小弟第一次出評測,多多支持
由於小弟只有170cm
,加上瘦底,所以揀拍方面都想輕為主
最後揀左一塊只有76-77g既infinity vps v(下稱vps),我係某3樓買既,佢比左大約10塊我磅,大部分都係80g, 個老闆都好好人幫我上左護木劑
配膠方面,正手neo狂飆3(冇灌),反手xiom銀魔3
我打左一個月,都叫清楚自己既板,好啦,入正題
評測內容:
正手攻球方面,vps既脫板速度真係太快,唔咬波,一開始都唔太習慣,正手真係好難打透,可能小弟技術有限,打左10次之後先叫打得透
力量方面,始終係一塊純木底板,力量相比起碳板(同我塊銀河mc4比較)6-7成力會遜色,但8成力開始就好好用,打呢塊板要好識搵位發力,如果唔係發揮唔到,但有一樣好重要既野要提大家,就係千期唔好好似我咁買76g太輕有D虛,一定要買80g或以上,因為vps底勁唔太理想,借力都麻麻,主動發力先係出路,如果唔係就一直比對手壓住黎打
手感方面,同大部分評測一樣,超清晰,亦都係我買vps其中一個原因,非常有利打小球同控制自己中近距離既力度同落點,講到落點,vps簡直係隨心所欲,上台率都好高
旋轉方面,個人覺得同配膠有著密切關係,正手一如既往咁轉,弧圈拉出黎唔算特別低,但落點預判好好,反手方面,向來都係我強項,不過可能銀魔關係,旋轉好差,削球更加係死穴,vps應該追求主動發力擊球,不斷進逼對手,多於玩弄旋轉
連續性方面,呢樣應該關我基本功事,我呢大半年都打返波,而且未搵教練執姿勢,所以連續性較低
總結: infinity vps係一塊好拍,但要有一定重量,本身vps板面好硬,所以正手打得透既,大路既膠(eg狂3,r7)都岩打,但如果比我揀多次,我會揀省狂,反手方面,唔好揀硬既,最好揀中軟
tips: 非常建議想買vps既朋友唔好慳錢係買膠方面,我反手膠就係貪平,所以買左銀魔,最後要搞到轉膠,vps係一塊勁容易拉絲既球拍,唔搽護木劑同自殺冇分別,建議大家配膠不妨花多點時間及心思,因為痴左就唔建議撕膠,我已經搽左護木劑,但依然有少少拉絲(一陣補圖)
最後補多句,小弟技術有限,盡力做評測,事關我買vps既時候,你地比左好多意見我,所以都好想做返個評測報答呢個forum
歡迎發問
