jcclee

其實每個球局當中所發生的事, 包括營運概況, 論壇都早已心中有數.
不認同的不是在於人, 而是在於手法.
邊個去攪都得, 但一定要攪得正當, 唔一定要攪到有聲有色, 但一定要公道 !
論壇所要求既透明度, 唔係指要睇盤數.
想見到的是可以一視同仁, 放心地去信任所有搞手.
要連新會員都覺得 HKTTF 是一個高質素的論壇 !
強調 : 我地唔會想去針對任何人, 只要做好件事就已足夠.

老楊

大部份論壇D攪手攪得好好
其實所有球局都列出幾張枱、時間、收費及上限人數明碼實價
唔駛攪到咁複雜大家可自由選擇
最緊要玩得開心

(=^x^=)

先前停止某人戶口，不是因為earn　money，也不是因為他另有目的
而是不老实

likwaiw

引用:

原帖由 葉師傅 於 2012-8-16 12:25 發表

相當唔錯的建議 ! 建議為節省麻煩可只私人球局要寫事後報告。

如果要寫事後報告, 我諗一晚唔賺你三五百蚊都唔得. 邊有咁多時間呀?

likwaiw

引用:

原帖由 (=^x^=) 於 2012-8-17 16:33 發表
先前停止某人戶口，不是因為earn　money，也不是因為他另有目的
而是不老实

對, 我體驗個1:8 一張檯, 坐足兩小時, 所以之後都唔打球局了. 一於自己攪最可靠.....

乒乓小妹

其實有咩所謂，只要一開始講明價錢，明碼實價就得啦，一個願打，一個願捱，你覺得貴咪唔好報，每個人嘅 cost都唔同，唔可以一概而論。你覺得貴唔報，攪手無肉食，下次就會調整價格，咁如果仲有大把人報，即係該球局真係有優勝之處，值咁貴。
支持大市場，小政府，論壇應該俾球友更多自由，唔適合介入太多。

old-cake

因工作吾定時,我好小攪球局,都係join球局同比賽局,hkttf上的球局同比賽都join過8899,每個球局同比賽都不盡相同,各有特色,大部份攪手都很認真,其實我覺得論壇都吾駛俾太多限制俾d攪手,其實我都好相信呢個市塲學同物以類聚的特性,如果個球局收得貴又吾好玩,你估佢下次會吾會去呢,但係有d球局攪得好好玩,須然收貴小小,但係d人都會排著隊去參加,所以我覺得論壇應該企後小小,讓d攪手多一点自由空間去攪一d特式的球局或比賽,我係驚論壇學左董伯伯,好心做壞事,呢d係我一d個人的意見而巳

KKFan

我聽本會付責財務的會員講,前年他們無盈餘,今年的財務報告也只有一千多元盈餘,所以我覺得如果唔係大家對乒乓球有興趣,大家都唔會繼續去推廣此活動

[ 本帖最後由 KKFan 於 2012-8-18 01:31 編輯 ]

ta40gt

局球資料有齊,上限也有,(除非離普,1比6這些,如果唔係,多一兩個感覺問題不大),再講,慼謝真心的攪手們,多謝你們的心血攪局!貓哥,有你們在背後睇實,多多的放心,不良者都給你揪起!感謝你的團隊!

likwaiw

ta40gt 很讚~~~~~

大吉

其實..個人認為無謂搞到每一個球局都咁複雜
眼見既球局有幾多可以賺到錢,搞過球局既可以睇得到...
如果論壇設立左一個盈利既上限,我相信搞手都必須遵從...
就好似之前搞比賽咁,論壇話1咪1  話2咪2 得就得 唔得就唔得  有清晰而明確既規條咪得
每一個球局都有每一個球局既特色..無謂限死晒所有球局
我個人認為,論壇既立場係提供一個場地比搞手去發展球局,並唔係要將球局"餅印化" 整到一模一樣
講得好聽D叫統一,講得唔好聽D叫專制
假設有球局搞手只係想設球局作為娛樂   目標係扣除波鐘,波錢達到唔會蝕錢
亦都會受其他球局"冷眼", 出現左異類 好耐之前好多球局都係15蚊,因為人數不設上限
依家設左人數上限大部份都係20-35元,但卻出現左盈利既出現
亦都會因為達成左論壇一條formula...令到論壇每個球局一樣,"四個人,三個鐘,二十五蚊"(例子,並不作實)
所以我認為論壇應該設立規限...而唔係規條

[ 本帖最後由 大吉 於 2012-8-18 12:13 編輯 ]

Simon-Lee

同意上述各位
或者可否開立一個非限制區
讓一些搞手或參加者
各自各精彩

jcclee

引用:

原帖由 Simon-Lee 於 2012-8-19 13:09 發表
同意上述各位
或者可否開立一個非限制區
讓一些搞手或參加者
各自各精彩

這個問題好好 !
或者仲會係多數搞手的心聲....
論壇有一日可以做到咁, 即係表示已經取得完全的成功了 !
不用擔心球局會有甚麼問題出現, 沒有人投訴, 沒有不公平事件, 太好了 !

可惜, 這景象今日還是未(完全)見到有....

自由發揮, 不限制, 卻只換來了一點投訴 :
1張檯4人打....自由發揮至1張檯8人打
2小時$20....自由發揮至(假設)明年的2小時$40
當中還可能有其他不公平的小問題....

論壇的最終目標是完全可以放手干預球局.

輝Ｓｉｒ

這個論壇宗旨的起源...........More Game More Friend（唔知重有幾多人記得）

我只是一名好耐無出聲+好耐無出來打波............的微不足道管理員的一點心聲

1.起壇時一心習結各階層波友可在此找到對手打波消遣，當時論壇非常鼓勵各方波友仔可在各區自己區域book場開局，論壇是無任歡迎的！

2.至於話收費問題，坦白講，論壇一向無定位，並無償地劃出及借出版位給有心人攪球局識朋友！及沒有想過會有人用此謀利！

3.論壇過了多年發展，我相信好多出來打開波的老友/朋友/波友都會知現時場租大約是多少，一個三星波又會值多少，及Book場的難道又是多少（以一次性同時段租多張檯來計算）；講到尾，係咪真係要一分一豪都要計到好似婆仔數咁呢？

4.如覺得有球局攪手收得貴、唔抵；我可以講句，俗語話齋：笨柒做一次.......（無下次），請問你又會損失多少？你估攪球局果個唔驚比人唱？唱一次唔死，唱多兩次佢都以後有局都無人到喇！

5.這個平台起先只是一眾對乒乓球有熱誠的波友一個聚腳地，並唔係去立規則去指明要點、要點、又要點，我們是非常專重波友的言論自由，就算有人攪球局賺了多少多少，你看不過眼你可以去攪，可以在此招攬自願者，但希望唔好將收費多少的責任推到論壇頭上，始終我們都是出個平台比大家去玩，對不對？

6.可能有好多波友都唔識得我，而我計計埋埋都有兩年幾無出來參加任何球局，打咁多字都係想大家明白：樹大有枯枝，何況，人有好多種，有人會將是非當人情，將雞毛蒜皮之事無限放大，然後就發陽光大，唯恐天下不亂；亦會有人處事待人過份熱情、直率，比人錯覺無禮、小家、唱人....等等

我就唔想呢頭家咁快會散，亦知道好多老友/朋友/波友都唔想見到！

以上廢話，不喜勿插，我的言論只是個人觀點，並非代表論壇立場。

謝謝觀看！

Tam校長

引用:

原帖由 輝Ｓｉｒ 於 2012-8-20 02:45 發表
這個論壇宗旨的起源...........More Game More Friend（唔知重有幾多人記得）

我只是一名好耐無出聲+好耐無出來打波............的微不足道管理員的一點心聲images/smilies/default/bye.gif

1.起壇時一心習結各 ...

100% agree and also what I think.

日本仔

引用:

原帖由 輝Ｓｉｒ 於 2012-8-20 02:45 發表
這個論壇宗旨的起源...........More Game More Friend（唔知重有幾多人記得）

我只是一名好耐無出聲+好耐無出來打波............的微不足道管理員的一點心聲images/smilies/default/bye.gif

1.起壇時一心習結各 ...

2年幾唔出來打波，可以出來請我飲茶  ( 我系街童 )

(=^x^=)

輝sir，你快d出番來啦！論壇無左你小左好多　殺氣

(=^x^=)

所有會員意見我們都會一一記下，待九月中開會時討論
無論最后決定係點，我相信都無可以滿足每一個網友，開局者自然不想限制太多，但參與者亦想我們做多一點工作。單單這個月我私底下收到不少意見，而大家亦看到其实在論壇上有不同的聲音，這問題亦沒有絕對答案。

無可否認，明碼实價，願者上鈎。
如果這樣說私人球館�乒乓商店是否也應該隨意開局或開出售post？明碼实價願者上鈎呢？

葉師傅

其實只要唔好太過份及沒什麼投訴,就可不用那麼多限制囉 ! 最緊要都係個搞手可以令個局如預計般進行,所以我建議可增立搞手可信性等級,使玩家多一樣嘢作參考。

bd_fan

引用:

原帖由 輝Ｓｉｒ 於 20-8-2012 02:45 發表
這個論壇宗旨的起源...........More Game More Friend（唔知重有幾多人記得）

我只是一名好耐無出聲+好耐無出來打波............的微不足道管理員的一點心聲images/smilies/default/bye.gif

1.起壇時一心習結各 ...

絕對同意  輝Ｓｉｒ的 More Ball Game More Friend!!

簡簡單單為打波而攪波局, 是我等攪球局的目的!!!

一時又說什麼要每次都列出收入與支出清單, 一時又要出什麼攪手評分.......

好似做到要攪上市公司 ,

動作多而不雅觀, 語言多又不達致!!
侮辱大眾球局參與者的精確抉擇!!