防守王

星期五反正無乜野做. 放工都八點幾, 就搵老友食飯, 點知我地行左幾間中菜都爆晒. 所以我地最都決定食咖哩. 豉油街呢間咖哩大皇係唔錯既選擇.


個FD一路行一路問我食唔食得辣. 我就反問佢: "識左我十幾年都唔知??"


平日行過好多次, 硬係未幫襯過呢間. 今次都係一個新嘗試呢


入到去間舖就即刻見到個印度人公仔既招牌


度度都爆棚, 呢度都唔例外, 不過非主流既食肆, 都係等左一陣就有位啦.


坐低左就睇下食乜先!!                                       


乜都係假, 先黎個生啤......65蚊一喳. 食辣野無佢點得? (我一個飲晒!! heeee)

女友就叫左杯唔知乜冰                                      


老友就飲椰青...........我就無乜興趣....


小食先上 - 炸海鮮 (蝦, 魚, 帶子, 同埋蟹鉗)


再加多個雜錦拼盤 (串燒雞, 牛, 炸春卷, 咖哩角)


油酥餅                                                  


招牌印度咖呢雞, 兩隻辣椒級數!! 掂!


睇下個飯既得意. 一睇就知道中間開個窿愛黎放咖哩汁啦.   


干咖哩炒蝦 - 干咖哩可以, 但係蝦黎計, 我嫌佢細隻!! $138嫁. 都唔平!


MADRAS MUTTON. 唔記得中文係乜羊!!!


馬拉盞炒雜菜.                                      


三條友食咁多. 都算係幾滿足啦......


送上甜品. 今晚食左接近六舊水. 都算 OK!!


雖然唔算抵, 亦唔係極品. 但係若論咖哩出品都算唔錯既選擇. 個招牌咖哩雞最正.

[ 本帖最後由 防守王 於 2008-11-28 11:20 編輯 ]

防守王

豉油街88號!!!

即係旺角NEWAY CITY 隔離!!

防守王

呢間咪就係金星隔離果間囉!!

防守王

其中一張相都有影到個地址wor!!!

防守王

唔使客氣,

其實唔係咩介紹. 只係我自己食過. 都係ok先至post 出黎.

防守王

引用:

原帖由 朋友 於 2008-11-24 19:23 發表
呢間野之前係大頭蝦
因為冇咩人汁左
平時我路過見到呢間都睇到好冷清
但係點解 影到咁多人

第一. 唔知你見既平時係幾多點...
第二. 我去食果晚, 星期五. 度度都爆. 呢度有位仲唔個個中埋黎咩. 包括我...

不過食黎計, 真係唔差

防守王

推門入去既係我女友. ............街霸