http://hk.apple.nextmedia.com/realtime/news/20140513/52470032
港女呻拍拖要AA制被圍攻
香港女子經常被指過於精打細算，拍拖時經常要男友「津貼」所有費用，近日網上流傳有港女埋怨「原來拍拖食飯睇戲搭車都要AA」，恐怕男友為她買一包紙巾，都要向她討回1元，質問：「咁同朋友有咩分別？定您當同朋友算係拍拖？」該港女得到不少朋友力撐，但事件傳到網上，雖然有人支持，但更多網民是圍攻，認為她「過於現實」，而且把男方付錢視作理所當然，是「做壞手勢」。
該名「AA制港女」在社交網站hkttf設有帳戶，個人資料相是一頭染啡長髮、化了妝及戴了「大眼仔」隱形眼鏡的女子。她強調自己並非「餐餐要食貴嘢」，認為男人不認計算得那麼清楚。其發言得到數十位朋友讚好支持，有朋友認為「男朋友幫女朋友俾（錢），睇到佢對你有喜愛......唔係錢嘅問題......除女嘅要求日日食大餐就另計啦」。但亦有朋友留言質疑她「拜金」，「拍拖要睇錢份上，拍嚟做乜，咁做拜金女」；另有意見則叫她站在男方多想一想。
其後一名相信是事主的男友現身fb，強調自己跟女朋友如何相處，毋須其他人發聲。
有關發言被截圖後貼到網絡討論區，惹起網民熱烈討論，不少男網民大呻吃過類似苦頭，指許多港女「奉召要男人埋單」，就算不是男友都當「收兵」（收觀音兵），要男方找數，「好老實，好多港女認為佢肯接受你嘅請客，係你嘅榮幸」，認為此類港女亦屬拜金，感情未必能長久。
不過，亦有網民指事件中的男友如果連搭車錢都AA制，甚至買紙巾都要跟女友計錢，該類男友不值得付託，應該即刻分手。另有網民則表示錢不是最重要，只要女方不是次次奉旨，肯作狀爭付錢，或者事後說聲多謝，相信男方感到舒服點。
說到底，男女相處除了金錢，態度亦是很重要，網民分享相處心得，表示跟女友很多時候是「你請我、我請你」，只要有愛，毋須計得太清楚。
