青見人

其實好多人也因為某球員打咩板就以為自己又啱打，不錯以馬琳來說，他當然可以以YEO在中檯和頂尖球手抗行，問題有很多，就以馬琳於體能上的訓練量，身體素質，我們業餘的又能百分百做到嗎？又以波爾ALC，個個買咗就以為變咗波爾兩面咬球隻隻反拉！結果很多球友也反映點解波爾可以咁打點解自己又不像他咬得咁實，再以水谷來説，好多球友又買水谷打諗住可以好似水谷打得咁柔咁高弧線咁供，結果自己打時拉襯都不夠弧線，平飛多，球速是不錯，但就沒他的效果！
大家可諗下為何！

alanchan

好, 等我呢個低手又來胡說八道一番~~~

其實呢, 有時用乜乜選手來比較板的高低感覺不太公平, 就如 球賽上 波爾 打敗 馬琳, 我們不會說 Butterfly Timo boll ALC 勁過 YEO一樣~~~(排除個體差異, 這是兩種完全不同的板丫)

而價值相對去比較的話, 有時也比較偏頗, Nittaku Ludeack vs Butterfly 張繼科 Super ZLC, Ludeack超超超超超超 x N x 1000n次方, 平丫!!! 對於 李加X , 呢D 神沙價 姐 !!!

所以最好係同一個人用過兩快板的感覺, 或者係你自己借過兩快板來打比較好.

所謂菜鳥愛燒板, 小弟低微的技術之下, 幸或不幸地都有這兩快板一段時間 (Ludeack ST x 1 FL x1, YEO FL), 雖然後來送或賣了....

YEO 我 同意 是神師兄 的說法 近檯, 因為聲音!! YEO打出去的聲音比較高, 亨亨聲的, 讓人感覺這快板很硬, 薄而硬的感覺, 在近檯大大板打丫扣丫, 感覺很開心! 但出檯拉, 呢種感覺不夠安全, 好像太過低平. 我呢個低手發揮不了! 馬琳快來表現下丫~~~~  

小鳥, 聲音比較低沉, 像打鼓(高音過打鼓, 只係我想不到好的形容), 真係我的最愛, 成快板感覺好穩, 好安全, 拉的時候震動似五夾, 扣的時候又控到落點, 什麼技術都好穩, 大力時板身不跳(有一些板因為好跳, 練習時打攻球都....落點控不好). 但.....太穩, 真係太太太太穩了, 兇不起來, 扣左十板拉左十板個對手都唔死.....( 對手太勁唔好賴快板).....之前有個賣二手的波友說, Allround板.....
最後我也送了出去, 原因不是勝不了對手(我跟本技術不過關點嬴丫), 係橫板個柄太太太太太太細, 你想像一下一支牙籤篤一粒魚蛋, 之後發一下.....

小弟胡言亂語, 大家笑下就好了~~~

還有, 小弟打橫板的~~~

[ 本帖最後由 alanchan 於 2014-1-22 19:55 編輯 ]

葉師傅

見各位師兄咁有興致,我又同大家分享下 ! 其實4種馬琳系列的球拍我都曾借過來打一陣 . 就我而言4種馬琳拍基本係差不多一樣打法,但是從球感到力度表現各有不同 . yeo最食波但最冇力,所以需常常用澎漲濟 . ysca比yeo較有力,適合新手轉用 . 而yca最理想,食波同去波都有良好表現 . 最有力係max carbon,個波一去好難返 . 我既結論係同一類型的唔同球拍係唔同人都有唔同既表現架 !

cgwc

引用:

原帖由 alanchan 於 2014-1-22 19:45 發表
好, 等我呢個低手又來胡說八道一番~~~

其實呢, 有時用乜乜選手來比較板的高低感覺不太公平, 就如 球賽上 波爾 打敗 馬琳, 我們不會說 Butterfly Timo boll ALC 勁過 YEO一樣~~~(排除個體差異, 這是兩種完全不同的 ...

請問有邊系列的板柄會比較粗？？？除了an或自己買手汗帶包柄外？？

是神

Stiga 通常粗一些。

johnli

樓上各位師兄都俾左寶貴意見. 各人有各人既道理.  如果我係樓主, 我只會考慮YEO同小鳥. 呢兩塊性價比高.

1. YEO直板我有, 小鳥直板借過波友打過. 兩塊都係好板, 拉波易到檯, 手感好.  在下係兩面拉波加扣殺打法.  如果樓主好似在下最多退到中檯同識少少全身發力拉波, 咁就YEO啦.  YEO 係手感方面勝小鳥少少.   但小鳥7夾板力量大些, 遠檯拉波一定勝YEO.

2. YEO板厚6mm. 小鳥板厚6.5mm.  板越厚, 力量大, 但手感會差少少.  如果樓主初學橫打, 板薄些會令你橫打到檯率高的.  橫打因為你拉波時因見不到波, 更需要一塊手感好既板.

3. 另外, 如果樓主有機會打下5夾純木板紅雙喜狂飆皓2(舊名656), 板厚約5.85mm - 5.95mm, 可能會選呢塊.  但現在好難買到, 就算減左價, 都接近1千大洋, 係唔係比YEO好一倍? 當然唔係, 係扣殺, 拉波力量勝YEO少少. 板柄比YEO粗些少, 拿上手較舒服.  買呢塊, 因為紀念王皓直板橫打同有細個打紅雙喜板既回憶.  如果樓主係打"舊Stiga OC", 皓2的木同 舊Stiga OC一樣 (Koto-Spruce-Ayous-Spruce-Koto), 樓主應該最習慣.

最後, 買板千萬不能急, 越急越錯.  問波友借來打幾板, 感受下哪一塊先係樓主至愛.

testingstocks

感謝所有講解, 請問如果底拍是Yasaka YEO,  應該用什麼膠皮 ? 正手膠皮可用紅雙喜Neo天極2，反手用Butterfly Tenergy 64。   有一些其他的選擇嗎？ 正手膠皮XIOM Vega China ? 反手用Donic Baracuda ?  謝謝

johnli

引用:

原帖由 testingstocks 於 2014-1-23 10:25 發表
感謝所有講解, 請問如果底拍是Yasaka YEO,  應該用什麼膠皮 ? 正手膠皮可用紅雙喜Neo天極2，反手用Butterfly Tenergy 64。   有一些其他的選擇嗎？ 正手膠皮XIOM Vega China ? 反手用Donic Baracuda ?  謝謝

正手可考慮: Andro Rasant 2.1mm, Andro Rasant Turbo 2.1mm (兩塊都好好, Rasant turbo 硬過 Rasant 少少, 更快, 拉弧圈都容易 ),
反手可考慮: Xiom Vega Asia, Donic S2, Donic Baracuda.  前兩塊快過Baracuda少少.

oscar115

感謝多位高手幫助, 小弟決定買YEO! :)
正手用Donic Acuda S2 FD
反手用DoniC Baracuda FD

super_phoenix

兩塊膠調轉用會好啲

pwnnek

用YEO既話, 正手建議用JP01 (自己用緊, 夠力, 有速度, 又易控), 反手用JP03應該係唔錯既選擇黎~

oscar115

因為我自己E家用緊呢兩塊, 又無錢買新膠, 所以諗住KEEP住用呢兩塊。
反轉會好D？