昨天行經公園，見到有隻豹虎仔跳來跳去，於是捉上手玩下
，佢令我想起小孩時的無數回憶……記得當時在舊式7層的公屋年代，好像每區都有一檔金絲猫賣的，還記得每次五毫子抽籤一次，中獎就有一隻金絲猫，記憶中有幾種名稱，分別是，，紅孩兒，大金花，將軍，炮皇，戰鬥力最勁是炮皇，是跟據大細，顏色，戰鬥心去分，用竹籠把他們放在一起他們便會打交，直至一方棄權跳出竹籠為止，這就見每天放學時間，做完功課後都有數十個小孩在這裡玩樂透了幾小時，我們會傾下點樣提高戰鬥力啦，點樣飬耐啲啦，去邊擋金絲猫多啲，平啲咁，再會相約幾個老友一起上山頭去捉……果時環境唔好，父母都出去工作，見到每天都在那裡玩，容易找到我們，加上啲猫叔猫嬸在區內都是有一定勢力，又會和父母說會睇住啲細路免學壞咁，在當時的父母一般都唔反對係度玩的，不過總是有些壞蛋會攪下事的，例如會唔服氣會鬧交，整死人果隻
，有時會大打出手咁，不過主持人多數都控制到場面的（佢地又真係會睇住啲細路喎），到啲父母放工便會到檔口接回走咁，其實都幾溫馨㗎，這玩意就陪伴了我四個年頭，現在已經不見有人賣金絲猫，而這玩意相信對一般六十七十後來又住過公屋的人說絕不陌生，覺得他相比現時啲打機呀，神獸卡呀果啲絕來得生動刺激滿足感得多……還記得好幾次走失了金絲猫時真會哭得死去活來㗎，
最後多謝收睇本文，你們又有什麼好的童年回憶呢，都說出來分享下啦，謝謝
