Board logo

標題: [其它討論] 纯木及 碳板 [打印本頁]
作者: KIKI22064878    時間: 2016-1-22 20:43     標題: 纯木及 碳板

有否球友说一下纯木板同碳板的分别？
谢谢
作者: 速鳥    時間: 2016-1-22 21:27

純木板球脫板慢過碳板，所以…純木手感好過碳板，但球速較慢；
但新一代的碳板，手感改善了，脫板有種 噴射出球的感覺。

如果樓主是年輕人，想學習最先進打法，我建議接受碳板的手感及速度。
作者: alanchan    時間: 2016-1-23 16:12

又當我吹水亂講一下~~~

其實如果單單 指 純木 和 碳板, 比較空泛一點, 快快板都有一點特色, 很難一下子就概括洒.
不如細分一點, 你可能會比較容易明白.


純木類:
1. 純木五夾
其實 五夾 基乎貫穿所有年代, 可能自有乒乓球起, 無論係細波年代(2000年前), 大波年代(2000年後), 無機膠水年代(2008年), 塑膠波年代(2015年), 都有佢的存在價值! 為何這類板頂得住時代的巨輛呢?
我自己認為係 "弧圈球".
五夾板本身相對上比較軟, 個乒乓球撞擊在板面上時, 快板因為薄而變形, 將個乒乓球包住, 慢慢才頂番個乒乓球出去(可以想像為一個很軟很軟的網, 網住個乒乓球, 當你揮動時, 它慢慢才飛走).
呢種特點, 正正可以用在弧圈球, 需要時間去包住個, 製造強烈的旋轉的特點上.

五夾板, 板身薄, 你平面拍(如快攻等技術)速度很慢, 借力檔也無力! 不過五夾就係手感好, 可以感覺到個乒乓球撞擊時強烈的震動!!


2. 純木七夾
以前細波年代無乜人喜歡七夾, 快又不是極快, 轉也無五夾轉, 手感也中則中舉, 雖然再古老一點的年代中國快攻很盛行果時興起也聽說過, 但小弟未出世, 無研究, 我也不知道.
但大波年代得到大番身! 2000年後出現的40mm大波, 將乒乓球的旋轉同速度一次過減低很多很多, 弧圈球旋轉變得不再可怕, 本身也不十分速度第一的弧圈球無左剎手鐧的話, 有點困擾!
所以 純木七夾 就真係剛剛好!!! 板本身點堅硬, 打起快攻支援力也足夠, 比起五夾快很多, 雖然七夾用弧圈球技巧相對上差一點, 轉了40mm反正都差左, 再差多一點點又如何:P
而且你可以多了選擇 打快攻比較多弧圈比較少, 不會單一技術一破了就不會玩的困景.

講多一次 七夾 , 快又不是極快(但相對快), 轉也無五夾轉(依靠膠皮也很轉), 手感也中則中舉!
註意! 七夾很多係板身偏重的(厚左又多左膠水丫), 由其無有一些空心柄的牌子, 特別重!


碳或纖維類: (叫 加料板 比較好)
加料呢個名真係幾好, 其實加料離不開兩個因素, "增加板的彈力" 和 "改變板的手感".

3. 碳
而 碳 呢種物料, 主力為了 "增加板的彈力"的!

以前最出名的 普里莫拉茨碳 (簡稱 普碳 Butterfly Primorac Carbon), 暴力的代名詞, 開山劈石, 一擊必殺, 或者係 施拉格碳（簡稱施碳 Butterfly Schlager Carbon) 都係代表作!
不過呢D碳板, 一般人打得好的比較少, 因為都未控到一板就飛街或打死對手, 所謂殺敵一千, 自傷八百!
在Butterfly中新出的Garaydia T5000 我估計都係呢類板 (我未打過丫)
加上可能係實在太快, 好多時動作未做好未做足, 個乒乓球就唔知走左去邊, 打到個人的動作古古怪怪, 有點不順暢的感覺! 如果係唔信你去Youtube, 找下Werner schlager, 呢個專業的片睇下, 古怪的一擊必殺

碳板極硬, 極快, 而無手感!

4. 纖維類:
小弟纖維的知識來自Butterfly的一張廣告, 一般純木, 個乒乓球撞中快板時, 有一下震動, 之後這一下的震動會慢慢衰減 (零點幾秒之間的事),  但纖維將第一下的震動放大(手感跟強烈), 之後極快速的衰減 (零點幾秒之間的事), 去做到有手感好得來, 又不會太多而幹擾你的動作. 當年小弟買的Keyshot就係呢類.
不過無乜選手用呢D板, 因為, 呢D板穩定但無乜速度, 很難在現今球壇上被吸引.
話分兩頭, 中國隊的劉詩雯, Butterfly同佢開發的板, 就係純纖維的~~~(台灣 莊智淵 也轉打 Timo Boll ZLF的純纖維) 穩中求勝? 我不知道

纖維 手感強而短暫.


如果 纖維 再加 碳呢??

5. 碳纖維類:
呢D板可以說係現代乒乓球出洒名, 上至德國的Timo Boll (用Butterfly Timo Boll ALC, A 就係 Arylate 纖維, C 就係 Carbon 碳), 下至中國大滿貫得主張XX (用Butterfly Viscaria, 呢快板年代久遠 2000年時 日本雜誌乒乓卓球 已經有廣告, 但當年不太受歡迎的 碳纖維板).
有 碳 的快速, 有 纖維 的強手感!!! 不就是神板嗎?

但世事種係有兩面的, 反過來想一下, 有 碳板的飛街 加上 纖維古怪而不似純木自然的手感,

當然對於基本功紮實的人來說係利器, 一般人反而打到動作變洒型, 古古怪怪, 雖然勝負層面上可能高左, 但小弟呢D新手中的低手打得不自然順暢, 發力不完整, 不爽.



再細分也有 厚五夾 硬五夾 軟五夾 雲杉五夾 大芯七夾 等厚七夾 ZLC, ALC, T5000, ZEPHYLIUM XCARBON, 厚碳, 薄碳, Glass fiber等等不同的東西, 再加上不同廠有不同廠的偏好, 打多一萬字都解釋唔洒, 上面只好比個底你心中有數!


再再再再講一次, 小弟係新手中的低手, 唔識打波, 只係玩下玩下, 上面係我個人亂講, 一D參考價值都無!!!!!!!!!!!

[ 本帖最後由 alanchan 於 2016-1-23 16:23 編輯 ]
作者: KIKI22064878    時間: 2016-1-24 16:14

劲    以上兄台   最后個位  犀利    资料详盡   吾怪得
作者: KIKI22064878    時間: 2016-1-24 16:14

劲    以上兄台   最后個位  犀利    资料详盡   吾怪得
作者: futari    時間: 2016-1-26 11:55     標題: 回復 6# 的帖子

我想問下alanchan，我見大多數加料板五夾或七夾的中間的一層常是純木．

若想依賴材質擊球後的短暫變形，而設計加料層把球包著去改善速度或手感的話，每一層到中間層木的硬度是否應是遞進漸硬或遞進漸軟？

若是，那中間的一層純木設計豈不是必然破壞了應該一致的短暫變形的變化？

現在板每層的材質選擇和配對太繁多了，常人應以遞進漸硬或遞進漸軟去了解五夾或七夾的設計？還是其他？
作者: a61977150    時間: 2016-1-26 12:26

作者: alanchan    時間: 2016-1-26 12:31

引用:
原帖由 futari 於 2016-1-26 11:55 發表
我想問下alanchan，我見大多數加料板五夾或七夾的中間的一層常是純木．

若想依賴材質擊球後的短暫變形，而設計加料層把球包著去改善速度或手感的話，每一層到中間層木的硬度是否應是遞進漸硬或遞進漸軟？

若是 ...
Ummmmm, 不知道小弟低微的球技和知識有沒有理解錯誤.

其實你說的對!! 如果將力量分開不同檔位 (如小力量, 中力量, 大力量), 就會感覺到這快板想提供什麼!
用個簡單D的例子說明一下
Rosewood 5
結構: Rosewood + Spruce + Ayous
木頭密度: Rosewood 900 kg/m3 + Spruce 450 kg/m3 + Ayous 380 kg/m3 (我假設密度同硬度係線性比例)
小力量時, 薄薄的一層勁硬的面材, 提供不錯的彈力.
中力量時, 穿透面材後, 有點軟但又不太軟的雲杉提一點食球感.
大力量時, 由軟阿柔絲大芯比出長的包著球時間去做動作!

所以如果上面的假設係有點道理的話, 纖維板在第二層就係加料層(或者第三層), 想要的係什麼東西, 其實也不難理解

不過小弟低微的球技和知識時常都錯到極點, 所以不要當真!!!!!

[ 本帖最後由 alanchan 於 2016-1-26 14:11 編輯 ]
作者: atcf    時間: 2016-1-26 12:48

學野 。。。。。。。。。



歡迎光臨 香港乒乓網 (http://hkttf.com./) Powered by Discuz! 6.0.0