香港乒乓網 - Powered by Discuz! Board

標題: 狂鏢一 [打印本頁]

作者: 直直地 時間: 2018-4-13 20:32 標題: 狂鏢一

呢排講左好多筆，係咪有d悶。。。？

好，大家換番件大花鬆身短袖有領 T 恤
我地今日入去二號廠，玩下第二樣。

左手兩支，右手一支，目空一切的眼神，
穩如泰山的手臂，彭拜的專注力，
最後通過簡單，高效的動作，在最奇妙的一刻，鬆開手指，
讓金屬注滿狂野的氣焰，按照預設的軌跡，直奔目的地，
起、承、轉、合：低沉的入靶聲音，“服” 一聲。
入木三分，為180揭開序幕　First 60!

左手一支，右手一支，得一想二的慾望，
複製５秒前的動作，面對更小的空間，面對更大的挑戰。
再一次，起、承、轉、合：“服” 一聲。　
邁向光榮的進程，Second 60!

左手只感受到微弱空氣的流動，右手拿著最後一支，
肩負重任的最後一條拋物線，空間越小，渴望越大。
僅餘１.５平方釐米的位置，
僅餘１.５秒的滑翔曲線。
人鏢合一，將至未至的光榮，身後鴉雀無聲的朝聖者，
鏡頭赤裸地放大剩餘的紅色狹小空間，
最艱巨的起、承、轉、合：　“服”。

帶著漠視對手的微笑，
看著１８０旗海飄揚，
接受群臣的歡呼！

今日講 - 狂鏢。
不過唔使灌。

唔知幾時開始，坊間又流行掟鏢。
不過硬鏢年代在香港，好似已經不再。
連偶像Phil Taylor都話要退休。。。

宜家只剩底壞蛋 MVG。。。
（其實 MVG 唔係咩壞蛋，

只係個樣似衰人姐。。。）
唉。歲月不留人。

宜家喜歡掟鏢既，都系軟鏢。
錦人就要與時並進既，所以，我講，硬鏢！
系，我一向都叛逆味濃。

我講既掟鏢，
唔系食食下雞翼走出黎，
對住個 Bilibala 既閃燈膠牌
摞住彎彎曲曲既塑膠鏢，飛落去拍怕聲過ｄ活動。

我講既，系。。。傳統既硬鏢。
我鍾意掟鏢，安安靜靜既掟鏢。硬鏢。
你喜歡嗎？

至於講鏢既乜嘢，下回分解！

作者: 乒乓在線 時間: 2018-4-13 20:40

事與物連結，無啤酒飲唔想手掟鏢