tsui0101y

反膠主動製造旋轉能力強，出面玩削球多數玩長膠，但我最近遇到一個直板用雙面反膠主動製造旋轉全削球既球手，想請問下橫板快弧點打雙面反膠全削球？

佢打法球速不快，主要開不轉或急旋轉高球到我正手，之後打法全削製造旋轉到我左右兩邊底線追身，特別係個球二速彈好高同急轉

[ 本帖最後由 tsui0101y 於 2016-12-11 21:55 編輯 ]

悠閒一族

引用:

原帖由 tsui0101y 於 2016-12-11 21:27 發表
反膠主動製造旋轉能力強，出面玩削球多數玩長膠，但我最近遇到一個直板用雙面反膠主動製造旋轉全削球既球手，想請問下橫板快弧點打雙面反膠全削球？

佢打法球速不快，主要開不轉或急旋轉高球到我正手，之後打法全 ...

直接搶攻

tsui0101y

我都有直接搶攻，打法大約正手快帶接佢開球回到佢正手，之後佢開始加轉追身，我就會被迫退到中至遠

tsui0101y

我都有直接搶攻，打法大約正手快帶接佢開球回到佢正手，之後佢開始加轉追身，我就會被迫退到中至遠

tsui0101y

（由於帖出現問題有字出唔到，承上內容）

一直拉佢正手，有時我會反手推擋到佢反手位

悠閒一族

引用:

原帖由 tsui0101y 於 2016-12-11 23:14 發表
我都有直接搶攻，打法大約正手快帶接佢開球回到佢正手，之後佢開始加轉追身，我就會被迫退到中至遠

如果師兄退台比較差的話，唔退台，直接打

悠閒一族

引用:

原帖由 tsui0101y 於 2016-12-11 23:22 發表
（由於帖出現問題有字出唔到，承上內容）

一直拉佢正手，有時我會反手推擋到佢反手位

斜線打法？

tsui0101y

我都有諗過，但呢個技術我仲未掌握到，我感覺上呢個技術應該係正手拉側旋弧圈球變線，我正在練，我跟呢個球手經常打，我會慢慢練習 而且呢個球手我感覺到佢反手比較差，所以我攻反手技術應該必須掌握

egghead1969

我都撞到有個削球手又係咁，除樓主講個個問題外；我發現就係佢可以加到則旋，真係好大獲；個回球低球速快且帶則下旋，要好快走到位包住拉起，而且因帶則旋 ，唔係咁易拉兩大斜線位 (可能技術低掛 )。
現在我都對佢都係拉起高吊，慢慢攪，不過輸多

tsui0101y

我個球友佢拉既球就球速不快，中速左右，但佢上下側旋都拉到好轉同追身，而且佢都幾多滴死同刷邊出界，我多數球被迫退到中遠檯下降期前衝或爆衝佢，但佢都削得返，好幾板先打完一球，我個削球手反手比較弱，想問師兄你個球友係咪？

tsui0101y

另外對佢甚少會有檯內球出現，擺短 劈長等根本冇咩機會打到

[ 本帖最後由 tsui0101y 於 2016-12-12 12:52 編輯 ]

GatienExtra

強化正反手基本功及步法，對方戰術 開出台，兩邊底線大角，再配合追身。如果基本功好就不懼怕，先有技術再有戰術。削球怕突然，如果弧圈質量不夠高，扣殺效果比弧圈更好

egghead1969

佢反手係弱，不過只限削個方面，我估係反貼食西，但有時機會波時，佢都係會拉或打，總之覺得唔係易對付過長膠
我指球速快，係相對長膠

[ 本帖最後由 egghead1969 於 2016-12-12 14:43 編輯 ]

tsui0101y

多謝師兄意見

tsui0101y

反膠削球比長膠轉，但長膠防弧同怪比反膠好，咁削球手一般反手比較差，我地可以其中一點從呢方面入手

friendlybrother

引用:

原帖由 tsui0101y 於 2016-12-11 09:27 PM 發表
反膠主動製造旋轉能力強，出面玩削球多數玩長膠，但我最近遇到一個直板用雙面反膠主動製造旋轉全削球既球手，想請問下橫板快弧點打雙面反膠全削球？

佢打法球速不快，主要開不轉或急旋轉高球到我正手，之後打法全 ...

對付削球打法，由於對手已離台，預備接招，故此，純粹靠大力抽擊或爆衝係無可能咁容易打得死佢，而且消耗體力也大，你辛苦赢了第一局，恐怕再沒有體力繼續打落去。

因此，應該以落點及旋轉變化去令對方失誤。很多球員很喜歡搏命發力拉削球手的兩大角，這是嚴重的錯誤，因為若果削球手站在中間，兩大角的位置是不需要跑動，伸手已經到位，削得好舒服，你就一直浪費體力去死拉。

正確線路應該是先慢吊對方的反手小三角位，由於削球手通常沒有強勁的反手弧圈球進攻能力，這比較吊正手位安全，可以有效防止被削球手用正手反攻。你吊佢反手小三角位，可以有效迫削球手一定要跑去反手大角度位置，佢唔可以企定定的舒服回球，他被你調動了到反手大角度位置，就露出正手位大空檔，你就趁機發力衝他的正手大空檔位，由於要來回跑動，又有速度變化，這大大增加了削球手的回球難度，若果仍然可以削回，相信回球的質量不高，你第三板可以衝他中路偏腰則追身位置。

除此以外，你也可以運用弧線的高低，制造長短不同，磨擦多少，制造旋轉變化，一時長一時短，一時有轉，一時無轉，配合反手小三角調動佢跑來跑去，在跑動過程中，肯定比較容易失誤。

若果你連續拉很累，也可以拉一板迫佢退台，然後再擺短，既可以休息一下，也令到削球手要從遠台跑上前，增加回球的難度，令佢跑來跑去，消耗佢的體力。

至於拉側旋，小弟並不同意，因為對你拉弧圈球的命中率有影响，側旋可能也令到你拉漏油。

以上戰術，並非空口講白話的，因為需要你的基本功去實行，若果你的技術做唔到準確吊對方的反手小三角位，又或者你的弧圈球水平不支援你拉有轉無轉，長短高低弧線，擺短不夠短，你無法執行上述戰術去贏，唯一方法就是先練好基本功，自己要有技術進步，正如黎明話：「要赢人，先要贏自己！」

[ 本帖最後由 fastloopattack 於 2016-12-13 11:32 編輯 ]

egghead1969

拉無轉弧圈球，點拉

friendlybrother

引用:

原帖由 egghead1969 於 2016-12-13 02:27 PM 發表
拉無轉弧圈球，點拉

你教練無教你如何拉有轉無轉弧圈球嗎？發球和搓球也可以分有轉無轉的，你也不懂嗎？乒乓球和其他運動比較，就是有旋轉變化的分別。因此，不懂得制造旋轉變化，根本不算是乒乓球高手。

拉波、發球及搓波制造旋轉的方法就是增加磨擦比例，及增加磨擦的力距，方法有兩個：

1. 磨擦的位置接近膠皮的牌子，即是近一點手腕，減少力距。

2. 打波動作的發力是全身協調的，到最後是靠手腕持拍膠皮吸住個波，把整個動作的動能傳送給個波，故此，最後的關鍵是手腕的發力，就算你原本好大動作好用力去拉或發球，若果到最後你手腕放鬆曬，令膠皮没有咬住個波去磨擦，你只輕輕的托住個波的底部回球，就不能有效磨擦，這就產生不到上旋了，但是對手卻看見你用盡全身力去拉或發球的假動作，以為好轉，引致錯誤判斷旋轉的強度，就失誤了。

[ 本帖最後由 fastloopattack 於 2016-12-13 15:30 編輯 ]

alivivi

以上技術，真係要高手才能做到，對業餘球手來講，
一拉一搓戰術比較可取，可以回下氣，爭取下一板全
力一擊，發現機會才連續攻一板致命一擊。

friendlybrother

引用:

原帖由 alivivi 於 2016-12-14 01:12 PM 發表
以上技術，真係要高手才能做到，對業餘球手來講，
一拉一搓戰術比較可取，可以回下氣，爭取下一板全
力一擊，發現機會才連續攻一板致命一擊。

對付穩健的削球手，不是基本功薄弱的初學者可以打得贏的，想赢波，還是先從基本功進步行先，有了基本功，才能支援應付的戰術，不是講就天下無敵，做就無能為力。

一拉一搓的戰術也需要良好的基本功才行，因為當削球手削一個很轉的下旋球過來，就算想省力，先搓一板，伺機才發力拉衝或抽擊，都必须要有良好的基本搓功，可以控制好落點，防止對方反攻，特别是來球特别轉的時候，膠皮接觸很轉的下旋來球，是會立即吃轉，個波在膠皮上向前下方高速滾動，若果手上控制功夫不好，隨時吃下旋落網，就算不落網，你把角度調整至剛好過網，但是高速的下旋産生向前衝的力量，個波肯定會回到對方出台的位置，對方就容易反攻，要做到既不吃下旋，又擺短不出台，這是高難度的控制技術。況且，還要控制左、中、右的落點，調動對手失位，做得到嗎？

假設你真的做到擺短，阻止了削球手的反攻，被迫從後跑上來搓給你，你的搶拉衝弧圈球或低球抽擊技術也必須要好，因為削球手搓過來的球肯定帶有强烈下旋，你的基本功夠好嗎？可以拉衝過網並衝向削球手的空檔或中路追身位嗎？

削球手的強項是甚麼？

就是經常練習削或搓下旋，所以削或搓波是強項，和削球手打一搓一拉，並沒有想像中那麼容易可以在搓的過程中調動對方失位，然後很輕鬆的給予你機會球任你衝殺空檔得分。一位出色的削球手，懂得削有轉無轉，你的搓波能力和判斷能力不好的話，會有失誤。因此，歸根究底，無論採用那種戰術應付削球手，都必须要有良好的基本功。

[ 本帖最後由 fastloopattack 於 2016-12-14 15:41 編輯 ]