防守王

今次帶大家黎到香港仔 UPHAAR INDIAN RESTAURANT - 禮品印度餐廳. 雖然呢間餐廳睇落去唔係咁顯眼. 而且位置都唔係咁揚. 但佢既生意都唔差, 而且佢開正香港仔海皮有豪宅對面, 自自然然會吸引到一D高檔少少既客源. 當然啦, 若果呢間店既野唔好食或者過貴, 都唔會有人采佢. 我之前黎過三兩次, 水準都算KEEP得既好, 而且近期仲黎左個幾靚女既Waitress. 有印度人既感覺, 亦有好東方味既甜美. 得閒真係要去多兩次先至得.......

以前香港仔都有另一間印度餐廳, 不過因為某種問題, 最後執左. 而家就剩低呢間


舖位唔大, 擺放左七八張檯. 但係都尚算舒適


果個靚女WAITRESS成日周圍走, 搞到我影唔到佢, 只係影到個靚仔!!


佈置都算幾有心機, 好好笑下, 花樽係寫住"花開富貴".....咁中式既.....


先黎個PAPADAM, 加多杯 KINGFISHER. (75分)        


再黎一個必食既SAMOSA, 不過我嫌個皮硬左少少. (65分)


TANDOORI CHICKEN, 香料十足, 呢個雞我覺得係呢度最好既雞!!! (80分)


時間同埋人手既關係, 食完件雞先至黎個ONION RING. 襯熱食就香好多.(70分)


GARLIC NAN, 香味, 只係個包皮做得差左少少. (60分)


呢個係Curry Prawn, 出奇地食到好新鮮既蝦, 我仲以為係雪蝦 (75分)


MASALA MUTTON, 無乜騷味, 不過唔夠香, 有少少失望 (60分)


炒雜菜 - 呢個求其叫, 因為想食菜, 又唔想食太漏同埋太辣. 可以啦(60分)


食飽飽, 就比個糖糖我地試下. 玉桂都幾好食!!!!




[ 本帖最後由 防守王 於 2008-11-28 11:42 編輯 ]

防守王

我未試晒所有野, 其實又唔係低分, 我講六十分以上, 已經覺得多過中間, 值得一試!!

防守王

印度野唔係一定要辣先至好食. 其實印度既菜式落既香料都好多種, 好正!

防守王

都好耐以前囉!!!

防守王

我用我部電話影嫁咋!!

防守王

有套餐, 舊零水搞掂!! 都ok嫁! 不過係香港仔wor! 你o岩路咩?!

防守王

咁有好多印度菜館都好掂既, 不過我去過呢間就順手介紹一下o者!