標題: [是非] 乒壇勞資糾紛 [打印本頁]

---

作者: 卓朗    時間: 2017-10-24 00:20     標題: 乒壇勞資糾紛

轉載

助教:
事件起源於上年四月，我還在讀書，有兼職幫x教練教小朋友打乒乓球，當時他有叫我考慮畢業後幫他全職教球，月薪一萬起。我說會考慮，沒有答應他，因為當時還沒想清楚畢業後的路向。後來隔了幾個月，他又再主動找我幫他教球，又再叫我考慮全職幫他教，把所有時間預留給他的學生。那時我已經畢業了，覺得趁年輕嘗試一下自己喜歡的職業也不是什麼壞事，而且教育和乒乓球也是很有意義的事，於是答應了他的邀請。
起初兩個月是準時出糧的，但第三個月起（今年一月），就開始沒有。當我追他出糧，他卻說自己要養家，希望我體諒他拖糧，體諒他有財政困難，我當時竟然真的體諒了他。然後一直拖了兩個月，忽然極地說服我入股四萬元給他，把三個月的人工（合共三萬），再加我自己出一萬，還要求我幾日內答覆他，說能跟他合作是難得的機會，入股後大家就是拍檔，有福同享有難同當，還要求我幫他在灣仔派近千張傳單。
我覺得有些不妥，發現他的誠信確有問題，就請他先出了三個月的人工，如我願意入股，再把人工過回給他。他見我不毅然答應，竟開始發怒，說我忘恩負義，說很不滿我的表現，說我教壞和教走了他的學生，後悔當初那麼「幫」我，給我那麼多實習教球的機會。更令我無奈的是，他說跟我沒有簽約，所以那些糧出給我是人情，不出是道理，而且還沒有收我學徒費。
後來當然是糧一直拖著，至今超過半年，半年間我不厭其煩地追他，才只追到了一個月的糧，還要承受他各種侮辱和惡言。而到現在，他竟說不欠我一分錢，說我有本事就自己去賺錢，說我是乞丐屈他錢。以上我所說的，都能附上Whatsapp對話及錄音作為證據，而教練所說的，是真是假，大家自有判斷，我暫不逐一駁破。
事到如今，事件屬於民事訴訟，勞資審判處需要被告人的公司�住戶地址才能發信進行申索，當然x教練沒有公司地址，也不願提供住址，難以直接控告他，對此我感到無奈，只怪當初不熟知法律程序，沒想過事件會發展到此地步，不懂帶眼識人。雖然我相信事件只屬鳳毛麟角，但也提醒各位打工如沒簽合約，小心讓人無理拖糧以至走數，帶眼識人。

[ 本帖最後由 卓朗 於 2017-10-24 11:05 編輯 ]

---

作者: 卓朗    時間: 2017-10-24 00:20

教練:
剛剛發現有人在FB上面唱衰我，在這裡本人就澄清一次，因為沒有廢青那麼有空。 【助教x根本就是想屈錢，之前兼職教每月千幾二千，後面畢業無嘢做想全職教，想我比多啲，我話除非可增加學生，否則不可能有咁多，唔通我取我嗰份養你咩，幫下手計不計都可以，當時還有其他助教兼職幫我，我看他就比較乖，才想幫他一下，他說可以印傳單派收學生，點知兩個月都未印出來，後來我落手印，印好他又不想派，後面見沒增加到學生就可能不想教，態度差到，屈唔到就想威脅我話有家長電話唱我，神經，大部分家長都知他係咩人啦，之前已有家長投訴他遲到又安排不妥，我都幫他講說話幫他，説他剛畢業慢慢學，但一跟他說下，他態度180轉變，就不覺得自己有問題，仲叫我不只出他兼職的錢(已出齊)，還自己寫所有出現在球館的時間都計我錢，還說知道我有兩個女兒，當初我也不想弄大事情，畢竟我是有家庭的人，一家人要靠我養，所以就想屈服説增加到學生先可以比他，點知他態度超差，好像真的我欠他一樣。又話大把球會請他全職教，後面仲話我也沒派傳單，無嘢啊，仲話大學生，其實以前他都算可以的，後面可能被人利用想整我，仲話我係比x球會開除，聰明的人一去問就知啦，我只是不再跟某教練合作，根本不存在開不開除的問題！對於這件事，我跟很多朋友說過後，也諮詢了法律顧問，決定法律追討他對我不實指控及勒索，所以請各位朋友不要被有些人利用，捏造事實真相，抵毀他人名譽，是要負法律責任的

[ 本帖最後由 卓朗 於 2017-10-24 02:10 編輯 ]

---

作者: 卓朗    時間: 2017-10-24 00:26

轉載自二人facebook, 大家點睇

---

作者: lmichael    時間: 2017-10-24 01:02

呢d咁既事，唔係第一日發生，我十年前，都聽過另一單，所有人物都仲要乒壇名人。
總之，當乒乓變成一盤生意，無就唔能夠只當係一個興趣去睇，即係你鐘意攝影，同你想做婚紗攝影生意係兩回事。我其實成日同人講，你鐘意打乒乓球，就。。。唔好做全層了。

---

作者: grizzlyhk    時間: 2017-10-24 01:08

引用:

原帖由 卓朗 於 2017-10-24 00:26 發表
轉載自二人facebook, 大家點睇

假如那個教練說的是卓朗球技不夠做教練。 也只可說是見人見智
但卓朗的招牌是球品好， 屈卓朗人品就很多有力人士出來做擔保了.....

---

作者: 金擇魚    時間: 2017-10-24 01:12

其實幫教練做助教
最好明碼實價,同埋要求準時出糧
教練一般會先收學費
冇理由冇錢出糧要拖,
我都知道有D教練成日拖教練費,裁判費,
希望佢地自動自覺,找返條數

---

作者: CXC    時間: 2017-10-24 01:15

好傷感~但係呢個世界~好多事難免發生
金錢~人事~就複雜好多了~

---

作者: 詠春打法eric    時間: 2017-10-24 01:29

路人感覺 經一事,長一智 ~ 正如吃過一次發球,下次小心接唔好再食
五萬以下可以試下小額錢債署申訴
人生有好多個時刻係Moment of Truth, 例如:求婚,借錢,出糧.....
Level 1 : Theory or Concept or Assumption
現在公說公有理,婆說婆有理~兩個唔同Story
Level 2 : Proof of Concept
在公證人(官)面前Show 証據判決,你話見過馬龍,請出示合照Whatsapp…唔係當你吹水

[ 本帖最後由 詠春打法eric 於 2017-10-24 01:30 編輯 ]

---

作者: kitkit003    時間: 2017-10-24 01:29

人渣.....

---

作者: 卓朗    時間: 2017-10-24 01:33     標題: 回復 6# 的帖子

我不是主角

---

作者: grizzlyhk    時間: 2017-10-24 06:13

引用:

原帖由 卓朗 於 2017-10-24 01:33 發表
我不是主角

那你列明代po嘛。。。。。。

---

作者: 乒乓在線    時間: 2017-10-24 09:24

引用:

原帖由 卓朗 於 2017-10-24 01:33 發表
我不是主角

汝是那個教練

---

作者: HONG0211    時間: 2017-10-24 09:33

睇完該位教練FB 我信該位教練比人屈多D

[ 本帖最後由 HONG0211 於 2017-10-24 14:14 編輯 ]

---

作者: 3070    時間: 2017-10-24 10:10

抱歉未有細獨讀內容，但初步睇都係牽涉責任同金錢瓜葛，個人睇法，既然牽涉到金錢同法律問題，搵當事人傾傾先啦，傾唔埋就對簿公堂啦， 不要再在此公開討論喇，對件事係有負面影響同埋網上言論都係要負責的∼∼

---

作者: mmfc821    時間: 2017-10-24 11:33

各有各既講法，好難評定誰是誰非，最好搵個雙方都信得過既人出來做調解

---

作者: Oris    時間: 2017-10-24 12:00

青年人刚出來，容易被呃

---

作者: Oris    時間: 2017-10-24 12:05

青年人刚出來，容易被呃

---

作者: 心心聲    時間: 2017-10-24 12:18

不認識相方是誰, 但建議樓主先報警, 理由是商業炸騙。如果他沒有公司則是違法經營, 他認為你教走他的學生可以把你抄掉, 但也必須出糧。月薪好像$6000以上60日後要供強積金, 最后建議還是報警。

---

作者: 將軍乒聯    時間: 2017-10-24 13:45

咁又教練過分左d

---

作者: 無為    時間: 2017-10-24 14:01

由第一日出嚟做嘢, 我就唔會相信興趣可以用嚟開飯
再者, 一萬蚊, 出嚟求其搵份工都搵到啦...
而家D小朋友, 真係入世未深

---

作者: 乒乓在線    時間: 2017-10-24 14:38

有截圖有真相

---

作者: 心心聲    時間: 2017-10-24 15:54

欠債還錢天公地道,既然教練承認欠薪唔應該用搬屋無用做借口,又說氹人入股, 你間係咩公司入o羊股, 你要養家我亦要開飯, 建議當事人上來回應(如果是清白)

---

作者: LTHxPx    時間: 2017-10-24 16:21

我都有朋友試過俾個位p教練叫入股 好彩勸佢唔好入

---

作者: LTHxPx    時間: 2017-10-24 16:41

引用:

原帖由 atrix 於 2017-10-24 16:36 發表
是潘漢明嗎？ 打削球那位

上fb睇就知了

---

作者: 道山才子    時間: 2017-10-24 17:56

空口無憑
僱主僱員
最好有合約
對身份証
雙方簽名作實
告到法庭
通常是幫勞方
薪水無得拖欠

---

作者: Goodluck    時間: 2017-10-24 18:17

會不會P教練都比別人拖欠人工？無論如何拖欠人工一定喺唔啱

---

作者: 苹果    時間: 2017-10-24 18:56

誰真誰假，估計只有他們自己知，旁人唔好評判。況且在網上隨意抹黑誰，都是要負法律責任的。
中肯一點說吧
1：如果這個教練真的拖欠工資，為什麼只欠你一個人的？他只有你一個助教嗎？
2：你說1.2.3.月的沒出糧給你，那為什麼先出後面的，搞不明白
3：我們的whatsapp截圖對話框都是藍色的，你的怎麼全部都係灰色？這讓大家有點懷疑證據的真實性
4：如果他真係欠你人工，你可以走法律程序，而不是還那麼悠閒的係網站發表文章講呢的

---

作者: 苹果    時間: 2017-10-24 19:09     標題: 回復 14# 的帖子

我都信該教練被人屈多點，教咗好多年波，人品係慢慢積累嘅。我們看一件事情係要用嗰腦

---

作者: 日橫直削    時間: 2017-10-24 19:11

邊得黎咁多屈呀?全世界都知道有圖有真相,都算....仲有埋錄音

[ 本帖最後由 日橫直削 於 2017-10-24 19:14 編輯 ]

---

作者: 日橫直削    時間: 2017-10-24 19:21

說真，本來我都不相信小朋友的片面之詞。但看到教練的回應，顯得閃閃縮縮，一再迴避及反攻擊他人，而非澄清，現在一看雙方言論便知龍與鳳，令人大趺眼鏡。

---

作者: Goodluck    時間: 2017-10-24 19:27

又可能教練有苦衷！只不過無論點都不應拖欠助教的人工。事到如今，如果能還清助教的人工相信此事暫且平息了，相信被拖欠薪金的助教也只不過是想討回薪水而非搞大件事。

---

作者: 苹果    時間: 2017-10-24 19:41     標題: 回復 40# 的帖子

我唔係𠴱教練，但係我倒覺得你係人地俾錢你，故意係呢度唱衰人了...

評論要中肯，像你這樣針對講，我唔知講咩好了⋯⋯

---

作者: Goodluck    時間: 2017-10-24 19:45

算了，大事化小 小事化無，雙方各退一步。
退一步海闊天空

---

作者: 天朗氣清    時間: 2017-10-24 20:00

[quote]原帖由 苹果 於 2017-10-24 19:41 發表
我唔係𠴱教練，但係我倒覺得你係人地俾錢你，故意係呢度唱衰人了...



小朋友未有本事比錢我唱人,我們只是議事論事,我想你還是公開澄清吧,真金不怕火

[ 本帖最後由 天朗氣清 於 2017-10-24 20:06 編輯 ]

---

作者: Goodluck    時間: 2017-10-24 20:05

我不是上來吵架，更不是你口中的所謂打手！我的本意是想令助教盡快拿到他的薪水而已。拜託你不要咄咄逼我才好

---

作者: wong0185    時間: 2017-10-24 20:05     標題: 回復 36# 的帖子

就係用過腦就知果個教練唔肯出糧屈番個年青人啦
累積?潘教練係禁多年既人品真係有目共睹.並真係十分欽敬
年青人有禁大本事唔需要上黎將事件告知天下啦
就係因為佢無曬辦法先決定用呢個方式。
而且一個助教無啦啦會屈一個主教?個主教冇做過重要話人廢青之類重抹黑番個年青人。係一個教練既所作所為嗎？個教練禁無品真係希望佢教既學生並非如此

---

作者: Goodluck    時間: 2017-10-24 20:15

其實嗰個主教嘅”人品”大家有目共睹啦。我入左佢FB望左一眼，睇到佢又話一個教練咩不是國家隊球員之類的話，其實佢是否在踩佢嘅伙伴呢？

---

作者: Goodluck    時間: 2017-10-24 20:16

嗰助教好鬼可憐！遇人不淑

---

作者: wong0185    時間: 2017-10-24 20:28

果位潘教練重唔出糧到時可能比人推上報真係唔好問點解
而且呢次拖糧事件可能係乒山一角。希望呢次事情有阻嚇性令各位教練有所警惕

---

作者: Goodluck    時間: 2017-10-24 20:33

我更希望那位年輕人助教能拿回屬於自己的薪水

---

作者: 日橫直削    時間: 2017-10-24 22:35

苹果係邊個原來大家一睇就知
打開波既波友果然醒

---

作者: alberluk    時間: 2017-10-24 23:05

欠人錢，可以用民事告佢，不過，無地址，很難派票。不然，找收數公司上門收，最多米分多D比收數佬，他們有辦法追的。到時佢屋企人知道德比人追數，睇下佢好唔好玩。我唔知道，樓主故事真確性，不過，欠錢唔還，睇住收尾個幾年。

---

作者: 流浮山    時間: 2017-10-25 00:47

給10月24日註冊的 蘋果網友
1/ 你欠人幾萬蚊, 欲打算用幾十萬告人地損害你聲譽? 告唔入賠堂費都賠死你, 係未近來晚上看得太多壹號皇庭?
2/ 如果對方說的吾係事實, 放在論壇是一個機會比你解釋, 而不是恐嚇要對方收口, 這裏除了你我地都系舊會員, 吾好下下話打手
3/ 事件已在FB 傳得發熱, 如果突然論壇關帖更顯得你怕而不敢正視問題, 如果對方唔啱你可以還擊.
快D還 錢平息事件吧

---

作者: FF7    時間: 2017-10-25 05:12

我以前有朋友幫過佢教波，拖糧三，四個月係常事。你就要養家，人地唔使食飯咩？

---

作者: FF7    時間: 2017-10-25 05:18     標題: 回復 53# 的帖子

告誹謗罪，要告得入真係比較難。我都想睇下佢點告人

[ 本帖最後由 FF7 於 2017-10-25 05:23 編輯 ]

---

作者: 流浮山    時間: 2017-10-25 07:45

引用:

原帖由 atrix 於 2017-10-25 00:48 發表
潘sir 好像住深圳的
唔糸香港住
每日經羅湖 來香港教ball

黃家亮你便唔好攪事啦

---

作者: 流浮山    時間: 2017-10-25 07:49

不過這教練自稱香港隊前成員, 大家要攪青楚若只是入過青少年隊其實唔算是香港隊, 之前的羽毛球教練因此違反商品說明條例入罪。當然我唔識佢所以唔知答案, 不過見他在面書唱以前的拍檔有關中國球員的問題, 人品真的有保留。自己$14蚊租個場教波便自稱香港訓練基地, 聽完都笑左出黎。

[ 本帖最後由 流浮山 於 2017-10-25 07:51 編輯 ]

---

作者: egghead1969    時間: 2017-10-25 08:06

引用:

原帖由 苹果 於 2017-10-24 18:56 發表
誰真誰假，估計只有他們自己知，旁人唔好評判。況且在網上隨意抹黑誰，都是要負法律責任的。
中肯一點說吧
1：如果這個教練真的拖欠工資，為什麼只欠你一個人的？他只有你一個助教嗎？
2：你說1.2.3.月的沒出糧給 ...

你點知教練無欠其他全職助教工資，就算係只欠一個助教人工，就係助教問題，乜理論
我兩個都唔識，除非叫入股是作，否則一睇就知教練問題

---

作者: 速鳥    時間: 2017-10-25 09:21

如果想大眾同情受害的一方，就千萬不要人生攻擊，因為只會適得其反，把錯的一方放過，所以「針對事」為主，謝謝。

---

作者: HONG0211    時間: 2017-10-25 09:44

引用:

原帖由 cto 於 2017-10-24 20:12 發表
管理員千萬別關帖香港是言論自由的

呢度係黑暗論壇喎

---

作者: Oris    時間: 2017-10-25 09:56

錢銀最好搞清楚,，，，，，，，

---

作者: GIN    時間: 2017-10-25 10:11

提示: 作者被禁止或刪除 內容自動屏蔽

---

作者: FF7    時間: 2017-10-25 10:54     標題: 回復 57# 的帖子

佢搞事最勁架啦

---

作者: 流浮山    時間: 2017-10-25 10:58

這個帖卓朗只係將兩段公開fb對話貼在論壇中, 完全沒有人名, 但係睇返fb原文有人指名道姓說有人是廢青, 其實如果教練覺得畀人屈, 上嚟論壇講廢青冇幫我教過波我冇爭佢一分錢便搞掂, 其實欠債還錢天公地道, 人家有晒Whatsapp及錄音, 或者根本冇這件事 清者自清你都唔使緊張唔洗解釋, 我仍然相信乒乓論壇係光明, 我們應該享有言論自由, 如果你真係爭佢錢快啲搞掂出嚟講一句唔好意思週轉不靈大家會體諒

---

作者: 流浮山    時間: 2017-10-25 11:00

建議貓哥刪晒黃x亮的帖, 唯恐天下不亂

---

作者: CXC    時間: 2017-10-25 11:11

[attach]45977[/attach]

---

作者: TabTab    時間: 2017-10-25 11:14

引用:

原帖由 流浮山 於 2017-10-25 11:00 發表
建議貓哥刪晒黃x亮的帖, 唯恐天下不亂

---

作者: 速鳥    時間: 2017-10-25 11:49

今次是乒壇上的「黑白要分」非常嚴重事件，所以一定要好好處理，免日後有人再氾下同樣錯誤。

---

作者: 主席    時間: 2017-10-25 12:14

管理員千萬別關帖
香港是言論自由的

---

作者: grizzlyhk    時間: 2017-10-25 12:22

引用:

原帖由 主席 於 2017-10-25 12:14 發表
管理員千萬別關帖
香港是言論自由的

言論自由是有很大的限制的

---

作者: Oris    時間: 2017-10-25 12:37

請對事，不要對人，，，，，

---

作者: tkoman    時間: 2017-10-25 12:41

言論自由也有底線...  最近新聞都經常提到...

---

作者: Goodluck    時間: 2017-10-25 12:49

無論咩原因都不是欠人薪水的理由！
我想表達的是：如何才能幫那位年輕的助教追回薪資？

---

作者: Goodluck    時間: 2017-10-25 12:55

如果我是欠債方，聰明的作法是拿拿臨還錢平息此事就算了，。乒乓界抬頭不見低頭見，無謂留下壞名聲，遺臭萬年

欠資方，你說呢？

---

作者: Hotmail    時間: 2017-10-25 14:14     標題: 回復 74# 的帖子

吾好亂吹先
講講下又話去澳門賭錢
離曬題

---

作者: FF7    時間: 2017-10-25 15:12     標題: 回復 71# 的帖子

言論自由的底線係唔犯法就可以

---

作者: Oris    時間: 2017-10-25 15:22

實事求事各方對事，真金不怕火

---

作者: GIN    時間: 2017-10-25 16:09

提示: 作者被禁止或刪除 內容自動屏蔽

---

作者: 速鳥    時間: 2017-10-25 17:40

如果想吐真相但怕露面，可以開過新「account」，再暢所欲言

---

作者: charmway    時間: 2017-10-25 17:50

言論自由係香港的核心價值

---

作者: HKSpurs    時間: 2017-10-25 18:31

睇不到

---

作者: FF7    時間: 2017-10-25 18:41

如果個教練真係欠人錢既，比番人地應有的人工個後生仔啦

---

作者: alberluk    時間: 2017-10-25 19:02

其實有口頭協議，基本上已經有法律效力，唔知邊位天才兄弟話去報警，欠錢是民事，不是刑事，警方不會彩你。追數不外乎，用法律、私人、聘用收數公司。不過，欠債五萬或以下，要用小賠錢債方式，通常費用幾十至一兩佰左右，欠債五萬至一百萬，去區域法院申請，要找律師樓處理。另外，就是用收數公司，不過，一般私人債務，可能收費，通常是欠債金額三至五成不等，他們有他們的收數方法。…………不要以為是吹水，本人做收數時，很多小朋友都未出世，由幾百到幾十億都追過唔少，那些欠錢唔還通常都作千百萬理由。

---

作者: 詠春打法eric    時間: 2017-10-25 22:05

乒乓論壇 新時代 黑暗 特色言論自由 思想
除了私下 調解(例如七局四勝 ,敗者退出江湖… )
較可行的若有實證可花一百幾十到小額錢債署申訴,不用律師費

[ 本帖最後由 詠春打法eric 於 2017-10-25 22:09 編輯 ]

---

作者: Oris    時間: 2017-10-25 22:37

助教可能一百幾十元一小時，如三萬銀要300小時

---

作者: ycfu    時間: 2017-10-25 23:19

教左幾多鐘咪出返幾多糧，好簡單。

---

作者: ycfu    時間: 2017-10-25 23:29

清清楚楚，互不相欠就最好。

希望雙方面都能夠平心静氣處理，逹致雙贏 。

---

作者: 乒乓在線    時間: 2017-10-25 23:43

乒總應發指引片段， 內容要有:“潘教練， 計返工資俾下屬， UN唔UN?”等類似字句

---

作者: 葉師傅    時間: 2017-10-26 00:11

如若真有其事，可否向冰總投訴P教練行為操守有問題，讓冰總對該敎練作出適當警告或評審？! 始終佢都係有牌教練！

---

作者: 心水清    時間: 2017-10-26 00:11     標題: 回復 41# 的帖子

魔教教練 “拖糧” 3萬，可以發展至建議助教再自掏1萬，即 “入股” 4萬，後來更演變至助教倒欠3萬……皆因那是“學師費”！Whatsapp截圖、語音紀錄，證據確鑿！真不理解作惡者何以還能掁掁有詞：「研究按法律程序控告xxx助教誹謗罪……」！只能慨嘆世風日下，人心不古！教練累積多年的名聲（如有）已毁於一旦，正所謂一子錯，滿盤皆落索！相信受害助教呈報所有證據，定能討回公道！（其他受害者請勇敢站出來，不要再啞忍啊！）

---

作者: 心水清    時間: 2017-10-26 00:17

引用:

原帖由 葉師傅 於 2017-10-26 00:11 發表
如若真有其事，可否向冰總投訴P教練行為操守有問題，讓冰總對該敎練作出適當警告或評審？! 始終佢都係有牌教練！

應該要向冰總作出投訴，因註冊教練必須遵守「教練行為守則」！

---

作者: 苹果    時間: 2017-10-26 02:01

最後一次聲名，我唔係𠴱教練哈
原來這裡是討債貼，而唔係討論貼。
那我都還是幫個助教講吧，費事你們又要罵人了。希望𠴱助教早日拿回錢
仲有啊，有打算買樓的，可以來觀塘牛頭角搵我買樓哦

---

作者: 145    時間: 2017-10-26 02:16

如確有其事，都係快d處理好錢銀問題，不要拖糧。pt按鐘出糧，ft按月出糧？
廢青我一直以為係自謙既說法，形容他人不好。
乒乓圈子細，如在圈內搵食，都是和氣生財好。
個人收穫:
1.如果有日可以做老闆，不要拖糧
2.沒有絕對的好人，亦無絕對的壞人，得饒人處且饒人
3.俾論壇公審可怕過俾法官審 /乒總罰 ，
4.乒壇好似幾複雜，都是利益惹得禍，有人幫忙解決緊問題，有人卻似火上澆油。
希望受委屈的人得到自己應得的酬勞，也希望還乒壇一個簡簡單單開開心心打波的淨土。
全職乒乓球教練賺得多嗎？有前景？多，有經驗教練就好心不要拖糧，少，剛入行助教就當興趣做pt算，搵第份工。

---

作者: 見義勇為    時間: 2017-10-26 06:51

事情只會愈搞愈大，希望雙方可以解決問題
主教練出返糧就冇事

---

作者: DGChan    時間: 2017-10-26 09:07

咁我信有很多好教練，但我有朋友個仔係港島区學乒乓球就预到過講普通話大陸專才教练，話我朋友仔球拍不行，要換膠，但話初學不用換新的換舊膠都得，重要話平啲比你，話本身400幾一塊，而家賣比你600兩塊，我朋友唔識就只好聽他，換出來大小不一，氣死他，预到這種教练大家点睇？

---

作者: DGChan    時間: 2017-10-26 09:08

咁我信有很多好教練，但我有朋友個仔係港島区學乒乓球就预到過講普通話大陸專才教练，話我朋友仔球拍不行，要換膠，但話初學不用換新的換舊膠都得，重要話平啲比你，話本身400幾一塊，而家賣比你600兩塊，我朋友唔識就只好聽他，換出來大小不一，氣死他，预到這種教练大家点睇？

---

作者: DGChan    時間: 2017-10-26 09:46

希望助教追返主教的錢，也希望各助教以後不再做助教，有能力就自己做主教收學生錢就不会有這些事發生

---

作者: DGChan    時間: 2017-10-26 10:06

Cto早晨了，我不是新会員，老波友了

---

作者: DGChan    時間: 2017-10-26 10:40

覺得你熟啲，我屎波八卦，同好多啲世侄一齊打波

---

作者: DGChan    時間: 2017-10-26 11:04

聽講，只是聽講P教练同熊貓教練拍擋好幾年，之前還有同鄉鋒教練，但熊貓份人都係利字當頭又陰險，收到了另一個謝拍擋及普通話教練錢就可有學生教，但又唔夠學生，所以就想趕走利用完的P拍擋，逼走曬啲拍擋要自己話事又賺多啲，背後又搶拍擋教开的學生，所以之前又買樓，好似好好景咁，又南記又深圳波記球館。*不過未確認是否真確？*知情者可上來講下，我都想知多啲內情

---

作者: Oris    時間: 2017-10-26 11:32

一单归一单，，一，，，

---

作者: Oris    時間: 2017-10-26 11:34

用来搞清事实的真相，，，

---

作者: DGChan    時間: 2017-10-26 12:06

如事件真確，有啲家底的教練無學生又想做主教練，比錢熊貓，他應該也会答應，又可收錢，還有不知道彭助教還有在該球会教波嗎？

---

作者: DGChan    時間: 2017-10-26 14:17

如果咁黑暗，P教練看到也可出來説下，免得大家只針對你，乒乓球界太多大大小小是非，誰對誰錯，拿出來討論下，我聽説乒X及

---

作者: DGChan    時間: 2017-10-26 14:23

和

---

作者: DGChan    時間: 2017-10-26 14:24

和

---

作者: DGChan    時間: 2017-10-26 14:26

和

---

作者: DGChan    時間: 2017-10-26 15:18

和

---

作者: alberluk    時間: 2017-10-26 20:25

不斷打個和字是什麼意思？特別代号

---

作者: 日橫直削    時間: 2017-10-26 20:37

真的不相信教練會報警, 理虧一方報警真係未聽過

---

歡迎光臨 香港乒乓網 (http://hkttf.com./)

Powered by Discuz! 6.0.0