昨天下午2-4 pm, 兒子和一位 首次見面的hkttf波友打波切磋,
可能兩人打波水準相約,
大家都玩得很開心,
打完兩個鍾, 小兒意猶未盡, 還想加鍾,
但波友哥哥話有點累,No la, 下次再打!
一個愉快的下午!
之後, 兒子回家吃感冒藥和做功課!
晚上又出動, 去參加乒村波局!
可能下午額外打左場波, 小兒有點累, 再加上患了感冒,
所以他晚上打波時冇神冇氣!
不過, 昨晚的波局, 我估他一定很開心,
因為他2:1 贏左一位他一直很想贏,
但從未贏過的波友哥哥!
其間, 又有多次遠台對拉的相持球,
很刺激!
近期我常駡小兒, 練波時不要退台玩拉波,
但看他最近打分的波局時, 才發覺退台拉波, 有時真是必需的!
哈哈哈, 遠台對拉, 又幾激, 幾好睇喎!
以往打完乒村波局, 我踏單車載他回家,
沿途小兒定會興奮地與我分享番當日波局的情況,
但昨晚打完波, 他說很累,
回家途中, 坐在單車後的他, 把頭伏在我背上,
很安靜,不發一言,
不知他是否睡著了!
