我用我自己0既經驗去講一下練基本功。我覺得有一點好重要，亦系好多人會忽略0既，距就系“揸板”。唔知有無人睇過馬琳
0既教練吳敬平0既文章。距系文章里面就講咗揸板0既重要性。如果揸板0既手指動作和手腕角度唔正確0既話，根本技術好難提升。我見過太多人學咗3-4年波都無乜野進步。最致命0既地方就系揸板錯誤。所以，系練基本功前一定要先搞掂揸板0既正確動作。可能好多人會笑。揸板有乜野0甘難。其實我睇好多人打波經常有好多無謂失誤。個D都系揸板動作唔正確造成。例如，高球打出界，無轉波會拉落網或拉出界，拉波唔夠轉或者無威脅，拉波無第二，或者第三板，拉波0既時候身體會向上升等等。可以講真系好多。但好多人唔會0念到系揸板問題造成0既。
樓上好多朋友講無錢或者無時間打波。我覺得一開始練基本功的時候，最好多做徒手練習。反而唔好上臺練習0甘多。點解呢？因為手腕和手臂的動作仲未夠穩定0既時候，上臺練習就容易造成好多毛病。平時系屋企對住鏡練習。同一個動作每日起碼做30-50次。例如，正手攻球。對住鏡睇住收小臂0既動作。仲有轉腰0既動作。做呢個正手攻球0既動作時候，一定要腳尖觸地面。身體向前傾。可能做呢個正手攻球動作會悶。建議放一D拍子節奏比較明顯0既音樂。然后跟住音樂去練習。0甘樣亦可以練習到你身體和重心都有節奏地去擺動。正手攻球0既動作可以講系打乒乓波里面最基本和最重要。雖然呢個動作系比賽中幾乎用唔到。但系距關乎于日后各種技術0既提高。例如，拉波，大板扣殺等等。。。
