續2塊球拍都過唔到關, 或者只係帶左一塊拍過唔到關, 但借唔到第2塊去打, (三C) 比賽服裝不合格, 但又無去換, (三D) 比賽途中, 紅牌逐出場

如果係情況(一), (二), (三A), 以我理解, 應該係犯左賽規而判成隊棄權, 除非..... 出現左一d我想像唔到, 又無係賽規/章程列出既情況
但如果係情況(三B)/(三C)/(三D), 我未聽有發生過, 唔知正常應該會點計?
又或者係我諗唔到既情況(四)/(五)/(六)/..., 有無現場觀眾知乜事? 知道後, 以後打乒總團體賽都可以參考一下, 唔駛成隊棄權, 又唔駛自己硬食0:11

[ 本帖最後由阿舜於 2015-11-23 05:15 編輯 ]

作者: jasonkyy 時間: 2015-11-23 08:16

我估計第三人應該有到場，但可能是受傷(可能懷孕？)不能比賽而棄權第三分，但佢個人會扣對賽分。

作者: 阿舜 時間: 2015-11-23 09:11 標題: 回復 2# 的帖子

聽聞可能真係懷孕, 係既話, 首先恭喜香教練

歌街而家無電梯坐, 懷孕都重肯行上4樓支持球隊, 值得鼓掌

係咁特別既情況下, 球隊只得3位球員, 乒總用酌情權都合情合理

不過有d疑問, 睇返參賽名單, 果隊好似有4位球員, 咁第4位球員無去到代替香教練打?

另外, 有無人知, 國際乒聯或者乒總有無官方規則, 係賽前知道有一名球員唔打得, 用酌情權批准其餘賽事可照打後, 果位棄權球員應該放係第3分位, 定係放係主力位? 因為幾年前參加過論壇搞既節日團體比賽, 果時規定左, 如果臨時只得2位球員比賽, 棄權位一定要放係主力位, 棄權2場, 咁先會對對手公平d, 同埋對手3個人都有得出場

作者: syenn 時間: 2015-11-23 09:16

第四位代表香港出戰三英盃

作者: 阿舜 時間: 2015-11-23 09:29 標題: 回復 4# 的帖子

唔該晒, 咁真係辛苦晒香教練

真係太多比賽撞埋一齊

[ 本帖最後由阿舜於 2015-11-23 09:30 編輯 ]

作者: Alpha 時間: 2015-11-23 13:02

又學到嘢！謝謝！

歡迎光臨香港乒乓網 (http://hkttf.com./)