香港乒乓網 - Powered by Discuz! Board

標題: [綜合技術] 打雙面反膠全削球 [打印本頁]

作者: tsui0101y 時間: 2016-12-11 21:27 標題: 打雙面反膠全削球

反膠主動製造旋轉能力強，出面玩削球多數玩長膠，但我最近遇到一個直板用雙面反膠主動製造旋轉全削球既球手，想請問下橫板快弧點打雙面反膠全削球？

佢打法球速不快，主要開不轉或急旋轉高球到我正手，之後打法全削製造旋轉到我左右兩邊底線追身，特別係個球二速彈好高同急轉

[ 本帖最後由 tsui0101y 於 2016-12-11 21:55 編輯 ]

作者: 悠閒一族 時間: 2016-12-11 23:06

引用:

原帖由 tsui0101y 於 2016-12-11 21:27 發表
反膠主動製造旋轉能力強，出面玩削球多數玩長膠，但我最近遇到一個直板用雙面反膠主動製造旋轉全削球既球手，想請問下橫板快弧點打雙面反膠全削球？

佢打法球速不快，主要開不轉或急旋轉高球到我正手，之後打法全 ...

直接搶攻

作者: tsui0101y 時間: 2016-12-11 23:14 標題: 回復 2# 的帖子

我都有直接搶攻，打法大約正手快帶接佢開球回到佢正手，之後佢開始加轉追身，我就會被迫退到中至遠

作者: tsui0101y 時間: 2016-12-11 23:16

我都有直接搶攻，打法大約正手快帶接佢開球回到佢正手，之後佢開始加轉追身，我就會被迫退到中至遠

作者: tsui0101y 時間: 2016-12-11 23:22

（由於帖出現問題有字出唔到，承上內容）

一直拉佢正手，有時我會反手推擋到佢反手位

作者: 悠閒一族 時間: 2016-12-11 23:22

引用:

原帖由 tsui0101y 於 2016-12-11 23:14 發表
我都有直接搶攻，打法大約正手快帶接佢開球回到佢正手，之後佢開始加轉追身，我就會被迫退到中至遠

如果師兄退台比較差的話，唔退台，直接打

作者: 悠閒一族 時間: 2016-12-11 23:26

引用:

原帖由 tsui0101y 於 2016-12-11 23:22 發表
（由於帖出現問題有字出唔到，承上內容）

一直拉佢正手，有時我會反手推擋到佢反手位

斜線打法？

作者: tsui0101y 時間: 2016-12-11 23:32 標題: 回復 7# 的帖子

我都有諗過，但呢個技術我仲未掌握到，我感覺上呢個技術應該係正手拉側旋弧圈球變線，我正在練，我跟呢個球手經常打，我會慢慢練習

而且呢個球手我感覺到佢反手比較差，所以我攻反手技術應該必須掌握

作者: egghead1969 時間: 2016-12-12 05:55

我都撞到有個削球手又係咁，除樓主講個個問題外；我發現就係佢可以加到則旋，真係好大獲；個回球低球速快且帶則下旋，要好快走到位包住拉起，而且因帶則旋，唔係咁易拉兩大斜線位 (可能技術低掛

)。
現在我都對佢都係拉起高吊，慢慢攪，不過輸多

作者: tsui0101y 時間: 2016-12-12 09:46 標題: 回復 9# 的帖子

我個球友佢拉既球就球速不快，中速左右，但佢上下側旋都拉到好轉同追身，而且佢都幾多滴死同刷邊出界，我多數球被迫退到中遠檯下降期前衝或爆衝佢，但佢都削得返，好幾板先打完一球，我個削球手反手比較弱，想問師兄你個球友係咪？

作者: tsui0101y 時間: 2016-12-12 12:51

另外對佢甚少會有檯內球出現，擺短劈長等根本冇咩機會打到

[ 本帖最後由 tsui0101y 於 2016-12-12 12:52 編輯 ]

作者: GatienExtra 時間: 2016-12-12 13:05

強化正反手基本功及步法，對方戰術開出台，兩邊底線大角，再配合追身。如果基本功好就不懼怕，先有技術再有戰術。削球怕突然，如果弧圈質量不夠高，扣殺效果比弧圈更好

作者: egghead1969 時間: 2016-12-12 13:13 標題: 回復 10# 的帖子

佢反手係弱，不過只限削個方面，我估係反貼食西，但有時機會波時，佢都係會拉或打，總之覺得唔係易對付過長膠

我指球速快，係相對長膠

[ 本帖最後由 egghead1969 於 2016-12-12 14:43 編輯 ]

作者: tsui0101y 時間: 2016-12-12 13:42 標題: 回復 12# 的帖子

多謝師兄意見

作者: tsui0101y 時間: 2016-12-12 13:44 標題: 回復 13# 的帖子

反膠削球比長膠轉，但長膠防弧同怪比反膠好，咁削球手一般反手比較差，我地可以其中一點從呢方面入手

作者: friendlybrother 時間: 2016-12-13 10:59

引用:

原帖由 tsui0101y 於 2016-12-11 09:27 PM 發表
反膠主動製造旋轉能力強，出面玩削球多數玩長膠，但我最近遇到一個直板用雙面反膠主動製造旋轉全削球既球手，想請問下橫板快弧點打雙面反膠全削球？

佢打法球速不快，主要開不轉或急旋轉高球到我正手，之後打法全 ...

對付削球打法，由於對手已離台，預備接招，故此，純粹靠大力抽擊或爆衝係無可能咁容易打得死佢，而且消耗體力也大，你辛苦赢了第一局，恐怕再沒有體力繼續打落去。

因此，應該以落點及旋轉變化去令對方失誤。很多球員很喜歡搏命發力拉削球手的兩大角，這是嚴重的錯誤，因為若果削球手站在中間，兩大角的位置是不需要跑動，伸手已經到位，削得好舒服，你就一直浪費體力去死拉。

正確線路應該是先慢吊對方的反手小三角位，由於削球手通常沒有強勁的反手弧圈球進攻能力，這比較吊正手位安全，可以有效防止被削球手用正手反攻。你吊佢反手小三角位，可以有效迫削球手一定要跑去反手大角度位置，佢唔可以企定定的舒服回球，他被你調動了到反手大角度位置，就露出正手位大空檔，你就趁機發力衝他的正手大空檔位，由於要來回跑動，又有速度變化，這大大增加了削球手的回球難度，若果仍然可以削回，相信回球的質量不高，你第三板可以衝他中路偏腰則追身位置。

除此以外，你也可以運用弧線的高低，制造長短不同，磨擦多少，制造旋轉變化，一時長一時短，一時有轉，一時無轉，配合反手小三角調動佢跑來跑去，在跑動過程中，肯定比較容易失誤。

若果你連續拉很累，也可以拉一板迫佢退台，然後再擺短，既可以休息一下，也令到削球手要從遠台跑上前，增加回球的難度，令佢跑來跑去，消耗佢的體力。

至於拉側旋，小弟並不同意，因為對你拉弧圈球的命中率有影响，側旋可能也令到你拉漏油。

以上戰術，並非空口講白話的，因為需要你的基本功去實行，若果你的技術做唔到準確吊對方的反手小三角位，又或者你的弧圈球水平不支援你拉有轉無轉，長短高低弧線，擺短不夠短，你無法執行上述戰術去贏，唯一方法就是先練好基本功，自己要有技術進步，正如黎明話：「要赢人，先要贏自己！」

[ 本帖最後由 fastloopattack 於 2016-12-13 11:32 編輯 ]

作者: egghead1969 時間: 2016-12-13 14:27

拉無轉弧圈球，點拉

作者: friendlybrother 時間: 2016-12-13 15:21

引用:

原帖由 egghead1969 於 2016-12-13 02:27 PM 發表
拉無轉弧圈球，點拉

你教練無教你如何拉有轉無轉弧圈球嗎？發球和搓球也可以分有轉無轉的，你也不懂嗎？乒乓球和其他運動比較，就是有旋轉變化的分別。因此，不懂得制造旋轉變化，根本不算是乒乓球高手。

拉波、發球及搓波制造旋轉的方法就是增加磨擦比例，及增加磨擦的力距，方法有兩個：

1. 磨擦的位置接近膠皮的牌子，即是近一點手腕，減少力距。

2. 打波動作的發力是全身協調的，到最後是靠手腕持拍膠皮吸住個波，把整個動作的動能傳送給個波，故此，最後的關鍵是手腕的發力，就算你原本好大動作好用力去拉或發球，若果到最後你手腕放鬆曬，令膠皮没有咬住個波去磨擦，你只輕輕的托住個波的底部回球，就不能有效磨擦，這就產生不到上旋了，但是對手卻看見你用盡全身力去拉或發球的假動作，以為好轉，引致錯誤判斷旋轉的強度，就失誤了。

[ 本帖最後由 fastloopattack 於 2016-12-13 15:30 編輯 ]

作者: alivivi 時間: 2016-12-14 13:12

以上技術，真係要高手才能做到，對業餘球手來講，
一拉一搓戰術比較可取，可以回下氣，爭取下一板全
力一擊，發現機會才連續攻一板致命一擊。

作者: friendlybrother 時間: 2016-12-14 15:24

引用:

原帖由 alivivi 於 2016-12-14 01:12 PM 發表
以上技術，真係要高手才能做到，對業餘球手來講，
一拉一搓戰術比較可取，可以回下氣，爭取下一板全
力一擊，發現機會才連續攻一板致命一擊。

對付穩健的削球手，不是基本功薄弱的初學者可以打得贏的，想赢波，還是先從基本功進步行先，有了基本功，才能支援應付的戰術，不是講就天下無敵，做就無能為力。

一拉一搓的戰術也需要良好的基本功才行，因為當削球手削一個很轉的下旋球過來，就算想省力，先搓一板，伺機才發力拉衝或抽擊，都必须要有良好的基本搓功，可以控制好落點，防止對方反攻，特别是來球特别轉的時候，膠皮接觸很轉的下旋來球，是會立即吃轉，個波在膠皮上向前下方高速滾動，若果手上控制功夫不好，隨時吃下旋落網，就算不落網，你把角度調整至剛好過網，但是高速的下旋産生向前衝的力量，個波肯定會回到對方出台的位置，對方就容易反攻，要做到既不吃下旋，又擺短不出台，這是高難度的控制技術。況且，還要控制左、中、右的落點，調動對手失位，做得到嗎？

假設你真的做到擺短，阻止了削球手的反攻，被迫從後跑上來搓給你，你的搶拉衝弧圈球或低球抽擊技術也必須要好，因為削球手搓過來的球肯定帶有强烈下旋，你的基本功夠好嗎？可以拉衝過網並衝向削球手的空檔或中路追身位嗎？

削球手的強項是甚麼？

就是經常練習削或搓下旋，所以削或搓波是強項，和削球手打一搓一拉，並沒有想像中那麼容易可以在搓的過程中調動對方失位，然後很輕鬆的給予你機會球任你衝殺空檔得分。一位出色的削球手，懂得削有轉無轉，你的搓波能力和判斷能力不好的話，會有失誤。因此，歸根究底，無論採用那種戰術應付削球手，都必须要有良好的基本功。

[ 本帖最後由 fastloopattack 於 2016-12-14 15:41 編輯 ]

作者: GatienExtra 時間: 2016-12-14 15:43

引用:

原帖由 fastloopattack 於 2016-12-14 15:24 發表

對付穩健的削球手，不是基本功薄弱的初學者可以打得贏的，想赢波，還是先從基本功進步行先，有了基本功，才能支援應付的戰術，不是講就天下無敵，做就無能為力。

一拉一搓的戰術也需要良好的基本功才行， ...

沒有基本功，任何技術戰術都是空談

作者: friendlybrother 時間: 2016-12-14 16:14

引用:

原帖由 GatienExtra 於 2016-12-14 03:43 PM 發表

沒有基本功，任何技術戰術都是空談

對！

我有部份朋友（包括網友），每次和其他人切磋，輸左波，條氣唔順，第一時間都喜歡發問，如何下次可以打贏，一雪前恥，說：「我輸左比邊鬼個，佢打法係咁樣，可否教下我點樣下次赢番佢呀？」

但係甚少會首先自我檢討一下自己的基本功和對方相比距離幾多個班？

其實，除非你係專業球員，目標係想入選香港隊，代表香港打世界賽，為港爭光，若果只是業餘球迷，輸波好平常，唔使咁興，原本是娛樂運動，心態不正確就反而谷氣唔開心。

好啦，話比你聽如何運用戰術去赢，又怕辛苦唔想老老實實的苦練基本功。

[ 本帖最後由 fastloopattack 於 2016-12-14 16:17 編輯 ]

作者: tsui0101y 時間: 2016-12-14 20:51 標題: 回復 23# 的帖子

我唔係咁易怕辛苦練基本功既人 , 輸左諗辨法或發問得出別人意見改進技術再去打個遊戲先有意思 , 問左各位意見和應對方法我就會去研究練習

[ 本帖最後由 tsui0101y 於 2016-12-14 20:54 編輯 ]

作者: friendlybrother 時間: 2016-12-14 21:33

引用:

原帖由 tsui0101y 於 2016-12-14 08:51 PM 發表
我唔係咁易怕辛苦練基本功既人 , 輸左諗辨法或發問得出別人意見改進技術再去打個遊戲先有意思 , 問左各位意見和應對方法我就會去研究練習

既然你咁有決心，小弟指導一下你如何訓練針對性的技戰術：

首先練習拉落點，你是橫拍兩面弧圈打法，你採用多球練習去運用正反手拉小三角位。當你熟習這個落點後，找一位陪練，不一定是削球打法，你叫佢模擬這位削球手的發球，你練習先吊一板到陪練的小三角位，陪練可以削回，若果不行，可以檔回，你就練習銜接衝空檔或衝中路追身位。

當你熟習了這個套路，再練拉有轉無轉弧圈球：

你吊去陪練的小三角位，拉加轉，對方檔回，然後銜接拉前衝。
你吊去陪練的小三角位，拉無轉(動作要一樣，但手腕握拍放軟，膠皮接觸個波只輕托底部，不咬住個波磨擦)，對方檔回，然後銜接拉前衝。

練完接發球搶攻的技戰術，再練發球搶攻：

你發有轉無轉的下旋球(註：不要發側旋，因為回球會拐彎，容易拉漏油，不利搶拉)，陪練搓回，你立即搶衝空檔或衝中路追身位。

小弟建議，以上每項套路，至少要練一萬球，命中率達90%才算練成。

當你練熟了以上套路，你就可以約這位削球手出來，試試成效如何？

作者: GatienExtra 時間: 2016-12-14 22:26

先練到基本動作固定，一般叫動力定型，手法比較不會走樣，再練習其他高階技術。你拉兩板動作變形，球控制不住，甚麼技術都練習不到，得不到練習效果。在用力方面，不要發死力，一般用百分之四十的力量就可以，主要是練習動作。

歡迎光臨香港乒乓網 (http://hkttf.com./)