輝Ｓｉｒ

好想有人幫下我，我唔想自鑽牛角尖

自從有次我個仔在學校比個班長舉報班主任話佢講粗口
（其實當時幾佢同幾個同班同學都有講，包括舉報者，不過只是諧音，並不是真正講粗口）
個次比個班主任罰，我無話可說，不過我都同班主任講，點解我個仔講完整件事之後只罰佢一個，
個班主任竟然同我堡仔講：「一件事還一件事，佢會處理」
但最終成件事都無疾而終，當時我唔 Mind ，
當比個仔學下咩叫做做錯要付出代價啦！

如是者，上述事件發生後，個仔已經不時比個老師有意無意間作出針對，
尋日重話因為有個老師投訴，話有其他同學（隔離班）話見到我個仔講粗口，
當時我個仔因為驚....佢事後話好驚，
（因為個班主任同佢講如果佢唔認，而問到其他人證明佢有講就會罰得好重，所以我個仔全程無出聲）

無出聲就代表佢有做，又罰留堂（但上次要記缺點，今次無）

而家我都唔知可以點，唔係話攬個仔，自從上次之後，佢都知道唔啱，亦都無再做、再講，

所以我今次真係相信無講，但個班主任又已經對號入座，好煩，

真係好想知點樣幫個仔還佢清白。

點樣令到個班主任唔會繼續針對佢。

※無聊回覆將會作出扣分/禁言處理。

ttprince

可向訓導主任提出意見

廠長

輝sir......作為老友我唔知點比意見好,畢竟我未成家立室,但係呢件事件上,我亦相信你仔仔冇講,支持你地ga!!!

輝Ｓｉｒ

引用:

原帖由 廠長 於 2010-3-16 23:23 發表
輝sir......作為老友我唔知點比意見好,畢竟我未成家立室,但係呢件事件上,我亦相信你仔仔冇講,支持你地ga!!!

多謝支持

引用:

原帖由 ttprince 於 2010-3-16 23:21 發表
可向訓導主任提出意見

直接見校長會唔會好啲呢？

青見人

我覺得有d野係好難講, 正所謂你做好一百次也不足你做錯一次! 俾人誤會係好難受, 其實你首要係認真觀察究竟你個仔係唔係再犯, 唔係既話就要支持佢, 可以去他校找該主任傾下, 話佢自從上次以後他對我說已沒有說粗話, 雖然主任可說你是他父親所以會幫佢, 但係你可以說你唔幫佢還有誰會幫佢, 你可以解釋最重要係你信佢, 要知道誠實是很重要, 他既然已承認有說粗話(上次), 我地都應該要俾機會佢!  若果又發現有甚麼問題, 希望主任可細心查清楚, 有足夠證據, 我一定唔會幫佢因為我知主任你都係想佢學好!
若果他真是玩針對, 可以..

青見人

引用:

原帖由 輝Ｓｉｒ 於 2010-3-16 23:29 發表

多謝支持



直接見校長會唔會好啲呢？

你打算替個仔轉校嗎?

ycfu

我個女都試過2年班個時被同學話佢講英文老師鹹濕，結果英文老師同私刑困住佢自己係–間企2個鍾，要佢認有講.............

結果我同老婆要求見班立任及該英文老師，講番整件事及提出質疑，希望佢地好好處理，否則見校長由校長處理。佢地都知理虧，結果冇事。

但個一年會比較難過，如果個老師好記仇的話。

你也可以找輔導主任，講出學生有情緒問題，佢地一定要幫手。

最壞情況是捱幾個月，又升班了。

輝Ｓｉｒ

引用:

原帖由 青見人 於 2010-3-16 23:38 發表


你打算替個仔轉校嗎?

無辦法之中嘅辦法

引用:

原帖由 ycfu 於 2010-3-17 00:03 發表
我個女都試過2年班個時被同學話佢講英文老師鹹濕，結果英文老師同私刑困住佢自己係–間企2個鍾，要佢認有講.............

結果我同老婆要求見班立任及該英文老師，講番整件事及提出質疑，希望佢地好好處理，否則見校長由校長處理。佢地都知理虧，結果冇事。

但個一年會比較難過，如果個老師好記仇的話。

你也可以找輔導主任，講出學生有情緒問題，佢地一定要幫手。

最壞情況是捱幾個月，又升班了。

明白，唔該晒

聰聰

輝sir..睇來要令到個班主任唔會繼續針對你的仔仔都係好難,個班主任已經對號入座了,當時情況你的仔仔真係認又係死唔認又係死,細路仔被罸過一次,下次真係好驚嫁!如果有錦的情況再發生真係要見下校長,同校長傾下這件事,我都好相信你的仔仔冇講過,我見過你的仔仔,是乖乖的, 輝sir! 我支持你!

輝Ｓｉｒ

引用:

原帖由 聰聰 於 2010-3-17 00:15 發表
輝sir..睇來要令到個班主任唔會繼續針對你的仔仔都係好難,個班主任已經對號入座了,當時情況你的仔仔真係認又係死唔認又係死,細路仔被罸過一次,下次真係好驚嫁!如果有錦的情況再發生真係要見下校長,同校長傾下這 ...

多謝分析

青見人

引用:

原帖由 輝Ｓｉｒ 於 2010-3-17 00:08 發表

無辦法之中嘅辦法



明白，唔該晒

錯喇, 我意思係如果你直接找校長, 你就準備轉校啦因為個主任一定玩針對!
所以應見下個主任, 看看他有幾多斤兩, 再與他相談, 話俾佢知如果阿仔係有錯你唔會幫, 但係如果係無衊佢, 你係唔會坐視不理!
情況唔理想, 第二步當然係去見校長, 第三步就當然係去信.. 教育署等他們跟進!

輝Ｓｉｒ

引用:

原帖由 青見人 於 2010-3-17 00:35 發表



錯喇, 我意思係如果你直接找校長, 你就準備轉校啦因為個主任一定玩針對!
所以應見下個主任, 看看他有幾多斤兩, 再與他相談, 話俾佢知如果阿仔係有錯你唔會幫, 但係如果係無衊佢, 你係唔會坐視不理!
情況唔理 ...

我無會錯意，可能係我詞不達意，
我已經在手冊內寫了「要求會晤校長」六個字，
下一步就等個主任來聯絡我........

我覺得佢地唔會咁易安排校長見我.......掛，

轉校與否我覺得暫時都係言之尚早

Bear

會唔會大家在看這件事上的方向有問題呢？
我估應該發生在小四至小六，傳統的名校吧。
個人應為錯是在不適當的地方說不適當的說話，我又唔信有人由細到大都未講過粗口，同埋，有幾大件事啫。
我覺得有機會同個班主任對話時應理性地攤開來講，你說出在這件事上對你和兒子的影響，和問他為什麼罰這樣重，因記過或對將來升學是有影響的，會不會是有其他的原因呢？和商討教好小朋友的方法。
溝通唔到才去越級投訴吧，但非必要都唔好咁做。
一個來學嘢一個來打工，做乜要搞到咁煩呢。

(=^x^=)

星期五來博一打波, 我地一邊打, 一邊同你相量對策

輝Ｓｉｒ

引用:

原帖由 Bear 於 2010-3-17 01:03 發表
會唔會大家在看這件事上的方向有問題呢？
我估應該發生在小四至小六，傳統的名校吧。
個人應為錯是在不適當的地方說不適當的說話，我又唔信有人由細到大都未講過粗口，同埋，有幾大件事啫。
我覺得有機會同 ...

我個仔中一喇！
學校亦只是Band 2 教會學校，聖伯多祿！

輝Ｓｉｒ

引用:

原帖由 (=^x^=) 於 2010-3-17 01:10 發表
星期五來博一打波, 我地一邊打, 一邊同你相量對策

星期五來不到，要在大嶼山過夜......

Bear

中一咁罰法，似比下馬威或恰F1仔多D喎。有D老師希望學生一見佢就怕，於是將來坐訓導就易D，而F1仔就是最好下手的。
不過恰啲家長冇咁煩嘅會易D，所以要煩佢！

輝Ｓｉｒ

引用:

原帖由 Bear 於 2010-3-17 01:35 發表
中一咁罰法，似比下馬威或恰F1仔多D喎。有D老師希望學生一見佢就怕，於是將來坐訓導就易D，而F1仔就是最好下手的。
不過恰啲家長冇咁煩嘅會易D，所以要煩佢！

我唔係想做個好煩嘅家長，唔想個仔無面，係呢啖氣好難吞！

一班有兩個班主任，另一個就無玩針對，呢個都唔知係咪變態？！

好彩個仔而家都未話唔想返學